1 Samuel 6:17 - Die Bybel 2020-vertaling

¹⁷ Dit was die goue swelsels wat die Filistyne as skadevergoeding aan die Here gestuur het: een vir Asdod, een vir Gasa, een vir Askelon, een vir Gat en een vir Ekron.

Bybel vir almal

¹⁷ Die skuld-offer wat die Filistyne vir die Here gestuur het, was vyf goue sere, een seer vir elke stad. Die stede was Asdod, Gasa, Askelon, Gat en Ekron.

Afrikaans 1933-1953

¹⁷ En dit is die goue geswelle wat die Filistyne as 'n skuldoffer aan die Here teruggegee het: vir Asdod een, vir Gasa een, vir Áskelon een, vir Gat een, vir Ekron een.

Afrikaans 1983

¹⁷ Die geskenk wat die Filistyne aan die Here gegee het, die goue afbeeldings van die swere, was een vir Asdod, een vir Gasa, een vir Askelon, een vir Gat en een vir Ekron.

Contemporary Afrikaans Bible 2023

¹⁷ En dit is die goue sarkels wat die Filistyne as skuldoffer aan die HERE teruggegee het; vir Asdod een, vir Gasa een, vir Askelon een, vir Gat een, vir Ekron een;

Die Boodskap

¹⁷ Die vyf goue beeldjies van die swelsels waarmee die Filistyne die Here wou betaal, is gegee in die plek van die vyf groot dorpe van die Filistyne: Asdod, Gasa, Askelon, Gat en Ekron.

1 Samuel 6:17 Kruisverwysings

2 Samuel 1:20

“Maak dit nie in Gat bekend nie, versprei die nuus nie in die strate van Askelon nie; anders verheug die dogters van die Filistyne hulle, anders jubel die dogters van die onbesnedenes.

2 Samuel 21:22

Hierdie vier het afgestam van Rafa in Gat, maar hulle het gesneuwel aan die hand van Dawid en sy dienaars.

2 Konings 1:2

Ahasia het deur die traliewerk van sy bovertrek in Samaria geval en is beseer. Hy het boodskappers gestuur met die opdrag: “Gaan doen navraag by •Baäl-Sebub, die god van Ekron, of ek van hierdie besering sal herstel.”

2 Kronieke 26:6

Hy het uitgetrek, teen die Filistyne geveg, en bresse geslaan in die stadsmure van Gat, Jabne en Asdod. Hy het dorpe gebou by Asdod en tussen die Filistyne.

Jeremia 25:20

en die hele gemengde bevolking; al die konings van die land Us; al die konings van die land van die Filistyne – Askelon, Gasa en Ekron, en dié wat oorgebly het in Asdod;

Levitikus 5:7

Maar as hy nie 'n stuk kleinvee kan bekostig nie, moet hy as boetedoening vir sy sonde twee tortelduiwe of twee jong duiwe vir die Here bring, een as reinigingsoffer en een as •brandoffer.

Amos 1:6

So sê die Here: “Oor drie oortredings van Gasa, ja, oor vier, sal Ek dit nie herroep nie; omdat hulle 'n hele gemeenskap weggevoer het as ballinge om hulle aan Edom oor te lewer.

Amos 6:2

Gaan oor die grens na Kalne en kyk; loop van daar na Hamat-Rabba, en gaan af na Gat van die Filistyne. Is julle beter as hierdie koninkryke, of is hulle grondgebied groter as julle s'n,

Deuteronomium 28:27

“Die Here sal jou tref met Egiptiese swere, swelsels, uitslag en skurfsiekte waarvan jy nie sal kan genees nie.

Rigters 1:18

Juda het ook Gasa en sy grondgebied, Askelon en sy grondgebied, en Ekron en sy grondgebied ingeneem.

Rigters 14:19

Die Gees van die Here het van hom besit geneem en hy het afgegaan na Askelon. Hy het dertig man van hulle doodgeslaan, hulle uitrustings geneem en die klere vir dié wat die raaisel verklaar het, gegee. Hy was woedend en het opgegaan na sy vader se huis.

Rigters 16:1

Simson het na Gasa gegaan. Hy het daar 'n prostituut gesien en by haar ingegaan.

Rigters 16:21

Toe gryp die Filistyne hom en steek sy oë uit. Hulle het hom na Gasa afgeneem en hom met bronskettings geboei. Hy moes toe maalwerk doen in die gevangenis.

1 Samuel 5:1

Toe die Filistyne die ark van God weggevoer het, het hulle dit van Eben-Haeser af na Asdod toe gebring.

1 Samuel 5:10

Toe stuur hulle die ark van God na Ekron; maar die oomblik toe die ark van God by Ekron aankom, het die mense van Ekron uitgeskreeu: “Hulle het die ark van die God van Israel na ons verskuif om ons en ons volk dood te maak!”

1 Samuel 5:8

Hulle het al die Filistynse regeerders ontbied en by hulle byeengebring. Hulle vra toe: “Wat moet ons doen met die ark van die God van Israel?” Hulle antwoord was: “Die ark van die God van Israel moet na Gat verskuif word.” Hulle het toe die ark van die God van Israel verskuif.

1 Samuel 6:4

Die Filistyne vra toe: “Wat is die skadevergoeding wat ons vir Hom moet terugstuur?” Hulle antwoord was: “In ooreenstemming met die getal Filistynse heersers, vyf swelsels van goud en vyf muise van goud, want een en dieselfde plaag het julle almal en ook al julle regeerders getref.