Apocalípsis 21:7 - Tayta Diospa Wilakuynin

⁷ Imano nakarpis mana ajayaypa yärakamaqkunaqa lapan herenciantami chaskipäkunqa. Noqami paykunapa Diosnin kashaq. Paykunami wamräkuna kanqa.

Apocalípsis 21:7 Tukuy Ñawiqkunapa Wiñay Tupunakuy

Génesis 17:8

Qorpanöla taykashqayki Canaáncho kaq markakunatami qoykushayki. Tsaynölami qampita miraqkunata qoykushaq imayyaqpis tsaycho tänanpaq. Qampita miraqkunapa Diosninmi imayyaqpis kaykäshaq>>.

2 Samuel 7:14

Noqami paypa taytan kashaq. Paynami noqapa tsurï kanqa. Imatapis lutanta ruraptinqa noqami corrigishaq tsurinta taytan corrigishqanno.

Salmo 89:26

26 (27) Paymi kayno nimanqa: <Papänïmi kaykanki. Diosnïmi kaykanki. Salvamaqnï y tsapämaqnï qaqami kaykanki>.

Proverbios 3:35

Tantiyakuq runakunataqa pïmaypis respitanmi. Mana tantiyakuq runakunatami itsanqa pipis mana respitantsu.

Isaías 65:9

Tsaymi nacionnïcho tänanpaq Israel runakunapita y Judá runakunapita akrashaq. Tsay akrashqä runakunapa herencianmi kay nación kanqa. Sirvimaqnïkuna kashpanmi kaycho tanqa.

Zacarías 8:8

Paykunataqa Jerusaléncho tänanpaqmi maytsaypitapis shuntamushaq. Paykunami kuyashqä runakuna kanqa. Noqanami paykunapa Diosnin kashaq. Lapan promitishqäta cumplirmi paykunata ali rikashaq.

Mateo 19:29

<<Noqa rayku pipis wayinta, wawqinkunata, paninkunata, mamanta, taytanta, [warminta,] tsurinkunata y chakrankunatapis kachariq kaqqa pachak (100) kuti mastami chaskinqa. Tsaynöpis mana ushakaq kawaytami tarinqa.

Mateo 25:21

<<Tsayno niptinshi patronnin kayno nirqan: <Ali ashmaymi qam kanki. Walkalapitapis qellayta miratsishqaykipitami mas mandaq kanaykipaq churashayki. Wayïman yaykamuy fiestata rurar kushikunantsipaq>.

Mateo 25:34

<<Alawqancho kaykaqkunatami kayno ninqa: <Qamkunataqa pasaypami Taytä kuyapäkushunki. Tayta Dios mandaykashqanman yaykunaykipaq shapäkamuy. Kay patsata manaraq kamarmi mandashqantaqa qamkunapaq Taytä kamarishqa.

Marcos 10:17

Tsaypita Jesús aywaykaptinmi juk mözu cörriyla aywar nawpanman qonqurpakuykur kayno nirqan: <<Rabí, ali runami kanki. ¿Imatataq ruräman mana ushakaq kawayta tarinäpaq?>>

Romanos 8:14

Tayta Diospa Espïritun tantiyatsishqanno kawaqkunaqa lapanpis Tayta Diospa wamrankunami karkaykan.

Romanos 8:19

Tsayno kaptinmi Tayta Dios wamrankunata nawpanman shuntananta lapan kamashqankuna shuyarpaykan.

2 Corintios 6:16

Tsaynöpis Tayta Diospa templunman ïdulukunata jamatsishqan manami alitsu kaykan. Noqantsiqa imayyaqpis kawaq Tayta Diospa templunmi kaykantsi. Palabranchöpis Tayta Dios kaynömi niykan: <<Paykunawanmi täshaq. Paykunawanmi purishaq. Paykunapa Diosninmi kashaq. Paykunami kuyashqä runakuna kanqa>>.

2 Corintios 6:18

Qamkunapa taytaykimi kashaq. Qamkunami wamräkuna kankipaq. Lapanpaq munayniyuq Tayta Dios karmi tsayno nï>>.

Hebreos 8:10

Tsay junaqkuna pasarkuptinmi Israel runakunawan pactuta rurashaq. Tsayno rurarmi leynïkunata yarpayninkunaman churashaq. Shonqunkunamanmi leynïkunata qelqashaq. Paykunapa Diosninmi kashaq. Paykunanami kuyashqä runakuna kanqa. Noqa Tayta Diosmi tsayno nï.

1 Pedro 3:9

Runa mayiki chikishuptikipis ama chikipäkuytsu. Ashlishuptikipis ama ashlipäkuytsu. Bendicionta chaskipäkunaykipaq Tayta Dios akrashushqaykita musyaykarqa chikishuqnikikunapis bendicionta chaskinanpaq Tayta Diosta manakärinki.

Apocalípsis 2:11

<<Espíritu Santumi iglesiakunata tsayno niykan. Rinriyuq kaqkunaqa nishqäkunata wiyakäritsun. Imano nakarpis mana ajayaypa yärakamaqkunaqa manami nina qochaman qaykushqatsu kanqa>>.

Apocalípsis 2:17

<<Espíritu Santumi iglesiakunata tsayno niykan. Rinriyuq kaqkunaqa nishqäkunata wiyakäritsun. Imano nakarpis mana ajayaypa yärakamaqkunataqa jana patsacho churaraykaq maná mikuytami qarashaq. Tsaynöpis taksha yoraq rumitami qoykushaq. Tsay rumichömi mushuq jutin qelqaraykanqa. Tsay jutitaqa rumita chaskikuqkunalami musyapäkunqa>>.

Apocalípsis 2:25

Noqa yachatsishqäkunata shamunäyaq mana qonqaypa cäsukäriy.

Apocalípsis 2:7

<<Espíritu Santumi iglesiakunata tsayno niykan. Rinriyuq kaqkunaqa nishqäkunata wiyakäritsun. Imano nakarpis mana ajayaypa yärakamaqkunataqa Tayta Diospa nawpanchömi imayyaqpis kawatsikuq yörapa wayuyninta qarashaq>>.

Apocalípsis 21:3

Tsay hörami mayarqä Tayta Diospa trönunpita kayno nir qayakamuqta: <<¡Kananqa runakunawan juntumi Tayta Dios tanqa! Paykunami kuyashqan runakuna kanqa. Kikin Tayta Diosmi paykunawan kaykanqa.

1 Samuel 2:8

Tayta Diosmi waktsakunatapis yanapan. Caridä manakuqkunatapis taritsin. Nirkur respitädu kananpaq churan. <<Kay patsapa cimientunkunatapis paymi rurashqa. Tsay jananmanmi kay patsata jamatsishqa.