2 Samuel 8:6 - Die Bybel 2020-vertaling

⁶ Dawid het by die Arameërs van Damaskus wagposte geplaas. Die Arameërs het Dawid se onderdane geword en moes belasting betaal. Die Here het Dawid te hulp gekom oral waar hy gegaan het.

Bybel vir almal

⁶ Dawid het manne by die Arameërs van Damaskus laat bly om wag te staan. Die Arameërs moes vir Dawid werk en hulle moes belasting betaal vir hom. Die Here het vir Dawid gehelp oral waar hy gegaan het.

Afrikaans 1933-1953

⁶ En Dawid het wagposte in Aram- Damaskus uitgesit, sodat die Arameërs Dawid se belastingpligtige knegte was; en die Here het Dawid die oorwinning gegee oral waar hy getrek het.

Afrikaans 1983

⁶ Hy het militêre poste in die gebied Aram-Damaskus ingerig, en die Arameërs het aan hom onderhorig geword en moes aan hom belasting betaal. Die Here het Dawid die oorwinning laat behaal net waar hy gegaan het.

Contemporary Afrikaans Bible 2023

⁶ Dawid het toe wagposte in Sirië van Damaskus aangestel, en die Arameërs het Dawid se slawe geword en geskenke gebring. En die HERE het Dawid bewaar oral waar hy gegaan het.

Die Boodskap

⁶ Hy het van sy eie soldate oral in die land van die Arameërs van Damaskus laat bly. Die Arameërs moes vir Dawid werk en aan hom belasting betaal. Dis die Here wat Dawid al hierdie oorloë laat wen het.

Nuwe Lewende Vertaling

⁶ Daarna het hy verskeie verdedigingsposte in Damaskus, die hoofstad van Aram, opgerig. Die Arameërs het Dawid se onderdane geword en belasting betaal. Oral waar hy gegaan het, het die Here vir Dawid die oorwinning laat behaal.

2 Samuel 8:6 Kruisverwysings

2 Samuel 10:19

Toe al die konings wat aan Hadad-Eser onderdanig was, sien dat hulle deur Israel verslaan is, het hulle met die Israeliete vrede gesluit en was aan hulle onderdanig. Die Arameërs was toe bang om die Ammoniete weer te help.

2 Samuel 23:14

Dawid was op daardie stadium in die bergvesting, en daar was 'n wagpos van die Filistyne in Betlehem.

2 Samuel 3:18

Tree dan nou op, want die Here het aan Dawid gesê, ‘Deur die hand van my dienskneg Dawid sal Ek my volk Israel verlos uit die hand van die Filistyne en uit die hand van al hulle vyande.’ ”

2 Samuel 5:10

Dawid het al hoe sterker geword. Die Here, die God van alle magte, was met hom.

2 Samuel 7:9

Ek was met jou oral waar jy gegaan het, en Ek het al jou vyande voor jou uitgeroei. Ek sal vir jou 'n groot naam maak soos die naam van die grotes wat op aarde is.

2 Samuel 8:14

het hy in Edom wagposte geplaas. In die hele gebied van die Edomiete het hy wagposte geplaas, en al die Edomiete het Dawid se onderdane geword. Die Here het Dawid te hulp gekom oral waar hy gegaan het.

2 Samuel 8:2

Hy het ook die Moabiete verslaan en hulle met 'n maatlyn afgemeet terwyl hy hulle op die grond laat lê het: Hy het twee maatlyne afgemeet om te bepaal wie doodgemaak moet word, en een volle maatlyn om te bepaal wie moet bly lewe. Die Moabiete het Dawid se onderdane geword en moes belasting betaal.

2 Samuel 8:7

Dawid het die rondeskilde van goud wat die dienaars van Hadad-Eser by hulle gehad het, gevat en dit na Jerusalem gebring.

1 Konings 4:21

Salomo was die heerser in al die koninkryke, van die Rivier af na die land van die Filistyne, en tot by die grens van Egipte. Hulle was aan Salomo skatpligtig en het hom gedien solank hy geleef het.

2 Konings 1:1

Moab het hom ná die dood van Agab teen Israel verset.

2 Konings 14:28

Die verdere geskiedenis van Jerobeam, alles wat hy gedoen het, en sy magtige dade, hoe hy oorlog gevoer het, en hoe hy Damaskus en Hamat, wat vroeër aan Juda onderdanig was, weer onder beheer van Israel gebring het. Is dit nie opgeteken in die boekrol met die kronieke van die konings van Israel nie?

2 Konings 18:7

Die Here was met hom. In al die veldtogte wat hy onderneem het, het hy sukses behaal. Hy het teen die koning van Assirië in opstand gekom en was nie meer aan hom onderdanig nie.

2 Konings 3:4

Mesa, die koning van Moab, was 'n skaapteler. Hy moes honderdduisend lammers en honderdduisend ramme se wol aan die koning van Israel lewer.

1 Kronieke 18:13

Hy het in Edom wagposte geplaas en al die Edomiete het onderdane van Dawid geword. Die Here het Dawid die oorwinning gegee oral waar hy gegaan het.

2 Kronieke 17:2

Hy het 'n garnisoen in elkeen van die versterkte stede van Juda geplaas en wagposte in die land van Juda opgestel, en ook in die dorpe van Efraim wat Asa, sy vader, verower het.

Psalms 140:7

Ek het vir die Here gesê: “U is my God; Here, luister na my smeekgebed.

Psalms 60:10

Moab is my waskom, op Edom gooi Ek my sandaal; oor My moet jy juig, Filistea.”

Spreuke 21:31

'n Perd kan afgerig word vir die dag van 'n geveg, maar die oorwinning is van die Here.

1 Samuel 13:3

Jonatan het die Filistynse wagpos wat in Gibea was, aangeval, en die Filistyne het daarvan te hore gekom. Saul het in die hele land op die •ramshoring laat blaas om te laat weet: “Die Hebreërs moet dit hoor!”

1 Samuel 14:1

Op 'n dag sê Jonatan, seun van Saul, vir die jong man wat sy wapens dra: “Kom ons gaan oor na die garnisoen van die Filistyne daar oorkant.” Maar vir sy vader het hy dit nie vertel nie.

1 Samuel 14:15

Dit het vrees veroorsaak in die kamp en in die veld, ja, onder al die manskappe. Die garnisoen en die stroperbendes, selfs hulle was aan die bewe. Die land het gesidder; dit was 'n vrees wat van God kom.

1 Samuel 14:6

Jonatan sê toe vir die jong man wat sy wapens dra: “Kom ons gaan oor na die garnisoen van hierdie onbesnedenes. Miskien help die Here ons, want daar is vir die Here geen beperking om deur baie of deur min te verlos nie.”