1 Samuel 24:9 - Die Bybel 2020-vertaling

⁹ Daarna het Dawid opgestaan en uit die grot gegaan. Hy het agter Saul aan geroep: “My heer die koning!” Toe Saul omkyk, kniel Dawid met sy gesig na die grond en buig diep neer.

Bybel vir almal

⁹ Dawid het daarna opgestaan en uitgegaan uit die grot en hy het vir Saul geskree: “Meneer die koning!” Toe Saul omkyk, het Dawid gekniel en laag gebuig, sy gesig was teen die grond.

Afrikaans 1933-1953

⁹ Daarna staan Dawid ook op en gaan uit die spelonk uit en roep agter Saul aan en sê: My heer die koning! Toe Saul agter hom omkyk, buig Dawid met sy aangesig na die aarde toe en val neer.

Afrikaans 1983

⁹ Dawid het ook klaargemaak en uit die grot uitgegaan. Hy het agter Saul aan geroep: “U Majesteit, die Koning!” Toe Saul omkyk, het Dawid gekniel en diep gebuig.

Contemporary Afrikaans Bible 2023

⁹ Toe sê Dawid vir Saul: Waarom luister jy na die woorde van jou wat sê: Kyk, Dawid soek jou onheil?

Die Boodskap

⁹ het Dawid agter hom aangegaan. Hy het na Saul geroep: “U Majesteit!” Toe Saul omkyk, gaan staan Dawid op sy knieë en buig met sy gesig teen die grond.

Nuwe Lewende Vertaling

⁹ Daarna kom Dawid uit die grot en roep agter hom aan: “Meneer die koning!” Toe Saul omkyk, het Dawid gekniel en diep voor hom gebuig.

1 Samuel 24:9 Kruisverwysings

Psalms 101:5

Wie sy medemens in die geheim belaster, hom sal ek vernietig. Hovaardige oë en 'n hoogmoedige hart, dit kan ek nie verdra nie.

Psalms 141:6

Al sou hulle regeerders oor die rand van 'n krans afgegooi word, sou hulle steeds hoor dat my woorde aangenaam is.

Spreuke 16:28

'n Verdorwe mens ontketen stryd, en 'n kwaadstoker skei boesemvriende.

Spreuke 17:4

'n Kwaaddoener gee aandag aan lippe vol boosheid; 'n leuenaar spits sy oor vir 'n tong vol vernietiging.

Spreuke 18:8

Die woorde van 'n kwaadstoker is soos lekkernye – dit gaan af na die binneste van die liggaam.

Spreuke 25:23

Die noordewind bring reën, en 'n tong wat skinder, verontwaardigde gesigte.

Spreuke 26:28

'n Vals tong haat dié wat hy verpletter het, en 'n gladde mond bewerk 'n ramp.

Spreuke 29:12

'n Heerser wat luister na leuentaal – almal wat in sy diens is, is goddeloos.

Jeremia 37:18

Jeremia het ook vir koning Sedekia gevra: “Wat het ek teen u of u dienaars of hierdie volk gesondig dat julle my in die gevangenis gesit het?

Levitikus 19:16

Jy mag nie as 'n kwaadstoker tussen jou mense rondgaan nie; jy mag nie jou medemens se lewe in gevaar stel nie. Ek is die Here.

Jakobus 3:6

Die tong is ook 'n vuur, 'n wêreld van ongeregtigheid. Die tong is deel van ons ledemate, maar besoedel die hele liggaam. Dit steek die hele lewensloop aan die brand, en word uit Gehenna aangesteek.

1 Samuel 20:1

Dawid het uit Najot in Rama gevlug. Hy het by Jonatan gekom en hom reguit gevra: “Wat het ek gedoen? Wat is my skuld, wat is my sonde voor jou pa, dat hy my lewe soek?”

1 Samuel 20:41

Toe die jong dienaar weg is, staan Dawid langs die kliphoop op, val neer met sy gesig na die grond, en buig drie maal diep neer. Hulle het mekaar gesoen en saam gehuil totdat Dawid buite homself was.

1 Samuel 24:10

Dawid sê toe vir Saul: “Waarom luister u na die woorde van mense wanneer hulle sê, ‘Kyk, Dawid is daarop uit om u kwaad aan te doen’?

1 Samuel 24:8

Met dié woorde het Dawid sy manne berispe en hulle nie toegelaat om teen Saul op te staan nie. Saul het opgestaan, uit die grot gegaan en koers gekry.

1 Samuel 26:18

Verder sê hy: “Waarom agtervolg my heer sy dienaar? Ja, wat het ek gedoen? Watter kwaad kleef aan my hande?

1 Samuel 26:19

“ Daarom moet my heer die koning asseblief na die woorde van sy dienaar luister: As dit die Here is wat u teen my aangehits het, laat Hy die geur van 'n •graanoffer ruik. Maar as dit mense is, vervloek is hulle voor die Here, want hulle het my vandag verdryf, weg van deelname aan die erfenis van die Here deur te sê, ‘Gaan dien ander gode!’