Éxodo 14:4 - Tayta Diospa Wilakuynin

⁴ Noqami Faraónpa shonqunta chukruyätsishaq qepaykita qatipäshunaykipaq. Tsayno qatipäshuptikimi podernïwan soldädunkunata ushakätsishaqpaq. Tsaynöpami Egipto runakuna musyanqa munayniyuq Tayta Dios kashqäta>>. Tsayno niptinmi Israel runakunaqa yätsishqannöla rurapäkurqan.

Éxodo 14:4 Tukuy Ñawiqkunapa Wiñay Tupunakuy

Nehemías 9:10

Espantaypaqkunata rurarmi Faraónta, sirviqninkunata y tsay nacioncho taq runakunatapis castigarqayki. Tsayno rurarqayki Israel runakunata nakatsishqanpitami. Tsaynöpami munayniyuq kashqaykita maytsaychöpis runakuna musyapäkun.

Éxodo 10:2

Munayniyuq Tayta Dios kashqäta tantiyarmi Egiptucho espantaypaq castigashqäta wamraykikunata y wilkaykikunatapis wilapankipaq>>.

Éxodo 10:27

Tsayno niptinmi Faraónpa shonqunta Tayta Dios yapay chukruyätsirqan Israel runakunata mana kachananpaq.

Éxodo 12:28

Tsaymi Moisésta y Aarónta Tayta Dios nishqannöla lapanta rurapäkurqan.

Éxodo 14:23

Tsaymi Israel runakunata qatipar Egipto runakunaqa Faraónpa cawallunkunawan carrëtankunawan yaykurqan lamar chawpinyaq.

Éxodo 14:25

Carrëtankunapa ruëdankunatapis Tayta Dios yarqukätsiptinmi aywaytapis mana kamäpakurqannatsu. Tsawraqa Egipto runakuna kikinpura kayno nipäkurqan: <<Israel runakunapita qeshpikushun. Tayta Diosmi paykunapa favornin sharkur contrantsi kaykan>>.

Éxodo 14:3

Tsaycho kaykashqaykita musyarmi Faraón yarpanqa chunyaq jirkacho pantakashqa purirkaykashqaykita.

Éxodo 14:5

Israel runakuna qeshpir aywakuykashqantami Faraónta wilapäkurqan. Tsaymi Faraón y mandäshiqninkunapis lakikushpan kayno nipäkurqan: <<¿Imapaqtaq Israel runakunata kacharishqantsi? Kananqa ¿pitaq arupämäshun?>>

Éxodo 14:8

Tsayno qatipänanpaqqa Tayta Diosmi Faraónpa shonqunta chukruyätsirqan. Tsaymi Israel runakuna yarqunanpaq Egipto runakunata mantsariypaq castïgukunawan Tayta Dios castigaykaptinpis mana tantiyakuypa qatiparqan.

Éxodo 18:11

Egipto runakuna contrayki kaykaqta vincishqa kaptinmi tantiyakü lapan dioskunapitapis Tayta Dios mas munayniyuq kashqanta>>.

Éxodo 6:7

Noqami shuntashayki kuyashqä runakuna kapäkunaykipaq. Qamkunapa Diosnikimi kashaq. Tsaynöpami musyapäkunkipaq Egipto runakuna nakatsishushqaykipita jorqamushuqniki Tayta Dios kashqäta.

Éxodo 7:17

Kananmi musyanki Tayta Dios pï kashqantapis. Tayta Dios nimashqannölami kay aptaraykashqä tukruwan mayuta wiruptï yawarman tikranqapaq.

Éxodo 7:3

Tsayno parlapaptinpis Faraónpa shonqunta chukruyätsiptï manami juklaqa kachapäshunkipaqtsu. Mana kachapäshuptikimi mantsariypaq castïgukunawan Egipto runakunata castigashaqpaq.

Éxodo 7:5

Israel runakunata tsayno jorqamuptïmi Egipto runakuna tantiyakunqa munayniyuq Tayta Dios kashqäta>>.

Éxodo 9:16

Tsayno kaptinpis qamta kawaykaqta kachashqä maytsaychöpis taq runakuna munayniyuq kashqäta musyananpaqmi.

Ezequiel 20:9

Tsayno rabyarpis juk lädu nación runakuna mana jamurpämänanpaqmi mana castigaylapa Egiptupita jorqamurqä.

Ezequiel 28:22

kayno ninki: << <Tayta Diosmi kayno nin: Sidón marka, contraykimi rikakushqä. Qamta castigaptïmi santu kashqäta pïmaypis musyapäkunqa. Tsaynöpami Tayta Dios kashqäta musyankipaq.

Ezequiel 32:15

<< <Egipto nacionta chunyaqmanmi tikratsishaq. Lapan imaykantapis chipyaqmi ushakätsishaq. Lapan runakunatami tsaycho wanutsishaq. Tsayraqmi Tayta Dios kashqäta musyapäkunqa.

Ezequiel 38:16

kuyashqä Israel nacionnïta atacankipaq. Tsaytsika soldädukunawan shamurmi patsa tsapakurkuq yana pukutaynöraq kapäkunkipaq. Shamuq watakunacho tsayno atacanaykipaqmi kamakätsishaq. Tsaynöpami wakin nación runakunapis munayniyuq kashqäta musyapäkunqa.

Ezequiel 38:23

Tsayno castigarmi munayniyuq y santu kashqäta maytsay nación runakunata musyatsishaq. Tsayraqmi Tayta Dios kashqäta musyapäkunqa> >>.

Ezequiel 39:13

Israel runakunaqa lapanmi aya pampayman churakashqa kanqa. Munayniyuq kar contrankunata ushakätsishqätami imaypis yarparanqa>. Tayta Diosmi tsayno nin.

Levítico 10:3

Tsaypitanami Aarónta Moisés kayno nirqan: <<Tantiyakuy Tayta Dios kayno nishqanta: << <Nawpäman yaykamuqkuna santu kashqäta tantiyakäritsun. Israel runakunapa nawpanchömi musyatsishaq munayniyuq kashqäta> >>. Tsayno niptin Aarónqa imatapis mana rimakurqantsu.

Romanos 11:8

Tayta Diospa palabranchöpis kaynömi qelqaraykan: <<Pasaypa mana tantiyakuq kananpaqmi Tayta Dios upatakätsishqa. Tsaymi kananyaqpis paykunaqa rikaykarpis mana rikaqno karkaykan y wiyaykarpis mana wiyaqno karkaykan>>.

Romanos 9:17

Egiptupa mandaqnin Faraónpaqpis Tayta Diospa palabran kaynömi niykan: <<Maytsaychöpis taq runakuna munayniyuq kashqäta musyananpaqmi mandaq kanaykipaq qamta churashqä>>.

Romanos 9:18

Tsaynömi Tayta Dios wakin runakunata kuyapan y wakintanami shonqunta chukruyätsin.

Josué 11:20

Puntataqa tsaycho taq runakunapa shonqunta Tayta Dios chukruyätsirqan Israel runakunapa contran sharkur pelyapäkunanpaq. Tsayno kaptinmi Moisésta Tayta Dios nishqannöla tsay runakunata mana kuyapaypa asulapäkurqan.

Jueces 4:7

Qamkunawan pelyananpaqmi Jabínpa lapan soldädunkunata, carrëtankunata y capitán Sísarata Cisón raqraman Tayta Dios chayatsinqa. Paykunata vincinaykipaqmi Tayta Dios yanapashunkipaq>>.