1 Samuel 24:5 - Die Bybel 2020-vertaling

⁵ Die manne van Dawid sê toe vir hom: “Kyk, dit is die dag waarvan die Here vir jou gesê het, ‘Kyk, Ek gaan jou vyande in jou hand gee.’ Maak dan met hom soos jy goeddink.” Dawid het opgestaan en stilletjies 'n soom van Saul se mantel afgesny.

Bybel vir almal

⁵ Dawid se manne sê toe vir hom: “Die Here sê vandag vir jou: ‘Ek gee jou vyand vir jou, daar is hy. Jy mag met hom doen wat jy wil.’ ” Dawid het nader gegaan en hy het stilletjies 'n punt van Saul se bo-kleed afgesny.

Afrikaans 1933-1953

⁵ En die manne van Dawid sê aan hom: Kyk, dit is die dag dat die Here aan u sê: Nou gee Ek jou vyand in jou hand, en maak met hom soos goed is in jou oë. Toe staan Dawid op en sny stilletjies die slip van Saul se mantel af.

Afrikaans 1983

⁵ Dawid se manne sê toe vir hom: “Kyk daar, vandag sê die Here vir jou: Ek gee jou vyand in jou hand en jy moet met hom maak soos jy dit goedvind.” Dawid het opgestaan en ongemerk die punt van Saul se mantel afgesny.

Contemporary Afrikaans Bible 2023

⁵ En daarna het Dawid se hart hom getref, omdat hy Saul se mantel afgesny het.

Die Boodskap

⁵ “Vandag is die dag!” sê Dawid se manne vir hom. “Die Here het mos vir jou gesê: ‘Ek gaan jou vyand aan jou oorgee en jy kan met hom maak wat jy wil.’” Dawid het opgestaan en stilletjies ’n stuk van Saul se mantel afgesny.

Nuwe Lewende Vertaling

⁵ “Dis nou jou kans!” fluister Dawid se manskappe. “Vandag is die dag waarvan die Here gepraat het toe Hy gesê het: ‘Ek sal Saul sekerlik in jou mag gee sodat jy met hom kan doen wat jy wil!’” Dawid het toe stilletjies vorentoe gekruip en ’n stuk van Saul se mantel afgesny.

1 Samuel 24:5 Kruisverwysings

2 Samuel 12:9

Waarom het jy die woord van die Here geminag deur kwaad te doen in my oë? Urija, die Hetiet, het jy met die swaard neergevel. Sy vrou het jy vir jou as vrou geneem, en hom het jy deur die swaard van die Ammoniete vermoor.

2 Samuel 24:10

Maar Dawid se gewete het hom gepla nadat hy die manskappe getel het. Dawid sê toe vir die Here: “Ek het ernstig gesondig deur wat ek gedoen het. Here, skeld nou asseblief die sondeskuld van u dienskneg kwyt, want ek het baie dwaas opgetree.”

2 Konings 22:19

omdat jou hart sag is, en jy jouself voor die Here verootmoedig het toe jy gehoor het wat Ek oor hierdie plek en sy inwoners gesê het, dat hulle 'n skrikbeeld en vervloeking sal word, en omdat jy jou klere geskeur en voor My gehuil het, sal Ek ook luister,” is die uitspraak van die Here.

Psalms 59:11

Die God aan wie ek toegewy is, sal my tegemoetkom; God sal my laat neersien op my vyande.

1 Samuel 26:8

Abisai sê toe vir Dawid: “God het vandag jou vyand in jou hand oorgelewer. Laat ek hom tog nou met die vegspies in die grond vaspen met een steek. Ek sal dit nie 'n tweede keer hoef te doen met hom nie.”