Éxodo 6:30 - Tayta Diospa Wilakuynin

³⁰ Tsawraqa Moisés nirqan: <<Tayta Dios, noqaqa manami tantiyatsiytapis kamäpakütsu. Tsayno kaykaptïqa ¿imanöparaq Faraón cäsumanqapis?>>

Éxodo 6:30 Tukuy Ñawiqkunapa Wiñay Tupunakuy

Éxodo 4:1

Tsayno niptinmi Moisés nirqan: <<Wilapaptïpis Israel mayïkuna manami criyimanqatsu ni cäsumanqatsu. Tsaypa trukanqa kaynömi nimanqa: <Qamtaqa ¿imanöpataq Tayta Dios yuripäshunkiman?> >>

Éxodo 4:10

Niptinmi Moisés kayno nirqan: <<¡Ay, Tayta Dios! Noqaqa rimaytapis manami shumaq yachätsu. Manami kananlaraqtsu tsayno kaykä, sinöqa unaypita patsami. Tsaymi parlarpis shumaq tantiyatsiyta mana kamäpakütsu>>.

Éxodo 6:12

Tsayno niptinmi Tayta Diosta Moisés kayno nirqan: <<Israel mayïkunapis mana cäsuykämaptinqa peornachari Faraón mana cäsumanqatsu. Noqaqa parlaytapis manami shumaq yachätsu>>.

Isaías 6:5

Tsawraqa pasaypa mantsakashqami kayno nirqä: <<¡Kananchi kananqa! ¡Kananqa wanushaqchari! ¡Lutankunata rimaq kaykarpis y manakaqkunata rimaq runakunawan qoturaq kaykarmi mandaq Reyta rikaykushqä! ¡Payqa kaykan lapanta mandaq Tayta Diosmi!>>

Jeremías 1:6

Tsayno nimaptinmi kayno nirqä: <<¡Tayta Dios! Noqaqa mözularaq kar rimaytapis mana kamäpakütsu>>.