“Die God van Israel het met my gepraat, die Rots van Israel het gesê, ‘Hy wat regverdig heers onder mense, hy wat in die vrees van die Here heers,
Psalms 72:1 - Die Bybel 2020-vertaling Van Salomo. O God, gee u beslissings aan die koning, u geregtigheid aan die seun van die koning. Bybel vir almal Van Salomo. O God, U moet vir die koning leer om reg te regeer en om reg te doen soos U. Afrikaans 1933-1953 VAN Salomo. o God, gee aan die koning u regte en u geregtigheid aan die seun van die koning. Afrikaans 1983 Van Salomo. Leer tog die koning, o God, om te regeer volgens u wil, leer die koning om die reg te handhaaf soos U dit wil, Contemporary Afrikaans Bible 2023 ('n Psalm vir Salomo.) Gee aan die koning U oordele, o God, en U geregtigheid aan die seun van die koning. Die Boodskap O God, leer die koning om te regeer soos U dit wil hê. Leer hom om reg op te tree soos U wil. Nuwe Lewende Vertaling ’n Psalm van Salomo. O God, skenk u geregtigheid aan die koning, en u regverdigheid aan die seun van die koning. |
“Die God van Israel het met my gepraat, die Rots van Israel het gesê, ‘Hy wat regverdig heers onder mense, hy wat in die vrees van die Here heers,
Sadok, die priester, het die horing met olie uit die tent geneem en Salomo gesalf. Hulle het op die ramshoring geblaas en die hele volk het geroep: “Lank lewe koning Salomo!”
Gee dan aan u dienskneg 'n hart wat luister om as regter op te tree vir u volk, om te kan onderskei tussen goed en kwaad; want wie kan regspreek oor hierdie veeleisende volk van U?”
Dawid het oor die hele Israel regeer, en hy het vir sy hele volk gedoen wat reg en billik is.
Kyk, 'n seun sal vir jou gebore word. Hy sal 'n rustige man wees, en Ek sal hom rus gee van al sy vyande aan alle kante. Ja, Salomo sal sy naam wees, en Ek sal vrede en kalmte aan Israel skenk in sy dae.
en gee aan my seun Salomo 'n onverdeelde hart om u gebooie, u bepalings en vaste voorskrifte, na te kom en dit alles uit te voer, en om die vesting te bou waarvoor ek voorbereidings getref het.”
Wysheid en oordeelsvermoë, gee dit dan nou vir my, sodat ek voor hierdie volk kan uittrek en terugkeer. Want wie kan regspreek oor hierdie groot volk van U?”
'n •Pelgrimslied. Van Salomo. As die Here die huis nie bou nie, swoeg die bouers tevergeefs daaraan. As die Here oor die stad nie wag hou nie, bly die wagte tevergeefs wakker.
Die gees van die Here sal op hom rus – die gees van wysheid en insig, die gees van raad en sterkte, die gees van kennis en ontsag vir die Here.
Want Hy vir wie God gestuur het, spreek die woorde van God; God skenk immers die Gees nie in geringe mate nie.