Psalms 8:3 - Die Bybel 2020-vertaling Deur die mond van kleuters en suigelinge het U mag gevestig, vanweë u teenstanders, om vyande en wraakgieriges stil te maak. Bybel vir almal Ook klein kindertjies sing oor u krag. U vyande moet dit weet, mense wat téén U is, moet stilbly. Afrikaans 1933-1953 Uit die mond van kinders en suiglinge het U sterkte gegrondves, om u teëstanders ontwil, om die vyand en wraakgierige stil te maak. Afrikaans 1983 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. Contemporary Afrikaans Bible 2023 As ek u hemel aanskou, die werk van u vingers, die maan en die sterre wat U bepaal het; Die Boodskap Deur swak en klein mensies word u groot krag hier op aarde uitgebasuin, deur ’n baba wat geluidjies maak of ’n pap babatjie in ’n ma se arms. U groot krag laat almal wat met U probeer baklei gou-gou stil word. Nuwe Lewende Vertaling Kinders en babas besing u lof, want U het dié wat sterk is, bestraf, vyand en wreker stilgemaak. |
“ Is God nie in die hoë hemel nie? Kyk maar net na die hoogste sterre, ja, kyk hoe hoog is hulle!
Indrukwekkend is die werke van die Here, 'n bron van nadenke vir almal wat vreugde daarin vind.
Deur die woord van die Here is die hemele gemaak en deur die asem van sy mond die hemel se hele leër.
U, U het die deurboorde Rahab verpletter, met u sterk arm het U u vyande verstrooi.
Nadat die Here klaar met Moses gepraat het, het Hy vir hom op die berg Sinai die twee tafels met die Getuienis gegee – kliptafels waarop daar deur die vinger van God geskryf is.
Toe sê die waarsêerpriesters vir die farao: “Dit is die vinger van God! ” Maar die farao se hart was verhard en hy wou nie na hulle luister nie, soos die Here gesê het.
Maar as Ek deur die vinger van God demone uitdryf, dan het die •koninkryk van God julle bereik.
Want sy onsigbare eienskappe, naamlik sy ewige krag en goddelikheid, word van die skepping van die wêreld af in sy werke begryp en is duidelik sigbaar. Gevolglik is hulle sonder verontskuldiging;
en sodat julle nie na die hemel opkyk en die son en maan en sterre sien, enige van die hemelliggame, en julle laat verlei om voor hulle in aanbidding te buig en hulle te dien nie. Die Here julle God het hulle aan al die ander nasies onder die son toegewys.