Biblia Todo Logo
Internetpi Biblia
- Willakuykuna -




Juan 17:2 - Tayta Diospa Wilakuynin

2 Lapan runakunapaq munayniyuq kanäpaqmi churamashqanki. Tsaymi munayniyuq kaykä makïman churamushqayki runakunata mana ushakaq kawayta qonäpaq.

Qaway capitulota Copia




Juan 17:2
31 Tukuy Ñawiqkunapa Wiñay Tupunakuy  

1 (1b) Mandamaqnïtami Tayta Dios kayno nirqan: <<Alawqa kaq nawpäman jamakamuy lapan chikishuqnikikunata munaynikiman churanäyaq>>.


Tsay Awkinmi payta churarqan lapanta mandananpaq, lapanpaq munayniyuq kananpaq y lapanpita respitashqa kananpaq. Tsaymi may markapita karpis, maytsay nacionpita karpis y ima idiömata rimarpis payta sirvipäkurqan. Pay mandaykashqanqa imayyaqpis mana ushakaqmi kanqa. Munayniyuq kashqantaqa manami pipis qechunqatsu ni pipis ushakätsinqatsu.


Nirkurnami tsaycho kaykaq runakunata kayno nirqan: <<Taytämi lapantapis munaynïman churamushqa. Tsurin kaptï pay japalanmi noqata reqiman. Tsaynöpis Taytä kaptin noqalami payta reqï. Tsaymi noqa tantiyatsishqä runakunala Taytäta reqin>>.


Tsayno wilaparkushpanmi Jesús kayno nirqan: <<Tsay mana kuyapäkuq runakunaqa imayyaqpis castigashqami kanqa. Tayta Dios munashqanno kuyapäkuq runakunami itsanqa mana ushakaq kawayta taripäkunqa>>.


Discïpulunkunaman witiykurmi Jesús kayno nirqan: <<Kay patsachöpis y jana patsachöpis lapanpaq munayniyuq kanäpaqmi Tayta Dios churamashqa.


<<Makïman churamushqayki runakuna noqawan kanantami munä, Papä. Nawpächo karnami rikamanqa munayniyuq kanäpaq churamashqaykita. Kay patsata manaraq kamar kuyamashpaykimi munayniyuq kanäpaq churamarqayki.


<<Imano kashqaykitapis discïpulükunata yachatsishqämi. Qampa kaptinmi paykunata akrarkur makïman churamushqanki. Tsaymi wilakuynikita wilapaptï cäsukärishqa.


<<Manami lapan runakunapaqtsu manakaykämü, sinöqa discïpulükunalapaqmi. Qampa kaptinmi paykunata makïman churamushqanki.


<<Tsurinta kuyarmi Tayta Dios lapantapis paypa makinman churashqa.


Noqa kamaripashqä yakuta upuq kaqmi itsanqa imaypis mana yakunanqatsu. Tsay kamaripashqä yaku shonquncho pukyuno kaptinmi imayyaqpis kawanqa>>.


Pachalaykipaq arunaykipa trukanqa imayyaqpis kawatsikuq mikuypaq arupäkuy. Tsay mikuytaqa Runapa Tsurinmi kamaripäshunki. Tsaypaqmi Tayta Dios kachamushqa>>.


<<Taytä qomashqan runakunaqa lapanmi chaskikaman. Noqata chaskikamaqkunataqa manami pitapis qarqushaqtsu.


Kachamaqnï [Taytä] manami munantsu qomashqan runakunata ni juklaylatapis oqranäta, sinöqa lapantapis juiciu final junaqcho kawaritsimunätami.


Jutsa rurayqa wanuymanmi apamantsi. Señornintsi Jesucristo noqantsi rayku wanushqa kaptinmi Tayta Dios dembaldila salvamantsi nawpancho imayyaqpis kawanantsipaq.


Contrankunata vincishqanyaqmi lapantapis Jesucristo makincho tsararanqa.


Tsay munayninwanmi Jesucristuta kawarirkatsimur gloriacho alawqa kaq nawpanman jamatsishqa.


Tsaymi jana patsacho kaqkuna, kay patsacho kaqkuna y infiernucho kaqkunapis Jesucristupa nawpanman qonqurpakärinqa.


kuyapämar salvamashqa. Tsayno salvamarqan Jesucristo perdonakuq kashqanta wakin runakunapis tantiyakur payman yärakunanpaq y mana ushakaq kawayta taripäkunanpaqmi.


Kay ultimu tiempuchönami itsanqa Tsurin Jesucristuwanna wilakuyninta wilapämantsi. Paywanmi kay patsatapis jana patsatapis kamarqan. Paytami churarqan lapantapis munaynincho tsararänanpaq.


Paymi jana patsaman kutikushqana kar Tayta Diospa alawqa kaq nawpanchöna kaykan. Tsaymi angilkunapis y munayniyuq kaqkunapis paypa munaynincho karkaykan.


Tsay Kawatsikuqta Tayta Dios kachamuptinmi rikapäkurqä. Tsaymi qamkunata wilapaykä mana ushakaq kawayta qomaqnintsi kashqanta. Paymi Tayta Dioswan kaykashqanpita noqantsiman shamushqa.


Paymi promitimashqantsi gloriacho imayyaqpis kawanantsipaq.


Musyantsimi Tayta Diospa Tsurin Jesucristo kay patsaman shamur Tayta Diosta reqinantsipaq tantiyatsimashqantsita. Tsaymi Tayta Diospa y Tsurin Jesucristupa makincho kawaykantsi. Jesucristuqa kikin Diosmi kaykan. Paymi mana ushakaq kawayta qomantsi.


Tayta Dios kuyaykäshuptikiqa imaypis payta cäsukäriy. Señor Jesucristo kutimunanpaq kashqanta musyaykarqa kamarikushqala shuyarpaykay. Pay kutimurmi kuyapäshushpayki pushakushunki imayyaqpis kushishqa kawapäkunaykipaq.


Qatiwayku:

Willakuykuna


Willakuykuna