1 Samuel 3:17 - Die Bybel 2020-vertaling

¹⁷ Toe sê Eli: “Wat is dit wat Hy vir jou gesê het? Moet dit tog nie vir my wegsteek nie. Mag God jou swaar straf as jy enigiets vir my wegsteek van alles wat Hy vir jou gesê het.”

Bybel vir almal

¹⁷ Toe sê Eli: “Wat het die Here vir jou gesê? Jy moet alles vir my vertel en niks wegsteek nie. Ek bid dat die Here jou sal straf as jy enige iets vir my wegsteek. Vertel vir my alles wat Hy vir jou gesê het.”

Afrikaans 1933-1953

¹⁷ Toe vra hy: Wat is die woord wat Hy met jou gespreek het? Verberg dit tog nie vir my nie. Mag God so aan jou doen en so daaraan toedoen as jy iets van al die woorde wat Hy met jou gespreek het, vir my verberg.

Afrikaans 1983

¹⁷ Eli sê toe: “Wat het die Here met jou gepraat? Moenie iets vir my wegsteek nie. God sal jou met die dood straf as jy iets van wat Hy aan jou bekend gemaak het, vir my wegsteek.”

Contemporary Afrikaans Bible 2023

¹⁷ En hy sê: Wat is die woord wat die HERE vir jou gesê het? Verberg dit tog nie vir my nie; God doen so aan jou, en meer as jy iets vir my verberg van alles wat Hy vir jou gesê het.

Die Boodskap

¹⁷ Eli vra vir hom: “Wat het die Here vir jou gesê? Moet niks vir my wegsteek nie. God sal jou baie swaar straf as jy vir my enigiets wegsteek wat Hy vir jou gesê het.”

Nuwe Lewende Vertaling

¹⁷ “Wat het die Here vir jou gesê? Moenie iets vir my wegsteek nie. Mag God met jou afreken as jy my nie alles sê wat jy gehoor het nie!”

1 Samuel 3:17 Kruisverwysings

2 Samuel 14:18

Die koning reageer toe daarop en sê vir die vrou: “Moenie vir my enigiets wegsteek van wat ek vir jou gaan vra nie.” Die vrou het geantwoord: “My heer die koning moet asseblief praat.”

2 Samuel 19:13

En vir Amasa moet julle sê, ‘Is jy nie my bloedfamilie nie? Mag God my swaar straf as jy nie vir goed in my diens die bevelvoerder van die leër word in die plek van Joab nie!’ ”

2 Samuel 3:35

Al die manskappe het gekom om vir Dawid brood aan te bied terwyl dit nog dag was. Maar Dawid het 'n eed afgelê: “Mag God my swaar straf as ek aan brood of enigiets proe voordat die son ondergaan!”

2 Samuel 3:9

Mag God my, Abner, swaar straf as ek nie vir Dawid presies doen wat die Here hom met 'n eed beloof het nie –

1 Konings 22:16

Daarop sê die koning vir hom: “Hoeveel keer moet ek jou laat sweer dat jy in die Naam van die Here met my niks anders as die waarheid sal praat nie?”

2 Konings 6:31

Hy sê toe: “Mag God my swaar straf as Elisa, seun van Safat, se kop vandag steeds op sy lyf is!”

Psalms 141:5

'n Regverdige kan my maar slaan – dit is uit troue liefde; hy kan my maar teregwys – dit is olie vir die kop. My kop sal dit nie weier nie. Maar my gebed sal steeds gerig wees teen daardie mense se bose dade.

Jeremia 38:14

Koning Sedekia het die profeet Jeremia na hom toe ontbied by die derde ingang van die huis van die Here. Die koning het vir Jeremia gesê: “Ek gaan jou iets vra; moet niks vir my wegsteek nie!”

Jeremia 42:4

Die profeet Jeremia het toe vir hulle gesê: “Ek het gehoor. Kyk, ek gaan tot die Here julle God bid, soos julle versoek, en ek sal elke woord wat die Here julle antwoord, aan julle bekend maak. Ek sal niks van julle weerhou nie.”

Daniël 4:19

Daarop was Daniël, wie se naam Beltsasar was, vir 'n kort tydjie verbysterd, en sy gedagtes het hom verskrik. Die koning sê toe: “Beltsasar, moenie dat die droom en sy uitleg jou ontstel nie!” Beltsasar het geantwoord en gesê: “My heer, was die droom maar vir u haters en sy uitleg vir u teenstanders bedoel!

Miga 2:7

Kan dit gesê word, huis van Jakob ? Is die Here ongeduldig, of is dit sy dade hierdie?” “Doen my woorde nie iemand goed wat die regte pad loop nie?

Numeri 23:17

Toe hy by Balak kom, staan hy nog daar by sy brandoffer, met die hoë amptenare van Moab by hom. Balak vra hom: “Wat het die Here gesê?”

Matteus 26:63

Maar Jesus het stilgebly. Die hoëpriester sê toe vir Hom: “Ek besweer jou by die lewende God dat jy vir ons moet sê of jy die Christus, die •Seun van God is.”

Rut 1:17

Waar u sterf, sal ek sterf, en daar sal ek begrawe word. “Die Here kan my maar swaar straf as ek nie woord hou nie: Net die dood sal ons skei.”

1 Samuel 14:44

Toe sê Saul: “Mag God my swaar straf as jy nie beslis sterf nie, Jonatan.”

1 Samuel 20:13

Mag die Here vir my, Jonatan, swaar straf as ek dít nie doen nie: As onheil oor jou my pa se keuse is, sal ek jou inlig en jou wegstuur, dat jy veilig kan weggaan. En mag die Here dan by jou wees, soos Hy by my pa was.

1 Samuel 25:22

Mag God my, Dawid, swaar straf as ek van almal wat aan hom behoort, een mansmens tot môreoggend laat oorbly.”

1 Samuel 3:16

Eli roep toe na Samuel en sê: “Samuel, my seun!” Hy het geantwoord: “Hier is ek!”