ဟေ​ရှာ​ယ 60:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ကြည့်ရှု​လော့​။ မှောင်မိုက်​သည် မြေကြီး​ကို​လည်းကောင်း​၊ အမှောင်ထု​သည် လူ​တို့​ကို​လည်းကောင်း ဖုံးလွှမ်း​မည်​။ သို့သော်လည်း ထာဝရဘုရား​သည် သင့်​ထံ၌ ပေါ်ထွန်း​တော်မူ​မည်​။ ဘုန်းအသရေ​တော်​သည် သင်​၌​ထင်ရှား​မည်​။

Common Language Bible

² အ​ခြား​အ​မျိုး​သား​တို့​နှင့်​ကမ္ဘာ​ပေါ်​တွင်​အ​မှောင် လွှမ်း​လျက်​နေ​မည်​ဖြစ်​သော်​လည်း၊ သင်​၏​အ​ပေါ်​၌​မူ​ထာ​ဝ​ရ​ဘု​ရား​၏​အ​လင်း​တော် ထွန်း​တောက်​လျက်​နေ​လိမ့်​မည်။ မျက်​နှာ​တော်​မှ​ဘုန်း​အ​သ​ရေ​ရောင်​ခြည်​တော်​သည် သင့်​အ​ပေါ်​သို့​သက်​ရောက်​၍ တည်​နေ​တော်​မူ​လိမ့်​မည်။

Garrad Bible

² မှောင် မိုက် သည် မြေ ပ ထ ဝီ ကို လည်း‌ ကောင်း၊ အ မိုက် တိုက် လည်း လူ အ မျိုး မျိုး တို့ ကို လည်း‌ ကောင်း၊ ဖုံး အုပ် သော် လည်း၊ သင့် အ ပေါ် သို့ ထာ ဝ ရ ဘု ရား ထွန်း လင်း ၍ ဘုန်း တော် ထင် ရှား သ ဖြင့်၊

Judson Bible

² ကြည့်​ရှု​လော့။ မှောင်​မိုက်​သည် မြေ​ကြီး​ကို ဖုံး​လွှမ်း​လိမ့်​မည်။ ထူ​ထပ်​သော​မှောင်​မိုက်​သည် လူ​များ​ကို ဖုံး​လွှမ်း​လိမ့်​မည်။ သို့​သော်​လည်း၊ သင်၏​အ​ပေါ်​မှာ ထာ​ဝ​ရ​ဘု​ရား​သည် ပေါ်​ထွန်း​တော်​မူ၍၊ ဘုန်း​တော်​သည် သင်၏​အ​ပေါ်​မှာ ထင်​ရှား​လျက်​ရှိ​လိမ့်​မည်။

ဟေ​ရှာ​ယ 60:2 ပူးပေါင်းရင်းမြစ်များ

၃ ရာ 8:11

ထို​မိုးတိမ်​များ​ကြောင့် ယဇ်ပုရောဟိတ်​တို့​သည် အမှု​တော်​ဆောင်​၍​ပင် မ​ရ​ကြ​တော့​ပေ​။ ဤသို့ဖြင့် ထာဝရဘုရား​၏​ဘုန်း​တော်​သည် ထာဝရဘုရား​၏​အိမ်​တော်​ကို ဖုံးလွှမ်း​လျက်​ရှိ​လေ​၏​။

ဆာ​လံ 102:16

အကြောင်းမူကား ထာဝရဘုရား​သည် ဇိအုန်​ကို ပြန်လည်​တည်ဆောက်​၍ မိမိ​၏​ဘုန်းအသရေ​တော်​နှင့်တကွ ထင်ရှား​တော်မူ​လိမ့်မည်​။

ဆာ​လံ 80:1

အစ္စရေး​၏​သိုးထိန်း​ဖြစ်​တော်မူ​၍ ယောသပ်​ကို သိုးအုပ်​ကဲ့သို့​ပို့ဆောင်​တော်မူ​သော​အရှင်​၊ စူးစိုက်​နားထောင်​တော်မူ​ပါ​။ ခေရုဗိမ်​တို့​အလယ်​၌ စံပယ်​တော်မူ​သော​အရှင်​၊ ရောင်ခြည်​တော်​ကို​လွှတ်​တော်မူ​ပါ​။

