1 Samuel 13:2 - Die Bybel 2020-vertaling

² Saul het vir hom drieduisend man uit Israel gekies. Tweeduisend was by Saul in Migmas en in die bergland by Bet-El, en eenduisend was by Jonatan in Gibea in Benjamin. Die res van die manskappe het hy weggestuur, elkeen na sy woonplek toe.

Bybel vir almal

² Hy het drie groepe manne gekies uit die Israeliete. Twee groepe was by Saul by die stad Mikmas en op die berg by Bet-El, en een groep was by Jonatan by die stad Gibea in die land Benjamin. Saul het die ander manne laat teruggaan na hulle huise.

Afrikaans 1933-1953

² het Saul vir hom drieduisend man uit Israel uitgesoek; en by Saul was tweeduisend in Migmas en op die gebergte van Bet-el, en duisend was by Jónatan in Gíbea in Benjamin; maar die orige manskappe het hy laat gaan, elkeen na sy tente toe.

Afrikaans 1983

² toe kies hy vir hom drie afdelings uit Israel uit. Twee afdelings was by hom in Mikmas en in die bergwêreld van Bet-El. Een afdeling was by Jonatan in Gibea in Benjamin. Saul het die res van die manskappe huis toe gestuur.

Contemporary Afrikaans Bible 2023

² Saul het vir hom drieduisend man uit Israel gekies; waarvan twee duisend by Saul was in Migmas en op die berg Bet-el, en duisend by Jónatan in Gíbea in Benjamin; en die res van die manskappe het hy elkeen na sy tent gestuur.

Die Boodskap

² Aan die begin het Saul vir hom 3 000 van die Israeliete uitgesoek as sy soldate. Hy het 2 000 van hierdie troepe by hom in Mikmas en in die bergwêreld om Bet-El gehou, en 1 000 van hulle het hy by Jonatan in Gibea van Benjamin laat bly. Die res van die volk het hy huis toe gestuur.

Nuwe Lewende Vertaling

² toe het hy vir hom 3 000 manskappe uit Israel gekies en die res huis toe gestuur. 2 000 van hulle was by hom by Mikmas en in die heuwelagtige omgewing van Bet-El gestasioneer. Die ander 1 000 was saam met sy seun Jonatan in Gibea in Benjamin.

1 Samuel 13:2 Kruisverwysings

2 Samuel 20:1

'n Opstoker met die naam Seba, seun van Bigri, 'n Benjaminiet, was toevallig daar. Hy het op die •ramshoring geblaas en gesê: “Ons het geen aanspraak op Dawid, geen erfdeel in die seun van Isai nie; elkeen na sy tente toe, Israel!”

2 Samuel 21:6

laat daar sewe manne uit sy nageslag aan ons gegee word – dan sal ons hulle voor die Here aan pale hang in Gibea van Saul, die uitverkorene van die Here. ” Die koning het gesê: “Ek sal hulle gee.”

2 Samuel 23:29

Geleb, seun van Baäna uit Netofa, Ittai, seun van Ribai, uit Gibea van die Benjaminiete,

Esra 2:27

die manne van Migmas – 122;

Nehemia 11:31

Die nageslag van Benjamin het hulle gevestig vanaf Geba, in Migmas, Aja en Bet-El met sy omliggende dorpies,

Josua 18:28

Sela, Elef, Jebus, dit is Jerusalem, Gibea en Kirjat – veertien dorpe met hulle gehuggies. Dit dan is die erfdeel van die nageslag van Benjamin, vir hulle familiegroepe.

Josua 22:6

Josua het hulle geseën en weggestuur, en hulle het na hulle woonplekke gegaan.

Rigters 19:12

Maar sy heer antwoord hom: “Ons kan nie na 'n stad van vreemdes afdraai, wat nie aan die Israeliete behoort nie. Laat ons deurdruk na Gibea. ”

1 Samuel 10:26

Ook Saul het na sy huis in Gibea gegaan. Bekwame manne wie se harte deur God aangeraak is, het saam met hom gegaan.

1 Samuel 10:5

“Daarna sal jy by Gibea van God uitkom, waar wagposte van die Filistyne is. Sodra jy daar die stad binnegaan, sal jy 'n groep profete raakloop wat afkom van die •offerhoogte af. Voor hulle word daar op harpe, tamboeryne, fluite en liere gespeel, terwyl hulle in geestesvervoering is.

1 Samuel 13:1

Saul was dertig jaar oud toe hy koning geword het, en hy het twee jaar lank oor Israel regeer.

1 Samuel 13:11

Maar Samuel het gesê: “Wat het jy gedoen?” Waarop Saul toe antwoord: “Omdat ek gesien het dat die manskappe van my af gedros het, dat u self nie op die vasgestelde tyd opgedaag het nie, en dat die Filistyne by Migmas saamgetrek het,

1 Samuel 13:15

Toe het Samuel opgestaan en van Gilgal af opgegaan na Gibea in Benjamin. Saul het die manskappe wat nog by hom was, gemonster, ongeveer seshonderd man.

1 Samuel 13:16

Terwyl Saul en sy seun Jonatan en die manskappe wat nog by hom was, in Geba in Benjamin gebly het, het die Filistyne kamp opgeslaan in Migmas.

1 Samuel 13:23

'n Garnisoen van die Filistyne het uitgegaan na die bergpas by Migmas.

1 Samuel 13:5

Die Filistyne het saamgetrek om teen Israel te veg met dertig afdelings strydwaens, ses afdelings perderuiters en manskappe so talryk soos die sand wat langs die seestrand is. Hulle het opgetrek en kamp opgeslaan in Migmas, oos van Bet-Awen.

1 Samuel 14:31

Hulle het daardie dag die Filistyne verslaan van Migmas af tot by Ajalon. Die manskappe was baie moeg,

1 Samuel 14:5

Die een spits verrys aan die noordekant teenoor Migmas, en die ander aan die suidekant teenoor Geba.

1 Samuel 14:52

Daar was hewige gevegte met die Filistyne solank Saul geleef het. Wanneer Saul enige heldhaftige of onverskrokke man gesien het, het hy dié by hom laat aansluit.

1 Samuel 15:34

Samuel het na Rama gegaan, terwyl Saul opgegaan het na sy huis in Gibea van Saul.

1 Samuel 24:3

Saul het drieduisend uitgesoekte manne uit die hele Israel geneem en gegaan om by Suree-Hajjeëlím na Dawid en sy manne te gaan soek.

1 Samuel 26:2

Saul het toe gereedgemaak en afgetrek na die woestyn van Sif. By hom was daar drieduisend man, uitgesoektes van Israel, om na Dawid in die woestyn van Sif te soek.

1 Samuel 8:11

Hy het gesê: “Dit sal die regte van die koning wees wat oor julle gaan regeer: Julle seuns sal hy vat en hulle vir hom aanstel by sy strydwa en sy span perde. Hulle sal voor sy strydwa uit moet hardloop.