1 Samuel 27:12 - Tayta Diospa Wilakuynin

¹² David nishqanta criyirmi rey Aquis kayno yarparqan: <<Tsayno ruraptinqa Israel mayinkuna Davidta chikinqami. Tsayno rurarqa noqapa munaynilächömi imaypis kanqa>>.

1 Samuel 27:12 Tukuy Ñawiqkunapa Wiñay Tupunakuy

Génesis 34:30

Tsayno rurashqanta musyaykurmi Jacobqa Simeónta y Levíta kayno nirqan: <<Kananqa ¿imamantaq jitarpamashqanki? Wanutsipäkushqaykita mayaykurqa cananeo runakuna y ferezeo runakunaqa fiyupami chikipäkamanqa. Paykunaqa wilanakushpan lapantsitachari wanutsimäshunpaq. Ashmaynintsi runakunapis walkala kaykaptinqa ¿imanöpataq ichipäshun?>>

2 Samuel 10:6

Davidta rabyanätsishqanta tantiyarmi amonita runakuna Siria nacionman aywaykur Bet-rehob y Soba markakunacho taq ishkay chunka waranqa (20,000) soldädukunata minkakärirqan yanapananpaq. Tsaynöpis Maaca runakunapa mandaqnin reywan conträtuta rurapäkurqan juk waranqa (1,000) soldädukunawan yanapananpaq. Tsaynölami Is-tob partiman aywaykur chunka ishkay waranqa (12,000) soldädukunata minkakärirqan yanapananpaq.

Éxodo 5:21

Tsaycho tarirmi kayno nipäkurqan: <<Qamkunami Faraónta rabyanätsishqanki kayjinanpa nakatsipäkamänanpaq. Wanutsimänanpaq cuchilluta aptapaqnömi achäquita ashipashqanki. ¡Tsayno rabyanätsishqaykipita Tayta Dios castigashunki!>>

1 Samuel 13:4

Cada markacho juntakaptinmi wilapäkurqan filisteo soldädukunata Jonatán wanutsishqanta. Tsaynöpis wilapäkurqan filisteo runakuna pasaypa rabyashqa aywarkaykämushqanta. Tsawraqa filisteo soldädukunawan pelyananpaqmi Israel soldädukuna Gilgal markaman Saúlwan juntakarqan.

1 Samuel 27:11

Aquisman aywar pipis rasun kaqta mana wilapänanpaqmi Davidqa runatapis warmitapis chipyaq wanutsiq. Filisteo runakunapa markancho tashqan witsan tsaynölami imaypis David ruraq.

1 Samuel 28:1

Tsay witsanmi filisteo runakuna juntakaykur aywapäkurqan Israel runakunata atacananpaq. Tsawraqa rey Aquis Davidta kayno nirqan: <<Qam y qamwan kaykaq runakunapis guërraman aywaykäshilämay>>.