1 Samuel 18:10 - Die Bybel 2020-vertaling

¹⁰ Die volgende dag het 'n bose gees van God van Saul besit geneem, en hy was rasend in sy huis. Terwyl Dawid soos gewoonlik besig was om op die lier te speel, was daar 'n vegspies in Saul se hand.

Bybel vir almal

¹⁰ Die volgende oggend het 'n bose gees in Saul gekom. Saul het soos 'n profeet gepraat, en Dawid het musiek gemaak soos hy voorheen gedoen het. Saul se spies was in sy hand,

Afrikaans 1933-1953

¹⁰ Die volgende dag het die bose gees van God oor Saul vaardig geword, sodat hy rasend was binne-in die huis terwyl Dawid soos elke dag met sy hand speel, en Saul 'n spies in sy hand hou.

Afrikaans 1983

¹⁰ Die volgende dag het 'n boosaardige gees wat deur God gestuur is, vir Saul beetgepak, sodat hy in sy huis te kere gegaan het soos 'n waansinnige. Soos gewoonlik het Dawid op die lier gespeel. In die hand van Saul was daar 'n spies.

Contemporary Afrikaans Bible 2023

¹⁰ En die volgende dag het die bose gees van God oor Saul gekom, en hy het in die middel van die huis geprofeteer; en Dawid het met sy hand gespeel soos die vorige kere, en daar was 'n spies in die hand van Saul.

Die Boodskap

¹⁰ Die volgende dag het ’n bose gees weer vir Saul beetgepak sodat hy soos ’n mal mens in die paleis tekere gegaan het. Dawid het, soos hy maar altyd gemaak het, vir hom op die lier gespeel. Saul het ’n spies in sy hand gehad.

1 Samuel 18:10 Kruisverwysings

1 Konings 18:29

Ná die middag het hulle waansinnig te kere gegaan, totdat dit tyd was vir die bring van die •graanoffer. Daar was egter geen stem nie, nie een wat antwoord nie, en geen reaksie nie.

1 Konings 22:12

Al die ander profete was besig om dieselfde te profeteer en het gesê: “As u optrek na Ramot in Gilead, sal u sukses behaal! Die Here sal dit in die hand van die koning gee.”

Jeremia 28:11

Gananja sê toe in die teenwoordigheid van die hele volk: “So sê die Here, ‘Net so sal Ek binne twee jaar die juk van Nebukadnesar, die koning van Babilonië, breek, van die nekke van al die nasies af.’ ” Die profeet Jeremia het daarna sy koers gegaan.

Handelinge 16:16

Terwyl ons 'n keer op pad was na die bidplek, het 'n slavin met 'n gees van waarsêery wat met haar voorspellings baie wins vir haar eienaars ingebring het, ons tegemoet gekom.

2 Thessalonisense 2:11

En daarom laat God die krag van dwaling oor hulle kom, sodat hulle die leuen sal glo,

Rigters 16:20

Toe sy sê, “Die Filistyne is op jou, Simson!” het hy uit sy slaap wakker geskrik en gedink: “Ek sal uitkom soos elke vorige keer. Ek sal myself losruk.” Hy het egter nie besef dat die Here van hom gewyk het nie.

1 Samuel 16:23

Telkens wanneer die gees van God oor Saul gekom het, het Dawid die lier geneem en daarop gespeel. Dit het vir Saul verligting gebring; dit het hom goed gedoen. Die bose gees het dan van hom gewyk.

1 Samuel 18:9

Van daardie dag af het Saul vir Dawid wantrouig dopgehou.

1 Samuel 19:10

Saul het probeer om Dawid met die vegspies teen die muur vas te pen, maar hy het hom ontwyk, en Saul het die vegspies in die muur vas gegooi. Dawid het toe padgegee en daardie nag ontvlug.

1 Samuel 19:7

Jonatan het Dawid geroep, en Jonatan het hom alles vertel wat gesê is. Jonatan het Dawid na Saul geneem, en hy was in sy diens soos voorheen.

1 Samuel 19:9

'n Bose gees van die Here het oor Saul gekom terwyl hy in sy huis gesit het met sy vegspies in sy hand. Dawid was besig om op die lier te speel.

1 Samuel 26:19

“ Daarom moet my heer die koning asseblief na die woorde van sy dienaar luister: As dit die Here is wat u teen my aangehits het, laat Hy die geur van 'n •graanoffer ruik. Maar as dit mense is, vervloek is hulle voor die Here, want hulle het my vandag verdryf, weg van deelname aan die erfenis van die Here deur te sê, ‘Gaan dien ander gode!’