1 Samuel 18:3 - Die Bybel 2020-vertaling

³ Jonatan het met Dawid 'n verbond gesluit, omdat hy hom liefgehad het soos homself.

Bybel vir almal

³ Jonatan en Dawid het 'n ooreenkoms gemaak, want Jonatan was baie lief vir Dawid, so lief soos hy vir homself was.

Afrikaans 1933-1953

³ Toe sluit Jónatan met Dawid 'n verbond, omdat hy hom liefgehad het soos sy eie siel.

Afrikaans 1983

³ Jonatan en Dawid het 'n verbond gesluit omdat Jonatan hom liefgekry het soos homself.

Contemporary Afrikaans Bible 2023

³ Toe het Jónatan en Dawid 'n verbond gesluit, omdat hy hom liefgehad het soos sy eie siel.

Die Boodskap

³ Jonatan en Dawid het vir mekaar belowe dat hulle boesemvriende sou wees, dat hulle vir mekaar net soveel sou omgee as wat elkeen vir homself omgee.

Nuwe Lewende Vertaling

³ Jonatan en Dawid het toe ’n plegtige ooreenkoms aangegaan omdat Jonatan baie aangetrokke tot hom gevoel het.

1 Samuel 18:3 Kruisverwysings

2 Samuel 21:7

Die koning het Mefiboset, seun van Jonatan, seun van Saul, gespaar oor die eed voor die Here tussen hulle, tussen Dawid en Jonatan, seun van Saul.

Spreuke 18:24

'n Man met baie vriende word geruïneer, maar daar is 'n geliefde vriend wat nader is as 'n broer.

1 Samuel 19:1

Saul het vir sy seun Jonatan en vir al sy amptenare gesê om Dawid dood te maak, maar Jonatan, Saul se seun, het baie van Dawid gehou.

1 Samuel 20:41

Toe die jong dienaar weg is, staan Dawid langs die kliphoop op, val neer met sy gesig na die grond, en buig drie maal diep neer. Hulle het mekaar gesoen en saam gehuil totdat Dawid buite homself was.

1 Samuel 20:42

Jonatan sê toe vir Dawid: “Gaan in vrede, want ons twee het in die Naam van die Here 'n eed afgelê en gesê, ‘Die Here self sal getuie wees tussen my en jou, en tussen my nageslag en jou nageslag vir ewig. ’ ”

1 Samuel 22:8

Want julle smee almal 'n komplot teen my, en niemand lig my in wanneer my eie seun met die seun van Isai 'n ooreenkoms sluit nie; ja, niemand van julle het simpatie met my en maak dit aan my bekend dat my eie seun my dienaar teen my laat opstaan nie, om my voor te lê soos dit op die oomblik is.”

1 Samuel 23:18

Nadat hulle twee voor die Here 'n ooreenkoms gesluit het, het Dawid in Goresa gebly, en Jonatan het na sy huis teruggegaan.