Éxodo 6:1 - Tayta Diospa Wilakuynin

¹ Tsawraqa Moisésta Tayta Dios kayno nirqan: <<Kananmi rikankipaq Faraónta imano castigashqätapis. Pasaypa mantsariypaq castigaptïraqmi kikin qarqushunkipaq nacionninpita aywakärinaykipaq>>.

Éxodo 6:1 Tukuy Ñawiqkunapa Wiñay Tupunakuy

2 Reyes 7:19

Tsaytsika mikuy kananpaq niptinmi wanuq capitán kayno nishqa karqan: <<Ciëlu punkuta kicharir bendicionninta Tayta Dios kamaripämaptintsipis ¡manami tsaynöqa kanqatsu!>> Tsayno niptinmi Eliseo kayno nirqan: <<Nishqäta mana criyishqaykipitami rikarpis mana mikunkipaqtsu>>.

2 Reyes 7:2

Tsayno niptinmi reyta yanapaq runa profëta Eliseuta kayno nirqan: <<Ciëlu punkuta kicharir bendicionninta Tayta Dios kamaripämaptintsipis ¡manami tsaynöqa kanqatsu!>> Tsayno niptinmi Eliseo kayno nirqan: <<Nishqäta mana criyishqaykipitami rikarpis mana mikunkipaqtsu>>.

2 Crónicas 20:17

Qamkunapa trukaykimi paykunawan noqa pelyashaq. Tsayno kaykaptinqa contraykikuna kashqan kaqman chayaykur ama atacankitsu, sinöqa imano salvashqäta rikapäkunaykipaq churakanki. Jerusaléncho y Judácho taq runakuna, ama mantsakäriytsu ni lakikäriytsu. Qamkunawan kaykaptïqa paykunata ichipänaykipaq wara aywapäkuy> >>.

Salmo 12:5

5 (6) Tsaymi Tayta Dios kayno nin: <<Waktsakunata y humildikunataqa aläpami nakarkaykätsin. Nakatsiptinmi pasaypa waqarkaykan. Tsaymi paykunata jukla yanapashaq. Manakamashqannömi paykunata salvashaq>>.

Salmo 12:6

6 (7) Tayta Dios promitishqankunaqa lapanpis yärakuypaqmi kaykan. Püru kananpaq qanchis kuti tsulutsishqa qellaynömi nishqankunapis kaykan.

Salmo 136:12

Paykunata jorqamurqan mantsariypaq kaqkunata rurarmi. Kuyapäkuyninqa manami imaypis ushakantsu.

Salmo 89:13

13 (14) Lapanpaq munayniyuqmi qam kaykanki. Alawqa kaq makilaykiwanmi lapantapis vincinki.

Éxodo 11:1

Tsawraqa Moisésta Tayta Dios kayno nirqan: <<Yapayraqmi Faraónta y Egipto runakunata castigashaq. Tsayno castigaptïraqmi kaypita aywakärinaykipaq kikin qarqushunkipaq.

Éxodo 12:31

Tsawraqa tsay tsakayla Moisésta y Aarónta qayaykatsir Faraón kayno nirqan: <<Qamkunapis Israel mayikikunapis kay nacionpita jukla aywakäriy. Kanan itsanqa manakamashqaykino Tayta Diosta adoraq aywapäkuy.

Éxodo 12:33

Egipto runakunaqa lapan wanunanpaq kashqanta mantsakurmi Israel runakunata jukla aywakärinanpaq nipäkurqan.

Éxodo 12:39

Egipto runakuna nacionninpita jukla qarquptinmi Israel runakunaqa mirkapanta rurananpaqpis tiempu mana karqantsu. Tsaymi jamapashqancho levadüraynaq mäsa apashqanpita tantata rurapäkurqan.

Éxodo 13:14

<<Waray warantin tsuriki <¿imanirtaq kay fiestata ruraykantsi?> nir tapushuptiki kayno ninki: <Egiptucho noqakuna ashmay kashqäpitami munayninwan Tayta Dios jorqamarqan.

Éxodo 13:16

Egiptupita Tayta Dios munayninwan jorqamashqantsita imaypis yarparänantsipaqmi runakunapa rikrancho o urkuncho señal kashqanno kay fiestapis señal kaykan> >>.

Éxodo 13:3

Tsawraqa lapan runakunata Moisés kayno nirqan: <<Egiptupita kanan junaq munayninwan Tayta Dios jorqamashqantsita ama qonqapäkunkitsu. Kanan junaqmi ashmay kaykashqantsipita jorqaykämantsi. Cada wata kay junaqta yarpar levadürayuq tantata ama mikupäkunkitsu.

Éxodo 13:9

Runakunapa rikrancho o urkuncho señal kashqannömi tsay fiestapis señal kanqa Tayta Dios qomashqantsi leykunapita imaypis mana qonqaypa parlanantsipaq. Tsayno kanqa Egiptupita munayninwan Tayta Dios jorqamashqantsipitami.

Éxodo 14:13

Tsayno niptin Moisés kayno nirqan: <<Ama jaka shonqu kapäkuytsu. Kananmi rikapäkunki Tayta Dios imano salvamashqantsitapis. Kananpitaqa mananami imaypis Egipto runakunata rikapäkunkipaqnatsu.

Éxodo 15:6

Tayta Dios, munayniyuq karmi alawqa kaq makikiwan chikimaqnïkunata elqätsishqanki.

Éxodo 7:4

Castigaykaptïpis Faraónqa manami cäsushunkipaqtsu. Tsaymi Egipto runakunata masraq castigarkur kuyashqä Israel runakunata punta punta shuntarkur jorqamushaqpaq.

Éxodo 7:5

Israel runakunata tsayno jorqamuptïmi Egipto runakuna tantiyakunqa munayniyuq Tayta Dios kashqäta>>.

Isaías 63:12

Paymi munayninwan Moisésta pushamurqan. Lamartapis munayninwanmi ishkayman rakirqan. Tsayno rurashqanta manami imaypis qonqashuntsu.

Números 11:23

Tsayno niptinmi Tayta Dios kayno nirqan: <<¿Pasaypa munayniynaq kashqätaku yarpanki? Kananmi rikanki nishqäkunata cumplishqäta>>.

Números 23:23

Jacobpita miraq runakunata contran maldicionaptinpis manami imapis pasanqatsu. Israel runakunata brüjuta ruratsiptinpis manami chayanqatsu. Kananpitami Israel runakunata kayno nipäkunqa: <¡Tayta Dios yanapashushpaykimi atska milagrukunata ruran!>

Hechos 13:17

Adorashqantsi Tayta Diosshi unay ayluntsikunata akraykur Egiptucho jäpa kaykaptinpis jatun nación rikakunanpaq yanaparqan. Nirkurnashi milagrukunata rurashpan Egiptupita jorqamurqan.

Deuteronomio 32:39

Noqalami Tayta Dios kaykä. Noqapita juk diosqa manami kantsu. Noqami munayniyuq kaykä pitapis kawayta qonäpaq y kawayta qechunäpaqpis. Noqami pitapis qeshyatsï y aliyätsï. Makïpita manami pipis qeshpintsu.

Deuteronomio 4:34

Musyashqantsinömi Egiptucho fiyupa nakaykaptintsi milagrukunata, guërrata y espantaypaq kaqkunata rurashpan Tayta Diosnintsi jorqamarqantsi kikinpa kanantsipaq. Pay yanapamashqantsinöqa manami mayqan diospis may nación runakunatapis yanapashqatsu.