1 Samuel 13:4 - Tayta Diospa Wilakuynin

⁴ Cada markacho juntakaptinmi wilapäkurqan filisteo soldädukunata Jonatán wanutsishqanta. Tsaynöpis wilapäkurqan filisteo runakuna pasaypa rabyashqa aywarkaykämushqanta. Tsawraqa filisteo soldädukunawan pelyananpaqmi Israel soldädukuna Gilgal markaman Saúlwan juntakarqan.

1 Samuel 13:4 Tukuy Ñawiqkunapa Wiñay Tupunakuy

Génesis 34:30

Tsayno rurashqanta musyaykurmi Jacobqa Simeónta y Levíta kayno nirqan: <<Kananqa ¿imamantaq jitarpamashqanki? Wanutsipäkushqaykita mayaykurqa cananeo runakuna y ferezeo runakunaqa fiyupami chikipäkamanqa. Paykunaqa wilanakushpan lapantsitachari wanutsimäshunpaq. Ashmaynintsi runakunapis walkala kaykaptinqa ¿imanöpataq ichipäshun?>>

Génesis 46:34

kayno nipäkunki: <Noqakunaqa unay aylükunanöpis wamra kashqäpita patsa uywa ashmaylatami yachapäkü>. Tsayno wilaptikimi uysha mitsiq runakunata Egipto runakuna melanaptin Gosén particho tänaykipaq nishunki>>.

2 Samuel 10:6

Davidta rabyanätsishqanta tantiyarmi amonita runakuna Siria nacionman aywaykur Bet-rehob y Soba markakunacho taq ishkay chunka waranqa (20,000) soldädukunata minkakärirqan yanapananpaq. Tsaynöpis Maaca runakunapa mandaqnin reywan conträtuta rurapäkurqan juk waranqa (1,000) soldädukunawan yanapananpaq. Tsaynölami Is-tob partiman aywaykur chunka ishkay waranqa (12,000) soldädukunata minkakärirqan yanapananpaq.

Éxodo 5:21

Tsaycho tarirmi kayno nipäkurqan: <<Qamkunami Faraónta rabyanätsishqanki kayjinanpa nakatsipäkamänanpaq. Wanutsimänanpaq cuchilluta aptapaqnömi achäquita ashipashqanki. ¡Tsayno rabyanätsishqaykipita Tayta Dios castigashunki!>>

Zacarías 11:8

Makïcho kaykaq kimsaq mitsiqkuna chikimar rabyanätsimaptinmi juk killalacho paykunata qarqurqä.

Josué 5:9

Tsaypitanami Josuéta Tayta Dios kayno nirqan: <<Señalashqana karmi Egiptucho ashmay kashqanpita mana penqakärinqanatsu>>. Tayta Dios tsayno nishqanpitami kananyaq tsay partipa jutin kaykan Gilgal.

1 Samuel 10:8

<<Nirkurna Gilgal markaman nawpashpayki noqa chayamunäyaq qanchis junaq shuyarämanki. Tsaymanmi chayamushaq rupatsina sacrificiuta y jawka kawakuy sacrificiuta rupatsinäpaq. Nirkurnami yätsishayki imata ruranaykipaq kaqtapis>>.

1 Samuel 27:12

David nishqanta criyirmi rey Aquis kayno yarparqan: <<Tsayno ruraptinqa Israel mayinkuna Davidta chikinqami. Tsayno rurarqa noqapa munaynilächömi imaypis kanqa>>.