ဟေ​ရှာ​ယ 2:5

အို ယာကုပ်​အမျိုးအနွယ်​တို့​၊ လာ​ကြ​လော့​။ ထာဝရဘုရား​၏​အလင်း​တော်​၌ လျှောက်လှမ်း​ကြ​ကုန်​စို့​။

ဟေ​ရှာ​ယ 4:5

ထာဝရဘုရား​သည် ဇိအုန်​တောင်​၏​ဓမ္မစည်းဝေး​ရာ​နေရာ​မှစ၍ ထို​တောင်​၏​နေရာ​အနှံ့​တွင် နေ့အချိန်​၌ မိုးတိမ်​နှင့်​မီးခိုး​ကို​လည်းကောင်း​၊ ညအချိန်​၌ တောက်ပ​သော​မီးလျှံ​ကို​လည်းကောင်း ဖြစ်ပေါ်​စေ​တော်မူ​မည်​။ အကယ်စင်စစ် ဘုန်းအသရေ​ရှိသမျှ​တို့​အပေါ်​၌ မျက်နှာကြက်​ရှိ​မည်​။

ဟေ​ရှာ​ယ 58:10

ဆာလောင်မွတ်သိပ်​သော​သူ​အား စိတ်စေတနာ​ဖြင့်​ကျွေးမွေး​၍ နှိပ်စက်​ခြင်း​ခံရ​သော​သူ​၏​အလို​ကို ပြည့်စုံ​စေ​လျှင် သင်​၏​အလင်း​သည် အမှောင်​ထဲ၌ ထွန်းလင်း​မည်​။ သင်​၏​မှောင်မိုက်​သည် မွန်းတည့်​အလင်း​ကဲ့သို့​ဖြစ်​မည်​။

ဟေ​ရှာ​ယ 58:8

ထိုသို့​ပြု​လျှင် သင်​၏​အလင်း​သည် အရုဏ်ဦး​အလင်း​ကဲ့သို့ ထွက်ပေါ်​လာ​မည်​။ သင်​၏​အနာရောဂါ​သည် အလျင်အမြန်​ပျောက်ကင်း​မည်​။ သင်​၏​ဖြောင့်မတ်​ခြင်း​သည် သင့်​ရှေ့​၌​သွား​မည်​။ ထာဝရဘုရား​၏​ဘုန်းအသရေ​သည် သင့်​ကို အနောက်မှ​ကာကွယ်​တော်မူ​မည်​။

ဟေ​ရှာ​ယ 62:1

ငါ​သည် ဇိအုန်​မြို့​အတွက် တိတ်တိတ်နေ​မည်​မ​ဟုတ်​။ ဂျေရုဆလင်​မြို့​၏​ဖြောင့်မတ်​ခြင်း​သည် တောက်ပ​သော​အလင်း​ကဲ့သို့​၊ ကယ်တင်​ခြင်း​သည် ထွန်းတောက်​သော​မီးရှူးတိုင်​ကဲ့သို့ မ​ထွက်ပေါ်​မ​ချင်း ငါ​သည် ငြိမ်​နေ​မည်​မ​ဟုတ်​။

ဟေ​ရှာ​ယ 66:11

သင်​တို့​သည် သူ​၏​နို့ရည်ကြွယ်ဝ​သော​သားမြတ်​ကို​စို့​၍ ဝလင်​ကြ​လိမ့်မည်​။ နို့ရည်ကြွယ်ဝ​သော​သားမြတ်​ကို အလို​ရှိသမျှ​သောက်​၍ နှစ်သက်အားရ​ကြ​လိမ့်မည်​။

