1 Samuel 26:23 - Die Bybel 2020-vertaling

²³ Die Here is die Een wat die mens beloon vir sy regverdigheid en sy getrouheid, die Here wat u vandag in my hand oorgegee het. Maar ek wou nie my hand teen die gesalfde van die Here uitsteek nie.

Bybel vir almal

²³ Die Here het jou vandag vir my gegee. Ek kon jou doodgemaak het as ek wou, maar ek het besluit om niks te doen teen die gesalfde van die Here nie. Ek weet dat die Here goed doen aan mense wat reg doen en wat lewe soos Hy wil hê.

Afrikaans 1933-1953

²³ Die Here tog vergeld aan elkeen sy regverdigheid en sy getrouheid — die Here het u vandag in my hand gegee, maar ek wou nie my hand teen die gesalfde van die Here uitsteek nie.

Afrikaans 1983

²³ Mag die Here elkeen volgens sy geregtigheid en trou beloon, want die Here het u vandag in my mag gegee. Maar ek was nie bereid om my hand te lig teen die gesalfde van die Here nie.

Contemporary Afrikaans Bible 2023

²³ Die HERE vergeld aan elkeen sy geregtigheid en sy trou, want die HERE het jou vandag in my hand gegee, maar ek wou my hand nie uitsteek teen die gesalfde van die HERE nie.

Die Boodskap

²³ Die Here is goed vir elke mens wat regverdig en getrou is. Hy het u vannag in my mag gegee en tog het ek nie my hand teen die Here se gesalfde opgelig nie.

Nuwe Lewende Vertaling

²³ Die Here beloon elke mens vir regverdigheid en getrouheid. Vandag het die Here u ten volle in my mag geplaas, maar ek het geweier om u dood te maak, want u is die gesalfde van die Here.

1 Samuel 26:23 Kruisverwysings

2 Samuel 22:21

“Die Here het aan my goed gedoen, op grond van my geregtigheid; omdat my hande skoon is, het Hy my vergoed.

2 Samuel 22:25

Die Here het my vergoed, op grond van my geregtigheid, omdat my hande skoon is in sy oë.

1 Konings 8:32

moet U self hoor in die hemel en optree en die reg handhaaf van u diensknegte deur die skuldige skuldig te verklaar, deur sy optrede op sy eie kop te laat neerkom, en die regverdige regverdig te verklaar deur aan hom te gee wat hy volgens sy regverdige optrede verdien.

Nehemia 13:14

Dink hieroor aan my, my God, en moet tog nie my troue liefdesdiens uitwis wat ek in die huis van my God, en vir die diensbeurte daarvan, gedoen het nie.

Job 34:11

Ja, Hy vergeld 'n mens sy dade; volgens sy gedrag laat Hy hom dit ervaar.

Psalms 62:12

Een saak het God bevestig, twee, wat ek gehoor het: Krag is by God;

1 Samuel 24:11

Kyk, u het vandag met u eie oë gesien dat die Here u vandag in die grot in my hand oorgegee het. Iemand het gesê ek moet u om die lewe bring, maar ek het u jammer gekry. Ek het gesê, ‘Ek sal nie my hand na my heer uitsteek nie, want hy is die gesalfde van die Here.’

1 Samuel 24:12

En, my vader, kyk, ja, kyk hier, die soom van u mantel is in my hand. Want toe ek die soom van u mantel afgesny het, het ek u nie om die lewe gebring nie. Besef dan en sien in dat ek nie kwaad en opstand in die oog het nie. Ek het nie teen u gesondig nie, maar u maak jag op my om my lewe te neem.

1 Samuel 24:18

en vir Dawid gesê: “Jy is regverdiger as ek, want jy het aan my goed gedoen terwyl ek aan jou kwaad gedoen het.

1 Samuel 24:19

Jy het dit vandag duidelik gemaak dat jy aan my goed doen, dat die Here my in jou hand oorgelewer het, maar dat jy my nie om die lewe gebring het nie.

1 Samuel 26:11

Mag die Here my daarvan weerhou dat ek ooit my hand teen die gesalfde van die Here lig! Maar vat nou die vegspies wat by sy kop is en die waterkruik, en laat ons padgee.”

1 Samuel 26:22

Dawid het geantwoord en gesê: “Hier is die vegspies van die koning; laat een van die jong manne oorkom en dit kom haal.

1 Samuel 26:9

Maar Dawid sê vir Abisai: “Moet hom nie uitwis nie. Want wie kan sy hand teen die gesalfde van die Here uitsteek en onskuldig wees?”