1 Samuel 10:14 - Die Bybel 2020-vertaling

¹⁴ Saul se oom het vir hom en sy handlanger gevra: “Waarheen het julle gegaan?” “Om die donkies te gaan soek,” het hy geantwoord, “en toe ons sien dat hulle nie daar is nie, het ons na Samuel gegaan.”

Bybel vir almal

¹⁴ Sy oom het vir hom en sy slaaf gevra: “Waar was julle?” Saul het gesê: “Ons het die donkies gaan soek, en toe ons hulle nie kry nie, het ons na Samuel toe gegaan.”

Afrikaans 1933-1953

¹⁴ En die oom van Saul het vir hom en sy dienaar gevra: Waar het julle heen gegaan? Daarop sê hy: Om die esels te soek; en toe ons sien dat hulle daar nie was nie, het ons na Samuel gegaan.

Afrikaans 1983

¹⁴ Saul se oom het vir hom en sy slaaf gevra: “Waarheen was julle?” Saul het geantwoord: “Ons het die donkies gaan soek, maar ons het niks gesien nie en het toe na Samuel toe gegaan.”

Contemporary Afrikaans Bible 2023

¹⁴ En Saul se oom sê vir hom en sy dienaar: Waarheen het julle gegaan? Toe sê hy: Om die esels te soek; en toe ons sien dat hulle nêrens was nie, het ons by Samuel gekom.

Die Boodskap

¹⁴ Saul se oom het vir hom en die werker gevra: “Waar was julle al die tyd?” “Die donkies gesoek,” antwoord hy, “en toe ons sien ons kry hulle nie, het ons na Samuel toe gegaan.”

Nuwe Lewende Vertaling

¹⁴ “Waar was jy die hele tyd?” vra sy oom vir hom en die jong man by hom. “Ons het die donkies gaan soek. Toe ons hulle nie kry nie, het ons na Samuel toe gegaan,” antwoord hy.

1 Samuel 10:14 Kruisverwysings

2 Konings 5:25

maar hy het na binne gegaan en by sy heer gaan staan. Elisa het vir hom gevra: “Vanwaar, Gehasi?” Hy het geantwoord: “U dienaar het nêrens heen gegaan nie.”

1 Samuel 10:13

Toe Saul uit sy geestesvervoering kom, het hy na die offerhoogte gegaan.

1 Samuel 10:15

Saul se oom sê toe: “Vertel my tog wat het Samuel vir julle gesê.”

1 Samuel 14:50

Saul se vrou se naam was Aginoam, dogter van Agimaäs. Die naam van die bevelvoerder van sy leër was Abner, seun van Ner, die oom van Saul.