Éxodo 15:7 - Tayta Diospa Wilakuynin

⁷ Lapanpaq munayniyuq kashpaykimi contraykikunata ushakätsishqanki. Pasaypa rabyakuptikimi tsaki oqsha rupaqno paykuna ushakashqa.

Éxodo 15:7 Tukuy Ñawiqkunapa Wiñay Tupunakuy

Job 9:4

Tayta Diosqa yachaqmi y lapanpaq munayniyuqmi kaykan. ¿Piraq upälatsiyta munar payta ichipanman?

Salmo 148:13

Tayta Diosta alabapäkuy. Paymanqa manami pipis tinkuntsu. Kay patsacho kaqkunapitapis y jana patsacho kaqkunapitapis mas munayniyuqmi kaykan.

Salmo 59:13

13 (14) Rabyashpayki chipyaq ushakaykatsilay. Paykunataqa jukla elqaykatsilay. Tsaynöpami pïmaypis musyapäkunqa Jacobpita miraqkunacho y maytsay nacionchöpis rey kashqaykita. Selah

Salmo 68:33

33 (34) Tayta Diosqa muntashqami jana patsapa purin. Parlamushqanpis maytsaymanmi mayakan.

Salmo 83:13

13 (14) Tayta Diosnilä, huracán wayra imaykatapis ushashqanno conträ sharkuq runakunata ushakaykatsilay. Wayra apashqan tsaki punshano kaykulätsun.

Éxodo 14:27

Tsawraqa lamar jananpa Moisés makinta toqrirqan. Tsaymi patsa wararkuptinna kashqanman yaku kutir Egipto runakuna qeshpiykaqta ultakurkurqan. Tsaynöpami lamar chawpincho Egipto runakunata Tayta Dios ushakätsirqan.

Éxodo 5:12

Tsayno niptinmi adöbita tsutapäkunanpaq Israel runakuna intëru Egiptupa ashirqan päjapa trukan punshata shuntapäkunanpaq.

Éxodo 9:16

Tsayno kaptinpis qamta kawaykaqta kachashqä maytsaychöpis taq runakuna munayniyuq kashqäta musyananpaqmi.

Isaías 37:17

Manakamushqäta mayaykalämay, Tayta Dios. Noqakuna imano kashqätapis rikaykulay. Senaquerib kachamushqan capitán manakaqman churashushqaykita ama qonqaykulaytsu.

Isaías 37:23

¿Imanirtaq manakaqman churamar ashlimashqanki? ¿Imanirtaq conträ rimashqanki? ¿Imanirtaq alqa nawikipa rikapämashqanki? ¿Manaku musyanki Israel runakunapa santu Diosnin kashqäta?

Isaías 37:29

Conträ sharkur fiyupa olqushqaykipitami senqaykiman argöllata churashaq. Shimikimanpis frënutami churashaq. Nirkurnami shamushqayki nänilapa kutitsishaykipaq> >>.

Isaías 37:36

Tsaypitanami tsay tsakay Asiria soldädukunapa campamentunman aywaykur Tayta Diospa angilnin juk pachak pusaq chunka pitsqa waranqa (185,000) soldädukunata wanutsirqan. Patsa wararkuptinnami kawaq kaq soldädukuna tarirqan tsaytsika soldädu wanushqa jitarpaykaqta.

Isaías 37:38

Juk kutichömi diosnin Nisrocpa templuncho Senaquerib adoraykaptin tsurinkuna Adramelec y Sarezer yaykuykur espädankunawan wanuratsirqan. Nirkurnami qeshpir aywakärirqan Ararat partiman. Senaqueribpa trukannami tsurin Esar-hadónna rey kayta qalaykurqan.

Isaías 47:14

<<Qamqa yarpanki tsay runakuna mashakunaykipaq shanshano kashqanta. Tsayno yarpaptikipis manami tsaynötsu kaykan, sinöqa nina ushananpaq oqshanölami kaykan. Tsaymi Tayta Diospa castïgunpita imanöpapis salvakuyta mana kamäpakunqatsu.

Isaías 5:16

Pïmaypis musyanqami lapanta mandaq Tayta Dios jutsaynaq santu kashqanta.

Isaías 5:24

Lapanta mandaq Tayta Diospa leyninkunata manami cäsupäkuntsu. Israel runakunapa santu Diosninpa palabranta manakaqmanmi churarkaykan. Tsaymi tsaki raprakunata nina laqwaypa laqwar rupar ushaqno Tayta Dios paykunata ushakätsinqa. Tsaynöpis tsaki oqshaman nina rataqnömi ushakätsinqa. Sapin ismushqa yöra ushakashqanno y waytan shushur alpaman tikrashqannömi ushakanqa.

Jeremías 10:6

Tayta Dios, qamnöqa manami pipis kantsu. Qamqa lapanpaq munayniyuqmi kaykanki.

Miqueas 4:11

Kananqa atska nación runakunami juntakaykur contrayki sharkapäkushqa. Paykunaqa kaynömi wilanakurkaykan: <<¡Sión marka ushakashqa kaykaqta rikar kushipäshun!>>

Zacarías 14:3

Tsayno ruraykaptinnami kikin Tayta Dios pelyanqa tsay nacionkunawan. Israel runakunata unay yanapar pelyashqannömi tsay nacionkunawan pelyanqapaq.

Zacarías 14:8

Tsay witsanqa usya tiempupis y tamya tiempupis chuya yakumi Jerusalénpita yarqamunqa. Pulan yakumi chayanqa inti jeqamunan kaq lädu lamaryaq. Pulan yakunami chayanqa inti jeqanan kaq lädu lamaryaq.

Zacarías 2:8

8 (12) Lapanta mandaq Tayta Diosmi kachamashqa imaykitapis apakuq nacionkunata kayno wilanäpaq: <<Kuyashqä runakunata pipis nakatsirqa nawi ñïñüta pashtaqnömi karkaykan.

Malaquías 4:1

1 (3.19) Lapanta mandaq Tayta Dios kaynömi nin: <<Walkalanami pishiykan juzganä junaq chayamunanpaq. Tsay junaqmi bunyaypa bunyar nina rupar oqshata ushashqanno lapan ali chölu tukuqkunata y fiyu runakunata chipyaq ushakätsishaq.

Mateo 3:12

Trïguta wayrananpaq jurquëtan aptashqanami kaykan. Wayrarkurnami trïguta wayinman churanqa. Punshantanami imaypis mana upiq ninaman qaykunqa>>.

Hechos 9:4

Tsaymi Sauluqa pampaman tunir kayno nimuqta mayarqan: <<Saulo, Saulo, ¿imanirtaq qatikachaykämanki?>>

Deuteronomio 33:26

<<Manami ima diospis kantsu Jesurúnpa Diosninnöqa. Payqa yanapashunaykipaq pukutay jananpami shamun.

Deuteronomio 4:24

Tayta Diosqa munan pay japalanta sirvinantsitami. Mana cäsukuqkunataqa nina rupar ushashqannömi ushakätsinqa.

Hebreos 12:29

Imatapis nina rupar ushashqannömi mana cäsukuqkunata Tayta Diosnintsi ushakätsinqa.