၁ ကော 14:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ထို့ကြောင့် အသင်းတော်​တစ်ခုလုံး​စုဝေး​လျက် အားလုံး​သည် အခြား​သော​ဘာသာ​စကား​များ​ပြောဆို​ကြ​စဉ် ကျွမ်းဝင်​မှု​မ​ရှိ​သေး​သော​သူ​များ​၊ သို့မဟုတ် မ​ယုံကြည်​သူ​များ ဝင်လာ​လျှင် သင်​တို့​ရူးသွပ်​နေ​ပြီ​ဟု ပြော​ကြ​လိမ့်မည် မ​ဟုတ်​လော။

Common Language Bible

²³ သို့​ဖြစ်​၍​အ​သင်း​တော်​ဝင်​အ​ပေါင်း​တို့​သည်​စု ဝေး​လျက်​ထူး​ဆန်း​သော​ဘာ​သာ​စ​ကား​အ​မျိုး​မျိုး ဖြင့်​ပြော​ဆို​နေ​စဉ် သာ​မန်​လူ​အ​ချို့​သို့​မ​ဟုတ်​မ ယုံ​ကြည်​သူ​အ​ချို့​ရောက်​ရှိ​လာ​ခဲ့​သော်​သင်​တို့ အား​ရူး​သွပ်​သူ​များ​ဟု​ဆို​မည်​မ​ဟုတ်​လော။-

Garrad Bible

²³ သို့ ဖြစ်၍ ပ ရိ သတ် လုံး စည် ဝေး စု ရုံး၍ ရှိ သ မျှ သည် ဘာ သာ စ ကား ထူး ပြော ဆို လျက် ရှိ နေ ကြ ရာ ဓ မ္မ ကို မ သိ သူ တို့ သော် လည်း ကောင်း၊ မ ယုံ ကြည် သူ တို့ သော် လည်း ကောင်း ဝင် မိ လျှင် နတ် ပူး သည် ဟု ဆို ကြ မည် မ ဟုတ် လော။

Judson Bible

²³ ထို​ကြောင့် သင်း​ဝင်​သူ​အ​ပေါင်း​တို့​သည် စည်း​ဝေး၍ အ​ခြား​သော​ဘာ​သာ​ဖြင့် ဟော​ပြော​လျက် နေ​ကြ​စဉ်​တွင် မ​ယုံ​ကြည်​သော​သူ၊ မ​တတ်​သော​သူ​သည် ဝင်​လာ​လျှင်၊ သင်​တို့​ကို သူ​ရူး​ဖြစ်​ကြ​သည်​ဟု ပြော​မည် မ​ဟုတ်​လော။-

ခေတ်သစ်​မြန်မာ သမ္မာကျမ်း

²³ ထို့ကြောင့် အသင်းတော်​တစ်ခုလုံး​စုဝေး​၍ အခြား​ဘာသာစကားများ​ဖြင့် ပြောဆိုနေကြ​စဉ် အကျွမ်းတဝင်​မရှိသေးသော​သူများ​နှင့် မယုံကြည်သူများ ဝင်လာ​လျှင် သင်တို့​ကို ရူးနေကြပြီ​ဟု ပြောကြမည်​မဟုတ်လော။

၁ ကော 14:23 ပူးပေါင်းရင်းမြစ်များ

ဟော​ရှေ 9:7

စစ်ကြော​ရာ​နေ့ ရောက်လာ​ပြီ​။ ဒဏ်ပေး​ရာ​နေ့ ရောက်လာ​ပြီ​။ ဤ​အကြောင်း​ကို အစ္စရေး​အား သိ​စေ​လော့​။ သင်​တို့​သည် အပြစ်​ကြီး​ပြီး မုန်းတီးစိတ်​ပြင်းထန်​လွန်း​သောကြောင့် ပရောဖက်​တို့​လည်း ဆိုးမိုက်​ရ​လေ​ပြီ​။ ဝိညာဉ်​လူ​တို့​လည်း ရူးသွပ်​ရ​လေ​ပြီ​။

လုကာ 12:46

ထို​အစေအပါး​၏​သခင်​သည် သူ​မျှော်လင့်​မ​ထား​သော​နေ့၊ သူ​မ​သိ​သော​အချိန်​တွင် ရောက်လာ​၍ သူ့​ကို ပြင်းစွာ​ပြစ်ဒဏ်​ပေး​ကာ မ​ယုံကြည်​သူ​တို့​နှင့်အတူ နေရာ​ချ​ထား​လိမ့်မည်။

ရှင်ယောဟန် 10:20

သူ​တို့​ထဲမှ အများစု​က “သူ​သည် နတ်ဆိုး​ပူး​၍ ရူးသွပ်​နေ​ပြီ။ သူ့​ကို အဘယ်ကြောင့် နားထောင်​ကြ​သနည်း”​ဟု ဆို​ကြ​၏။

တမန်တော်ဝတ္ထု 2:13

သို့သော် လူ​အချို့​တို့​က “သူ​တို့​သည် ဝိုင်ချို​ဖြင့်​မူးယစ်​နေ​ကြ​သည်”​ဟု ကဲ့ရဲ့​ပြောဆို​ကြ​၏။

တမန်တော်ဝတ္ထု 26:24

ပေါလု​သည် ဤသို့​ချေပ​ပြောဆို​နေ​စဉ် ဖေတ္တု​မင်း​က “ပေါလု၊ သင်​သည်​ရူးသွပ်​နေ​ပြီ။ သင်​၏​လွန်ကဲ​သော​ကျမ်းဂန်​လေ့လာ​မှု​သည် သင့်​ကို သူရူး​ဖြစ်​စေ​ပြီ”​ဟု ကျယ်လောင်​သော​အသံ​ဖြင့် ဆို​လေ​၏။

၁ ကော 11:18

ပထမ​အနေဖြင့် သင်​တို့​သည် အသင်းတော်​၌​စုဝေး​ကြ​သောအခါ သင်​တို့​တွင် ကွဲပြား​မှု​များ​ရှိ​သည်​ဟု ငါ​ကြား​ရ​၍ ၎င်း​ကို တစ်စိတ်တစ်ဒေသ ငါ​ယုံ​၏။