Éxodo 3:13 - Tayta Diospa Wilakuynin

¹³ Tsayno niptinmi Moisés kayno nirqan: <<Egiptuman chayaykur Israel mayïkunata kaynömi nishaq: <Unay ayluntsikuna yärakushqan Tayta Diosmi qamkunaman kachamashqa>. Tsayno wilaptï paykuna kayno nirmi tapumanqa: <¿Imataq paypa jutin?> Tsayno tapumaptin ¿imatataq nishaq?>>

Éxodo 3:13 Tukuy Ñawiqkunapa Wiñay Tupunakuy

Génesis 32:29

29 (30) Tsaypita Jacobpis tapurqan: <<Qampa jutikiqa ¿imataq kaykan, tayta?>> Tsayno tapuptinmi tsay runa nirqan: <<¿Imapaqtaq jutïta tapumanki?>> Nirkurnami Jacobta bendicionninta qorqan.

Éxodo 15:3

Tayta Diosqa munayniyuq soldädumi. Jutinpis Yahwehmi kaykan.

Éxodo 3:12

Tsawraqa Tayta Dios kayno nirqan: <<Noqami qamwan kaykäshaq. Egiptupita Israel runakunata jorqarkamurmi kay jirkaman shapäkamunki noqata adoramänaykipaq. Tsaymi qamwan kaykashqäta musyankipaq>>.

Éxodo 3:14

Tsawraqa Tayta Dios kayno nirqan: <<Noqaqa: <Noqami Kä>. Israel runakunata kayno ninki: <Noqami Kä niqmi qamkunaman kachamashqa> >>.

Éxodo 3:15

Tsaynölami Moisésta Tayta Dios kayno nirqan: <<Israel runakunata kaynöpis ninki: <Yahwehmi kachamashqa. Payqa unay ayluntsi Abrahampa, Isaacpa y Jacobpa Diosninmi kaykan> >>. Mastami Tayta Dios kayno nirqan: <<Noqapa jutïqa Yahwehmi imayyaqpis kanqa>>.

Éxodo 7:16

Faraónwan tinkurmi kayno ninki: <Hebreo runakunapa Tayta Diosninmi kachamashqa qamta kayno ninäpaq: <<Kuyashqan runakunatashi kacharinki chunyaq jirkaman aywaykur payta adorapäkunanpaq>>. << <Tayta Dios tsayno nimashqanta niykaptïpis kananyaq manami cäsumashqankitsu.

Proverbios 30:4

Manami pï runapis jana patsaman aywaykur kutimushqatsu. Tsaynölami pï runapis wayrata mana aptarantsu, ni lamarta jakunwan qepintsu ni kay patsapa lindërunta churashqatsu. Pilapis rurashqanta musyarqa mä jutinta wilamay. Tantiyakuq karqa mä tsurinpa jutinta wilamay.

Isaías 52:6

Tsaymi tiempun chayamuptin kuyashqä runakuna rikapäkamanqa munayniyuq kashqäta. Promitishqäno salvaptïmi tantiyapäkunqa yanapaykashqäta>>.

Isaías 7:14

Kananqa kikin Tayta Diosmi señalta qamkunata rikatsishunki. Juk virgen jipashmi qeshyaq rikakur olqu wamrata wachakunqa. Tsay wamrapa jutintami churapanqa Emanuel jutin kananpaq.

Isaías 9:6

6 (5) Tayta Dios tsayno salvamäshun juk wamra yuriptinmi. Paymi yurinqa winarkur mandamaqnintsi kananpaq. Paypa jutinmi kanqa Espantaypaq Tantiyatsimaqnintsi, Contrankunata Vinciq Dios, Imayyaqpis Kawaq Taytantsi y Ali Kawayta Qomaqnintsi.

Jeremías 23:6

Paypa jutinmi kanqa Salvamaqnintsi Tayta Dios. Mandaq kashqan witsanmi Judá runakuna y Israel runakuna jawka kawapäkunqa>>.

Mateo 1:21

Olqu wamratami wachanqa. Payman yärakuqkunata jutsankunapita salvananpaq kaptinmi tsay wamrapa jutinta churapanki Jesús kananpaq>>.

Mateo 1:23

<<Juk virgen jipashmi qeshyaq rikakur olqu wamrata wachakunqa. Tsay wamrapa jutintami churapanqa Emanuel jutin kananpaq>>. (Emanuel ninanqa Tayta Dios noqantsiwanmi kaykan ninanmi.)

Hechos 3:13

<<Abrahampa, Isaacpa, Jacobpa y unay ayluntsipa Diosninmi sirviqnin Jesústa churashqa lapanpitapis mas munayniyuq kananpaq. Tsayno kaykaptinmi qamkunaqa wanutsinanpaq autoridäkunapa makinman churapäkushqanki. Pilato kachariyta munaptinpis qamkunaqa manami munapäkushqankitsu.

Jueces 13:17

Tsaymi angilta kayno nirqan: <<Nimashqaykikuna cumpliptin qamta agradëcikärinäpaq jutikita wilaykalämay, tayta>>.

Jueces 13:6

Ángel tsayno niptinmi runanta wilarqan kayno nir: <<Tayta Diospa wilakuqninmi chayamushqa. Kikin Tayta Diospa angilnin niraq mantsariypaqmi kashqa. Manami maypita kashqanta ni pï kashqantapis tapushqätsu, ni kikinpis manami wilamashqatsu.