Psalms 111 - Die Bybel 2020-vertaling

¹ Halleluja! Ek wil die Here prys met my hele hart, in die kring van opregtes en in die byeenkoms.

א ALEF ב BET ג GIMEL

ג GIMEL

² Indrukwekkend is die werke van die Here, 'n bron van nadenke vir almal wat vreugde daarin vind.

ד DALET ה HE

ה HE

³ Vol luister en glansrykheid is wat Hy doen, en sy geregtigheid hou stand vir altyd.

ו WAW ז ZAJIN

ז ZAJIN

⁴ Hy het bewerk dat sy wonders onthou word. Genadig en barmhartig is die Here.

ח GET ט TET

ט TET

⁵ Hy het kos gegee aan wie vir Hom ontsag het. Hy hou vir ewig sy verbond in gedagte.

י JOD כ KAF

כ KAF

⁶ Die krag van sy dade het Hy aan sy volk bekend gemaak deur die erfdeel van nasies aan hulle te gee.

ל LAMED מ MEM

מ MEM

⁷ Die werk van sy hande is betroubaar en reg. Betroubaar is al sy opdragte,

נ NUN ס SAMEK

ס SAMEK

⁸ bestendig vir altyd, vir ewig – dit word nagekom in trou en opregtheid.

ע AJIN פ PE

פ PE

⁹ Verlossing het Hy vir sy volk gestuur. Hy het sy verbond vir ewig voorgeskryf. Heilig en ontsagwekkend is sy Naam.

צ TSADE ק KOF ר RESJ

ר RESJ

¹⁰ Die begin van wysheid is ontsag vir die Here; almal wat sy opdragte uitvoer, het goeie insig. Sy lof hou vir altyd stand.