Éxodo 1:11 - Tayta Diospa Wilakuynin

¹¹ Tsayno wilanakurkurmi capatazkunata churapäkurqan Israel runakunata maqa maqarkur arutsinanpaq. Tsayno arutsirmi Pitón y Ramesés markakunata sharkatsipäkurqan. Tsay markakunachömi karqan Faraónpa mikuy churakunan wayikuna.

Éxodo 1:11 Tukuy Ñawiqkunapa Wiñay Tupunakuy

Génesis 15:13

Tsay hörami Tayta Dios kayno nirqan: <<Qampita miraqkunami chusku pachak (400) wata juk markacho jäpa runakunapa ashmaynin kar nakapäkunqa.

Génesis 47:11

Tsaypita Faraón nishqannölami Joséqa papäninta y wawqinkunata rikatsirqan Egiptucho mas alinnin kaq partita tänanpaq. Tsaynöpami papänin y wawqinkuna chakrayuq karqan Ramesés particho.

1 Reyes 9:19

Tsaynöla altsatsirqan mikuy churakunan markakunata, guërra carrëta churakunan wayikunata y cawallun muntashqa aywaq soldädukunapa cuartilninkunata. Tsaynölami lapan yarpashqankunata ruratsirqan Jerusaléncho, Líbanucho y maytsaychöpis mandashqan kaqchöqa.

2 Crónicas 16:4

Tsayno manakuptinmi rey Ben-adad awnishpan soldädunkunata y capitanninkunata kacharqan Israel nacioncho kaykaq markakunata atacananpaq. Atacarmi acapararqan Ijón, Dan y Abel-maim markakunata. Neftalí trïbu runakuna tashqancho mikuy churakuna markakunatapis lapantami acapararqan.

2 Crónicas 8:4

Tsaypitanami tsaki jirkacho kaykaq Tadmor markatapis altsatsirqan. Tsaynölami Hamat marka cercancho kaq mikuy churakuna markakunatapis altsatsirqan.

Salmo 105:13

Paykunaqa nacionnin nacionnin y markan markanmi purikärirqan.

Salmo 129:1

Mözu kashqäpita patsami chikimaqnïkuna fiyupa nakatsimashqa. Lapan Israel runakunapis tsaynöla nipäkutsun.

Salmo 129:2

<<Mözu kashqäpita patsami chikimaqnïkuna fiyupa nakatsimashqa. Itsanqa manami ushakätsimashqatsu.

Salmo 68:13

13 (14) Uywankunata täpaqkunapis paluma niraq adornukunatami chaskipäkurqan. Tsay adornukuna kaykan qellaypita rurashqa älayuq y qoripita rurashqa plümayuqmi.

Salmo 81:6

6 (7) <<Pasaypa nakaykätsishuptikimi qamkunata jorqamurqä. Roqu bürruntano aruykätsishuptikimi qamkunata jorqamurqä.

Éxodo 1:14

Fiyupami nakatsirqan mituta jarutsir, adöbita ruratsir y chakrankunacho arutsir. Lapan aruychömi Israel runakunata aläpa nakatsipäkurqan.

Éxodo 2:11

Tsaypita Moisés mözuyarkurnami juk junaqcho aywarqan hebreo mayinkunaman watukuq. Tsaychömi rikarqan paykuna fiyupa nakar arurkaykashqanta. Tsaynöpis rikarqan juk Egipto runa hebreo runata maqaykaqta.

Éxodo 3:7

Nirkurnami Tayta Dios kayno nirqan: <<Kuyashqä runakuna Egiptucho fiyupa lakikur kawarkaykaqtami rikashqä. Tsaynöpis mayashqä capatazninkuna pasaypa nakatsiptin quejakamar manakamashqanta. Tsaynölami musyaykä amatar nakarkaykashqanta.

Éxodo 5:10

Tsaymi capatazkuna y yanapaqninkunapis aywaykur Israel runakunata kayno nipäkurqan: <<Faraónmi nipäkamashqa kananpitaqa päjata manana kamaripänäpaq.

Éxodo 5:15

Tsawraqa capatazkunapa yanapaqninkuna Faraónman quejakuq aywar kayno nipäkurqan: <<Ashmayniki karkaykaptïqa ¿imanirtaq fiyupa nakatsimanki, tayta?

Éxodo 5:8

Nirkur nawpata tsutashqannöla juk adöbilapis mana pishiqta tareata cumplinanpaq obligapäkunki. Tsay runakunaqa aruyta qelanashpanmi kayno nirkaykan: <Chunyaq jirkaman aywar Diosnïpaq sacrificiuta rupatsipäkushaq>.

Proverbios 27:4

Rabyakuq runaqa manami pitapis kuyapantsu. Piñakuq runaqa imatapis ushakätsinmi. Envidiösu runaqa rabyakuq y piñakuq runapitapis mas peormi kaykan.

Números 20:15

Unay aylükuna Egiptuman aywakushqanpita patsami tsaycho täpäkamushqä. Egipto runakuna paykunata nakatsishqannölami noqakunatapis fiyupa nakatsipäkamashqa.

Deuteronomio 26:6

Tsaychömi Egipto runakuna pasaypa nakatsimashpantsi maqa maqarkur fiyupa arutsimarqantsi.