1 Samuel 2:3 - Die Bybel 2020-vertaling

³ Julle moet nie verwaand bly praat nie, nie vermetele woorde oor julle lippe laat kom nie; want 'n God van kennis is die Here; deur Hom word dade geweeg.

Bybel vir almal

³ Julle moenie aanhou spog nie, julle moenie teen die Here praat nie, want die Here weet alles en Hy toets alles wat 'n mens doen.

Afrikaans 1933-1953

³ Spreek nie voortdurend alte hoog nie, laat vermetele taal nie uit julle mond uitgaan nie; want die Here is 'n God van diepe kennis, en deur Hom word die dade beproef.

Afrikaans 1983

³ “Julle moenie in hoogmoed bly praat nie, moenie aanmatigende dinge sê nie, want die Here is 'n God van diepe kennis, dade word deur Hom getoets.

Contemporary Afrikaans Bible 2023

³ Praat nie meer so hoogmoedig nie; laat geen hoogmoedigheid uit jou mond kom nie, want die HERE is 'n God van kennis, en deur Hom word die dade geweeg.

Die Boodskap

³ Mense moet ophou met hulle grootpratery, met hulle astrante woorde. Die Here weet alles; Hy kyk wat die mense doen.

Nuwe Lewende Vertaling

³ “Hou op om so hoogmoedig en trots te wees! Moenie met sulke verwaandheid praat nie! Die Here is ’n God wat weet van al jou dade; Hy sal jou oordeel volgens wat jy gedoen het.

1 Samuel 2:3 Kruisverwysings

1 Konings 8:39

moet U self hoor in die hemel, die plek van u verblyf. U moet dan vergewe en optree en met elkeen handel volgens al sy dade, U wat sy hart ken – U alleen ken immers die harte van alle mensekinders –

Job 31:6

laat God my dan weeg op 'n onvervalste skaal, sodat Hy van my onberispelike optrede kan kennis neem.

Psalms 147:5

Ons Heer is groot en geweldig sterk; aan sy insig is daar geen grens nie.

Psalms 17:10

Hulle ongevoelige harte is geslote; met hulle monde praat hulle aanmatigend.

Psalms 31:18

Here, laat my nie beskaamd staan nie, want ek roep na U; laat die goddeloses beskaamd staan, laat hulle die •doderyk stil binnegaan.

Psalms 44:21

As ons die Naam van ons God vergeet het, ons hande na 'n vreemde god uitgestrek het,

Psalms 75:5

Vir verwaande mense sê ek: “Moenie verwaand wees nie.” Vir die goddeloses: “Moenie horings oplig nie.

Psalms 94:4

Hulle laat woorde onbeskaamd uitborrel; almal wat onreg pleeg, prys hulleself aan.

Spreuke 16:2

Al die weë van 'n mens is onbesproke in sy eie oë, maar die een wat die geeste toets, is die Here.

Spreuke 24:12

As jy sê, ‘Kyk, ons het dit nie geweet nie!’ sal Hy wat harte beoordeel, sal Hy nie daaraan aandag gee nie? En Hy wat jou lewe beskerm, sal Hy dit nie weet nie? Hy sal 'n mens vergeld ooreenkomstig sy dade.

Spreuke 8:13

Ontsag vir die Here is om die kwaad te haat; verwaandheid, hoogmoed, 'n verkeerde pad en 'n verdorwe mond haat ek.

Jesaja 26:7

Die paaie van regverdiges is gelyk; reguit is die weë van regverdiges wat U vir hulle skoonmaak.

Jesaja 37:23

Wie het jy uitgetart en belaster? Teen wie het jy jou stem verhef? Jy het uit die hoogte neergesien op die Heilige van Israel!

Jeremia 17:10

“Ek, die Here, deursoek harte en toets niere, om elkeen te vergeld volgens sy optrede, volgens die vrug van sy dade.”

Esegiël 35:13

“ ‘ “Julle het julle groot gehou teen My met al julle gepraat; julle het julle woorde teen My net te veel gemaak. Ek self het dit gehoor.”

Daniël 4:37

“En ek, Nebukadnesar, besing en verheerlik en eer nou die Koning van die hemele, omdat al sy werke waarheid is en sy paaie reg, omdat Hy hulle wat met trots rondloop, kan verneder.”

Daniël 5:27

Tekel – u is op die skaal geweeg en te lig bevind.

Maleagi 3:13

“Julle laat harde woorde oor My val,” sê die Here. “En dan vra julle, ‘Wat het ons vir mekaar oor U gesê?’

Hebreërs 4:12

Want die woord van God is lewend en kragtig, en skerper as enige tweesnydende swaard. Dit dring deur tot by die raakpunt tussen siel en gees, tussen gewrig en murg, en beoordeel die hart se voornemens en gedagtes.

Josua 22:22

“Die God van die gode, die Here, die God van die gode, die Here, Hy weet, en Israel moet dit weet: As dit uit opstand of in troubreuk teen die Here was, moet u ons vandag nie spaar nie.

Openbaring 2:23

En haar kinders sal Ek met die dood tref. Laat al die gemeentes daarvan kennis neem dat dit Ek is wat niere en harte deurgrond. Ek sal elkeen van julle beloon volgens julle dade.

Rigters 9:38

Daarop sê Sebul vir hom: “Waar is jou groot mond nou waarmee jy gesê het, ‘Wie is Abimeleg, dat ons hom moet dien’? Is dit nie die manskappe daardie wat jy so geminag het nie? Trek dan nou uit en veg teen hulle!”

1 Samuel 16:7

Maar die Here het vir Samuel gesê: “Moenie na sy voorkoms en sy rysige gestalte kyk nie, want Ek het hom afgekeur. Dit gaan immers nie oor wat die mens sien nie, want: “Die mens kyk na wat hy sien, maar die Here kyk na die hart.”