Éxodo 15:24 - Tayta Diospa Wilakuynin

²⁴ Tsawraqa runakuna rabyakushpan Moiséspa contran sharkur kayno nipäkurqan: <<Kananqa ¿ima yakutataq upushun?>>

Éxodo 15:24 Tukuy Ñawiqkunapa Wiñay Tupunakuy

Salmo 106:13

Tsayno kaptinpis espantaypaq rurashqaykikunata yapaymi qonqapäkurqan. Tantiyatsishqaykitapis manami cäsukärirqantsu.

Éxodo 14:11

Nirkurmi Moisésta kayno nipäkurqan: <<¿Manatsuraq Egiptucho panteonkuna kaykan tsaycho wanur pampakärinäpaq? ¿Imapaqtaq jorqamashqanki kay chunyaq jirkacho wanupäkunäpaq?

Éxodo 16:2

Tsay chunyaq jirkachömi Israel runakuna Moiséspa y Aarónpa contran sharkur

Éxodo 5:21

Tsaycho tarirmi kayno nipäkurqan: <<Qamkunami Faraónta rabyanätsishqanki kayjinanpa nakatsipäkamänanpaq. Wanutsimänanpaq cuchilluta aptapaqnömi achäquita ashipashqanki. ¡Tsayno rabyanätsishqaykipita Tayta Dios castigashunki!>>

Números 14:22

Egiptucho y chunyaq jirkacho milagrukunata rurashqäta rikaqkuna manami ni juklaylapis chayanqatsu unay ayluykikunata promitishqä nacionman. Paykunaqa yaparir yaparir kikin munashqanta ruratsimayta munashpanmi mana cäsukamashqatsu. Manami mayqanpis rabyanätsimaqkuna tsay nacionman chayanqatsu.

Números 16:11

¿Tsayno yarparku Aarónpa contran sharkurkaykanki? Aarónpa contran sharkurqa Tayta Diospa contranmi sharkurkaykanki>>.

Números 16:41

41 (17.6) Tsaypita jukaqnin junaqqa Israel runakuna yapaymi Moisésta y Aarónta qayapar kayno nipäkurqan: <<¡Qamkunami Tayta Dios akrashqan runakunata wanuykätsinki!>>

Números 17:10

10 (25) Tsaypitanami Moisésta Tayta Dios kayno nirqan: <<Aarónpa tukrunta kutitsiy Pactu Babul nawpanman. Tsayman churanki mana wiyakuq Israel runakuna tantiyakur conträ mana rimananpaq. Tsaynöpami mana wanupäkunqanatsu>>.

Números 21:5

Tsaymi Tayta Diospa y Moiséspa contran kayno nipäkurqan: <<Kay chunyaq jirkacho wanupäkunäpaq ¿imapaqtaq Egiptupita pushapäkamashqanki? Kaychöqa manami mikuypis ni yakupis kantsu. Waran waran tsay mikuylata mikur pasaypanami ajayashqä>>.

Mateo 6:25

<<Tsayno kaykaptinqa ama yarpachakäriytsu kayno nir: <¿Imanöraq kawashaq? ¿Imataraq mikushaq? ¿Imataraq upushaq? ¿Imataraq jatikushaq?> Manami mikuylapaq ni röpalapaq yarpachakunantsipaqtsu kaykantsi.

1 Corintios 10:10

Tsaynöpis descontentu ama kashuntsu. Israel runakuna descontentu kaptinmi wanutsikuq ángel paykunata ushakätsirqan.

Filipenses 2:14

Mana jamurpänakuylapa y mana rimanakuylapa imaypis kawapäkuy.

Judas 1:16

Tsay lutan yachatsikuqkunaqa imalapitapis jamurpäkunmi. Paykunapaqqa manami imapis alitsu kaykan. Yarpashqantami imatapis ruratsipäkun. Runa tukärishpanmi shimin tarishqanta imatapis riman. Yarpashqankunata ruratsinan kashqalami ali shimilanpa pitapis parlapan.