1 Samuel 21:7 - Die Bybel 2020-vertaling

⁷ Op daardie dag was een van Saul se amptenare wat afgesonder is voor die Here egter ook daar. Sy naam was Doëg die Edomiet, die voorman van Saul se veewagters.

Bybel vir almal

⁷ Een van Saul se amptenare moes daardie dag in die tempel bly. Sy naam was Doëg, en hy was die hoof oor die wagters wat Saul se beeste en skape en bokke moes oppas.

Afrikaans 1933-1953

⁷ Maar daar was 'n man uit die dienaars van Saul wat dieselfde dag opgesluit was voor die aangesig van die Here, en sy naam was Doëg, die Edomiet, die opsigter oor die veewagters van Saul.

Afrikaans 1983

⁷ Een van Saul se slawe moes daardie dag in die tempel deurbring. Sy naam was Doëg. Hy was 'n Edomiet, die hoof van Saul se veewagters.

Contemporary Afrikaans Bible 2023

⁷ En 'n sekere man uit die dienaars van Saul was daardie dag daar, in hegtenis voor die aangesig van die HERE; en sy naam was Doëg, 'n Edomiet, die vernaamste van die veewagters wat aan Saul behoort het.

Die Boodskap

⁷ Een van Saul se werkers was daardie dag ook om die een of ander rede in die tempel. Sy naam was Doëg. Hy het uit Edom gekom en was die baas van Saul se skaapwagters.

Nuwe Lewende Vertaling

⁷ Doëg die Edomiet, hoof van Saul se veewagters, moes dié dag daar in die heiligdom deurbring.

1 Samuel 21:7 Kruisverwysings

Genesis 26:20

Maar die herders van Gerar het met Isak se herders gestry en gesê: “Die water behoort aan ons!” Hy het toe die put Esek genoem, omdat hulle daaroor rusie gemaak het.

1 Kronieke 27:29

Oor die grootvee wat in Saron gewei het, het Sitrai, uit Saron, toesig gehou, en oor die grootvee in die valleie, Safat, seun van Adlai.

1 Kronieke 27:31

Oor die kleinvee het Jasis, uit die nageslag van Hagar, toesig gehou. Al hierdie manne was toesighouers oor die besittings wat aan koning Dawid behoort het.

2 Kronieke 26:10

Hy het wagtorings in die woestyn gebou en baie opgaarputte gegrawe, want hy het baie vee gehad in sowel die Sjefela as op die vlakte. Hy het plaaswerkers en wingerdwerkers in die bergland en op vrugbare grond gehad, want hy was lief vir landbou.

Esegiël 33:31

Dan kom hulle in skares by jou aan, en my volk gaan sit voor jou en hulle luister na jou woorde, maar hulle voer dit nie uit nie. Ja, met hulle monde doen hulle hartstogtelik mee, maar hulle harte is net agter hulle onregmatige wins aan.

Levitikus 22:10

“ ‘ Geen onbevoegde persoon mag eet wat heilig is nie. 'n Priester se bywoner of dagloner mag nie eet wat heilig is nie.

Levitikus 22:13

Maar wanneer die dogter van 'n priester 'n weduwee word, of verstoot word, en sy geen nageslag het nie en na haar vader se huis terugkeer soos in haar jeug, mag sy van haar vader se brood eet. Geen onbevoegde persoon mag daarvan eet nie.

Levitikus 24:5

“Jy moet gesifte meel vat en daarmee twaalf ringbrode bak. Elke ringbrood moet twee tiendes van 'n efa meel bevat.

Levitikus 24:8

Gereeld, Sabbatdag ná Sabbatdag, moet Aäron dit namens die Israeliete voor die Here regsit as 'n ewige verbond.

Amos 8:5

deur te sê, “Wanneer is nuwemaan verby, sodat ons weer koring kan verkoop, en die Sabbat, sodat ons die graansakke kan oopmaak?” net om 'n efa kleiner te maak en 'n sikkel groter, en om te kul met 'n vals weegskaal,

Matteus 15:8

“ ‘Hierdie volk eer My met die lippe, maar hulle harte is ver van My af;

1 Samuel 11:5

Juis toe kom Saul van die land af terug, agter die osse aan. Saul vra toe: “Wat is dit met die volk dat hulle huil?” Hulle vertel hom toe wat die manne van Jabes gesê het.

1 Samuel 14:47

Saul het die koningskap oor Israel onder beheer gekry, en het op alle fronte oorlog gevoer teen al sy vyande: teen Moab, teen die Ammoniete, teen Edom, teen die konings van Soba en teen die Filistyne. Waar hy ook al gekom het, het hy redding gebring.

1 Samuel 21:8

Dawid het ook vir Agimeleg gevra: “U het nie dalk hier 'n vegspies of 'n swaard byderhand nie? Ek het nie my swaard of my wapens met my saamgeneem nie, omdat die saak van die koning so dringend is.”

1 Samuel 22:10

Hy het die Here vir hom geraadpleeg en padkos vir hom gegee; ook die swaard van Goliat, die Filistyn, het hy vir hom gegee. ”

1 Samuel 22:22

het Dawid vir Abjatar gesê: “Ek het daardie dag toe Doëg, die Edomiet, daar was, geweet dat hy dit beslis vir Saul gaan vertel. Eintlik het ek teen elke persoon in jou familie gedraai.

1 Samuel 22:9

Doëg, die Edomiet, wat daar by Saul se amptenare staan, reageer toe daarop en sê: “Ek het gesien die seun van Isai kom in Nob aan, by Agimeleg, seun van Agitub.