Matteus 23:19 - Afrikaans 1983

¹⁹ Julle blindes! Wat is belangriker: die offergawe of die altaar waardeur die offergawe geheilig word?

Bybel vir almal

¹⁹ Julle is blind! Wat is die belangrikste: die offer of die altaar wat die offer gewyd maak?

Die Bybel 2020-vertaling

¹⁹ Blindes! Wat is belangriker, die offergawe of die altaar wat die offergawe heilig?

Afrikaans 1933-1953

¹⁹ Julle dwase en blindes, want wat is meer: die gawe, of die altaar wat die gawe heilig?

Contemporary Afrikaans Bible 2023

¹⁹ Julle dwase en blindes, want wat is groter, die gawe of die altaar wat die gawe heilig?

Die Boodskap

¹⁹ Wat ’n klomp onsin! Is daar nou skielik baie meer krag in die buiteblad van die Bybel as in julle gekruiste vingers?

Nuwe Lewende Vertaling

¹⁹ Hoe blind kan julle tog wees! Wat is immers belangriker, die offer of die altaar waardeur die offer geheilig word?

Matteus 23:19 Kruisverwysings

Eksodus 29:37

Sewe dae lank moet jy 'n versoeningsoffer op die altaar bring en dit wy. Dan sal die altaar besonder gewyd wees en alles wat daaraan raak, sal ook gewyd wees.”

Eksodus 30:29

Jy moet dit wy en dan sal dit besonder gewyd wees. Alles wat daaraan raak, sal ook gewyd wees.

Haggai 2:12

As iemand vleis wat aan die Here gewy is, in die sak van sy klere dra, en hy raak met die sak aan brood of groente of wyn of olie of enige ander soort kos, sal dié dinge dan gewy wees? Die priesters antwoord toe: “Nee!”

Matteus 23:17

Blinde dwase! Wat is belangriker: die goud of die tempel waardeur die goud geheilig word?

Matteus 23:18

Julle sê ook: ‘As iemand by die altaar 'n eed aflê, is hy nie aan sy eed gebind nie, maar as hy by die offergawe bo-op die altaar 'n eed aflê, moet hy die eed nakom.’

Matteus 23:20

Wie by die altaar 'n eed aflê, lê 'n eed af by die altaar en by alles wat daarop is.