Éxodo 16:2 - Tayta Diospa Wilakuynin

² Tsay chunyaq jirkachömi Israel runakuna Moiséspa y Aarónpa contran sharkur

Éxodo 16:2 Tukuy Ñawiqkunapa Wiñay Tupunakuy

Génesis 19:4

Lotpa wayincho mayqanpis manaraq punuptinmi Sodoma markacho taq lapan runakuna juntapaykurqan mözupita qalaykur hasta awkis runakunayaq.

Salmo 106:13

Tsayno kaptinpis espantaypaq rurashqaykikunata yapaymi qonqapäkurqan. Tantiyatsishqaykitapis manami cäsukärirqantsu.

Salmo 106:25

Nishqaykita mana cäsukurmi toldunkuna rurincho contrayki rimapäkurqan.

Salmo 106:7

Unay aylükunaqa Egiptucho espantaypaq rurashqaykita rikaykarpis manami cäsushurqaykitsu. Kuyapar yanapashqaykitapis manami yarpapäkurqantsu. Tsaymi Puka Lamarman chayaykur contrayki sharkapäkurqan.

Éxodo 14:11

Nirkurmi Moisésta kayno nipäkurqan: <<¿Manatsuraq Egiptucho panteonkuna kaykan tsaycho wanur pampakärinäpaq? ¿Imapaqtaq jorqamashqanki kay chunyaq jirkacho wanupäkunäpaq?

Éxodo 15:24

Tsawraqa runakuna rabyakushpan Moiséspa contran sharkur kayno nipäkurqan: <<Kananqa ¿ima yakutataq upushun?>>

Éxodo 17:3

Moisés tsayno niptinpis runakuna fiyupa yakunashpanmi qayapar kayno nipäkurqan: <<¿Kayno nakatsimänaykipaqku Egiptupita jorqamarqayki? ¿Lapan wamräkunata y uywäkunata yakunaypita wanutsimänaykipaqku jorqapäkamashqanki?>>

Éxodo 5:21

Tsaycho tarirmi kayno nipäkurqan: <<Qamkunami Faraónta rabyanätsishqanki kayjinanpa nakatsipäkamänanpaq. Wanutsimänanpaq cuchilluta aptapaqnömi achäquita ashipashqanki. ¡Tsayno rabyanätsishqaykipita Tayta Dios castigashunki!>>

Números 14:22

Egiptucho y chunyaq jirkacho milagrukunata rurashqäta rikaqkuna manami ni juklaylapis chayanqatsu unay ayluykikunata promitishqä nacionman. Paykunaqa yaparir yaparir kikin munashqanta ruratsimayta munashpanmi mana cäsukamashqatsu. Manami mayqanpis rabyanätsimaqkuna tsay nacionman chayanqatsu.

1 Corintios 10:10

Tsaynöpis descontentu ama kashuntsu. Israel runakuna descontentu kaptinmi wanutsikuq ángel paykunata ushakätsirqan.