1 Samuel 5:6 - Die Bybel 2020-vertaling

⁶ Die hand van die Here was swaar op die mense van Asdod. Hy het paniek gesaai onder hulle, en Hy het hulle, dit is Asdod en sy omliggende gebied, getref met swelsels.

Bybel vir almal

⁶ Die Here het die mense van Asdod baie swaar laat kry. Hy het hulle bang laat word en Hy het sere op hulle liggame laat kom. Die sere was op al die mense van Asdod, oral in hulle land.

Afrikaans 1933-1953

⁶ Maar die hand van die Here was swaar op die Asdodiete, en Hy het hulle verskrik en hulle getref met geswelle, Asdod en sy grondgebied.

Afrikaans 1983

⁶ Die Here het die Asdodiete swaar gekasty: Hy het Asdod en sy gebied in beroering gebring en hulle met pesswere getref.

Contemporary Afrikaans Bible 2023

⁶ Maar die hand van die HERE was swaar op hulle van Asdod, en Hy het hulle verdelg en hulle met slyne verslaan, naamlik Asdod en sy grondgebied.

Die Boodskap

⁶ Die Here het die mense van Asdod en die hele omgewing laat les opsê en hulle vol swere gemaak.

Nuwe Lewende Vertaling

⁶ Toe begin die Here die mense van Asdod en die omliggende dorpe met ’n plaag van swere tref.

1 Samuel 5:6 Kruisverwysings

Genesis 41:31

Die oorvloed in die land sal vanweë die hongersnood wat daarop volg, nie meer onthou word nie. Ja, dit sal baie erg wees.

Job 31:3

Is dit nie teenspoed vir 'n boosdoener, en rampe vir wie onreg pleeg nie?

Psalms 145:20

Die Here beskerm almal wat Hom liefhet, maar al die goddeloses delg Hy uit.

Psalms 147:6

Die Here help die verdruktes op; goddeloses verneder Hy tot in die grond.

Psalms 32:4

Ja, dag en nag was u hand swaar op my; my lewenskrag het weggekwyn soos in die hitte van die somer. •Sela

Psalms 78:66

Hy het sy teenstanders teruggedryf en ewige bespotting oor hulle gebring.

Eksodus 9:3

kyk, die hand van die Here is teen jou vee wat in die veld is. Onder die perde, die donkies, die kamele, die beeste en die kleinvee sal daar 'n baie swaar pessiekte uitbreek.

Handelinge 13:11

Maar kyk, nou gaan die hand van die Here jou tref en jy sal 'n ruk lank blind wees en die son nie sien nie.” Onmiddellik het 'n mistigheid en duisternis hom oorval en hy het rondgestrompel en mense gesoek om hom aan die hand te lei.

Deuteronomium 28:27

“Die Here sal jou tref met Egiptiese swere, swelsels, uitslag en skurfsiekte waarvan jy nie sal kan genees nie.

1 Samuel 5:11

Hulle het al die Filistynse regeerders ontbied, hulle byeengebring en vir hulle gesê: “Stuur die ark van die God van Israel weg, sodat dit na sy plek kan teruggaan en nie ons en ons volk doodmaak nie.” Daar het immers 'n doodspaniek in die hele stad geheers. Die hand van God was baie swaar daarop.

1 Samuel 5:7

Toe die manne van Asdod sien wat gebeur, sê hulle: “Die ark van die God van Israel kan nie by ons bly nie, want sy hand rus swaar op ons en op Dagon, ons god.”

1 Samuel 5:9

Maar nadat hulle dit verskuif het, was die hand van die Here teen die stad. Daar het baie groot paniek geheers. Hy het die mense van die stad getref, klein en groot, en swelsels het op hulle uitgebreek.