Jeremías 4:10 - Tayta Diospa Wilakuynin

¹⁰ Tayta Dios tsayno nimaptinmi kayno nirqä: <<¡Ay Tayta Dios! ¿Imanirtaq Jerusalén runakunata lulapashqanki? ¿Imanirtaq profëtakunata kacharqayki Jerusalén runakunata imapis mana pasananpaq kashqanta wilakärinanpaq? Tsayno wilakäriptinpis kananqa kunkanman cuchillun churashqanömi karkaykan>>.

Jeremías 4:10 Tukuy Ñawiqkunapa Wiñay Tupunakuy

Éxodo 5:22

Tsayno niptinmi Tayta Diosta manakur Moisés kayno nirqan: <<Tayta Dios, ¿imanirtaq pasaypa nakaykatsinki akrashqayki runakunata? ¿Tsaypaqku kachamarqayki?

Éxodo 9:14

Mana kachapaptikiqa kananyaq castigashqäpitapis masraqmi castigashayki. Tsaynölami castigashaq mandäshishuqnikikunata y intëru Egiptucho taq runakunatapis. Tsayraqmi tantiyankipaq noqala kay patsacho munayniyuq Dios kashqäta.

Isaías 30:10

Profëtakunatami kayno nipäkun: <<Rikashqayki revelacionta ama wilapämaytsu>>. Tsaynöpis kaynömi nipäkun: <<Rasun kaqta ama musyatsimaytsu. Tsaypa trukanqa kushikunäpaq kaqkunalata wilapämay.

Isaías 37:35

Kikïmi kay markata tsapar salvashaq. Tsayno salvashaq runakuna alabamänanpaqmi. Tsayno rurashaq sirvimaqnï Davidta promitishqa karmi>>.

Isaías 63:17

Tayta Dios, ¿imanirtaq lutanta rurapäkunäpaq kachariykamashqanki? ¿Imanirtaq qamta mana mantsakunäpaq shonqütapis chukruyätsishqanki? Sirvishuqniki wamraykikuna kaykaptïqa kuyapaykalämay.

Jeremías 1:6

Tsayno nimaptinmi kayno nirqä: <<¡Tayta Dios! Noqaqa mözularaq kar rimaytapis mana kamäpakütsu>>.

Jeremías 23:17

Mana cäsukamaqkunata corriginanpa trukanqa kaynömi nipäkun: <Jawka kawapäkunaykipaqmi Tayta Dios nin>. Shonqun munashqanno jutsata ruraqkunatapis kaynömi nipäkun: <Qamkunataqa manami ima desgraciapis pasashunkipaqtsu>.

Jeremías 32:17

<<Tayta Dios, pasaypa munayniyuq karmi jana patsatapis y kay patsatapis kamashqanki. Qampaqqa manami imapis sasa kantsu.

Jeremías 4:18

Judá runakuna, mana cäsukuypa lutanta rurapäkushqaykipitami tsayno pasashunkipaq. Tsayno pasashuptiki fiyupa lakikur shonquykikunapis nananqaraqmi.

Jeremías 5:12

<<Jerusalén runakunaqa manakaqman churamarmi kayno nipäkun: <Tayta Dios manami kantsu. Ima desgraciapis manami pasamäshuntsu. Manami kanqatsu guërrapis ni muchuypis.

Jeremías 6:14

Paykunaqa kuyashqä runakuna däñakushqano kaykaptinpis manami shumaq jampipäkuntsu. Castïgu kananpaq kaykaptinpis imapis mana pasananpaq kashqantami nirkaykan.

Jeremías 8:11

Paykunaqa kuyashqä runakuna däñakushqano kaykaptinpis manami shumaq jampipäkuntsu. Castïgu kananpaq kaykaptinpis imapis mana pasananpaq kashqantami nirkaykan.

Lamentaciones 2:21

Wamrakunapis awkinkunapis cällikunachömi wanushqa jitarpaykan. Mözukunata y jipashkunatapis espädawanmi wanutsishqanki. Pasaypa rabyashpaykimi mana kuyapaypa wanutsishqanki.

Ezequiel 11:13

Tayta Dios nishqankunata tsayno wilakuykaptïmi Benaíapa tsurin Pelatías elaqpita wanurqan. Tsaymi pampaman lätakuykur ruwakur kayno nirqä: <<¡Ay Tayta Dios! Juk ishkay quëdaqkunatapis Israel runakunata ¿lapantatsuraq ushakätsinki?>>

Romanos 1:24

Ïdulukunata adoraptinmi Tayta Dios rabyashpan paykunata kacharishqa shonqun munashqanno melanaypaq kaqkunata rurapäkunanpaq y jukwan jukwan penqaypaq kaqkunata rurapäkunanpaq.

Romanos 1:26

Tsaymi tsay runakunata Tayta Dios kacharishqa shanaripakur penqakuypaq jutsakunata rurananpaq. Kachariptinmi warmikunapis runawan tänanpa trukanqa kikinpura olquwannöpis punukärin.

Romanos 1:28

Tayta Dios munashqanno kawayta mana munaptinmi mana penqakuypa jutsata rurar kawapäkunanpaq Tayta Dios kachariykushqa.