1 Wakorintho 10:22 - Swahili Revised Union Version

²² Au twamtia Bwana wivu? Je! Tuna nguvu zaidi ya yeye?

Matoleo zaidi

Biblia Habari Njema

²² Au je, tunataka kumfanya Bwana awe na wivu? Mnadhani tuna nguvu zaidi kuliko yeye?

Biblia Habari Njema - BHND

²² Au je, tunataka kumfanya Bwana awe na wivu? Mnadhani tuna nguvu zaidi kuliko yeye?

Biblia Habari Njema: Toleo la Kujifunza

²² Au je, tunataka kumfanya Bwana awe na wivu? Mnadhani tuna nguvu zaidi kuliko yeye?

Neno: Bibilia Takatifu

²² Je, tunataka kuamsha wivu wa Mwenyezi Mungu? Je, sisi tuna nguvu kuliko yeye?

Neno: Maandiko Matakatifu

²² Je, tunataka kuamsha wivu wa Bwana Isa? Je, sisi tuna nguvu kuliko yeye?

1 Wakorintho 10:22 Marejeleo ya Msalaba

1 Wafalme 14:22

Basi Yuda wakafanya maovu machoni pa BWANA; wakamtia wivu, kwa makosa yao waliyoyakosa, kuliko yote waliyoyafanya baba zao.

Yobu 9:4

Yeye ni mwenye hekima moyoni, na mwenye uwezo katika nguvu; Ni nani aliyejifanya kuwa mgumu juu yake, naye akafanikiwa?

Zaburi 78:58

Wakamkasirisha kwa mahali pao pa juu, Wakamtia wivu kwa sanamu zao.

Kutoka 20:5

Usivisujudie wala kuvitumikia; kwa kuwa mimi, BWANA, Mungu wako, ni Mungu mwenye wivu; nawapatiliza wana maovu ya baba zao, hata kizazi cha tatu na cha nne cha wanichukiao,

Kutoka 34:14

Maana hutamwabudu mungu mwingine, kwa kuwa BWANA, ambaye jina lake ni mwenye wivu, ni Mungu mwenye wivu.

Mhubiri 6:10

Na awe kitu chochote, aliitwa jina lake zamani za kale, naye amejulikana kuwa ndiye mwanadamu; wala hawezi kabisa kushindana na yeye aliye na uwezo kuliko yeye mwenyewe.

Isaya 45:9

Ole wake ashindanaye na Muumba wake! Kigae kimoja katika vigae vya dunia! Je! Udongo umwambie yeye aufinyangaye; Unatengeneza nini? Au chombo ulichotengeneza hakina mikono?

Yeremia 44:8

kwa kuwa mnanikasirisha kwa matendo ya mikono yenu, mkifukizia uvumba miungu mingine katika nchi ya Misri, mlikokwenda kukaa ugenini; mpate kukatiliwa mbali, na kuwa laana, na aibu, katika mataifa yote ya dunia?

Yeremia 7:19

Je! Watu hawa wanikasirisha mimi? Asema BWANA; hawajikasirishi nafsi zao, na kuzitia haya nyuso zao wenyewe?

Ezekieli 22:14

Je! Moyo wako waweza kuvumilia, au mkono wako waweza kuwa hodari, katika siku zile nitakapokutenda mambo? Mimi, BWANA, nimenena neno hili, tena nitalitenda.

Sefania 1:18

Fedha yao wala dhahabu yao havitaweza kuwaokoa katika siku ile ya ghadhabu ya BWANA; bali nchi yote pia itateketezwa kwa moto wa wivu wake; maana atawakomesha watu wote wakaao katika nchi hii, naam, mwisho wa kutisha.

Kumbukumbu la Torati 32:16

Wakamtia wivu kwa miungu migeni, Wakamkasirisha kwa machukizo.

Kumbukumbu la Torati 32:21

Wamenitia wivu kwa kisicho Mungu; Wamenikasirisha kwa ubatili wao; Nami nitawatia wivu kwa wasio watu, Nami nitawakasirisha kwa taifa lipumbaalo.

Kumbukumbu la Torati 4:24

kwa kuwa BWANA, Mungu wenu, ni moto uangamizao, Mungu mwenye wivu.

Kumbukumbu la Torati 6:15

kwani BWANA, Mungu wako, aliye katikati yako ni Mungu mwenye wivu; isije ikawaka juu yako hasira ya BWANA, Mungu wako, akakuangamiza kutoka juu ya uso wa nchi.

Waebrania 10:31

Ni jambo la kutisha kuanguka katika mikono ya Mungu aliye hai.

Yoshua 24:19

Yoshua akawaambia watu, Hamwezi kumtumikia BWANA; kwa kuwa yeye ni Mungu mtakatifu; yeye ni Mungu mwenye wivu; hatawasamehe makosa yenu, wala dhambi zenu.