2 Samuel 8:5 - Die Bybel 2020-vertaling Toe die Arameërs van Damaskus vir Hadad-Eser, die koning van Soba, te hulp kom, het Dawid twee-en-twintigduisend man uit Aram neergevel. Bybel vir almal Die Arameërs van Damaskus het gekom om vir koning Hadad-Eser van Soba te help, maar Dawid het hulle oorwin en hy het 20 000 van hulle manne doodgemaak. Afrikaans 1933-1953 En die Arameërs van Damaskus het gekom om Hadadéser, die koning van Soba, te help; maar Dawid het onder die Arameërs twee-en-twintigduisend man verslaan. Afrikaans 1983 Die Arameërs van Damaskus het vir koning Hadad-Eser van Soba te hulp gekom, maar Dawid het twee en twintig duisend man van Aram verslaan. Contemporary Afrikaans Bible 2023 En toe die Arameërs van Damaskus gekom het om Hadadéser, die koning van Soba, te help, het Dawid van die Arameërs twee-en-twintigduisend man gedood. Die Boodskap Die Arameërs het van Damaskus af gekom om vir Hadad-Eser te help, maar Dawid het 22 000 van hulle soldate in die gevegte doodgemaak. Nuwe Lewende Vertaling Die Arameërs van Damaskus het gekom om Hadad-Eser, koning van Soba, te help, maar Dawid het 22 000 van hulle doodgemaak. |
Toe die Ammoniete besef dat hulle hulleself veragtelik gemaak het by Dawid, het hulle 'n afvaardiging gestuur en Arameërs van Bet-Regob en Soba gehuur – twintigduisend voetsoldate – en ook die koning van Maäga met 'n duisend man en manne van Tob, twaalfduisend van hulle.
Dawid het ook Hadad-Eser, seun van Regob, die koning van Soba, verslaan toe dié gegaan het om sy beheer oor die gebied langs die Eufraatrivier te herstel.
Die Egiptenare is mense, nie God nie; hulle perde is vlees en nie gees nie. En die Here – as Hy sy hand uitstrek, struikel die helper, val dié een wat gehelp word; saam gaan hulle almal tot niet.
Immers, die hoof van Aram is Damaskus, en die hoof van Damaskus is Resin. Nog vyf-en-sestig jaar, dan is Efraim vernietig en nie meer 'n volk nie.