ဟေ​ရှာ​ယ 8:22

ကမ္ဘာမြေကြီး​ကို​ကြည့်​လျှင်​ဖြစ်စေ ဆင်းရဲဒုက္ခ​နှင့် ဘေးဥပဒ်​အရိပ်​ဖြင့် မှောင်မည်း​နေ​သည်​ကို​သာ​မြင်​ရ​၍ မှောင်မိုက်​ထဲသို့ နှင်ထုတ်​ခြင်း​ခံရ​မည်​။

ယေ​ရ​မိ 13:16

ကိုယ်တော်​သည် မှောင်မိုက်​ကို​ဖြစ်စေ​သဖြင့် သင်​တို့​သည် မှောင်မည်း​သော​တောင်​ပေါ်တွင် ခလုတ်​မ​တိုက်မိ​မီ​၊ သင်​တို့​သည် အလင်း​ကို​စောင့်မျှော်​လျက်​နေ​စဉ် ကိုယ်တော်​သည် ထို​အလင်း​ကို မှုန်မှိုင်း​စေ​၍ အမှောင်ထု​မ​ဖြစ်စေ​မီ သင်​တို့​၏​ဘုရားသခင်​ထာဝရဘုရား​၏​ဘုန်း​တော်​ကို ချီးမွမ်း​ကြ​လော့​။

ယေ​ဇ​ကျေ​လ 10:4

ထာဝရဘုရား​၏​ဘုန်း​တော်​သည် ခေရုဗိမ်​အထက်​မှ အိမ်​တော်​တံခါးခုံ​သို့ ရွေ့သွား​လျှင် အိမ်​တော်​တစ်ခုလုံး မိုးတိမ်​များ​လွှမ်းခြုံ​သွား​၏​။ ဝင်း​တစ်ခုလုံး​သည်​လည်း ထာဝရဘုရား​၏​ဘုန်း​တော်​ရောင်ခြည်​နှင့် ထွန်းတောက်​လေ​၏​။

ဝတ်​ပြု 9:23

မောရှေ​နှင့်​အာရုန်​တို့​သည် တွေ့ဆုံစည်းဝေးရာ​တဲ​တော်​ထဲသို့​ဝင်​ကြ​၏​။ သူ​တို့ ပြန်​ထွက်လာ​၍ လူ​တို့​ကို​ကောင်းချီးပေး​သောအခါ ထာဝရဘုရား​၏​ဘုန်းအသရေ​သည် လူ​အပေါင်း​တို့​အား ထင်ရှားပြ​တော်မူ​၏​။

မာ​လ​ခိ 4:2

“ငါ​၏​နာမ​တော်​ကို ကြောက်ရွံ့ရိုသေ​သော သင်​တို့​အဖို့ ဖြောင့်မတ်​ခြင်း​နေမင်း​သည် ကုသ​ခြင်း​တောင်ပံ​နှင့်တကွ ပေါ်ထွန်း​လာ​လိမ့်မည်​။ သင်​တို့​သည်​လည်း တင်းကုပ်​မှ နွားသငယ်​ကဲ့သို့ ခုန်ပေါက်​လျက် ထွက်လာ​မည်​။

တော​လည် 16:19

ကောရ​သည် လူထု​အပေါင်း​တို့​ကို တွေ့ဆုံစည်းဝေးရာ​တဲ​တော်​အဝင်ဝ​၌ စုရုံး​စေ​၏​။ ထိုအခါ ထာဝရဘုရား​၏​ဘုန်းအသရေ​တော်​သည် လူထု​အပေါင်း​တို့​ရှေ့​၌​ထင်ရှား​၍

မဿဲ 15:14

သူ​တို့​ရှိ​ကြ​ပါလေစေ။ သူ​တို့​သည် မျက်မမြင်​တို့​ကို​လမ်းပြ​သော မျက်မမြင်​များ​ဖြစ်​ကြ​၏။ မျက်မမြင်​သည် မျက်မမြင်​ကို​လမ်းပြ​လျှင် နှစ်ဦးစလုံး တွင်း​ထဲသို့​ကျ​လိမ့်မည်”​ဟု ပြန်​၍​မိန့်​တော်မူ​၏။

မဿဲ 23:19

မျက်မမြင်​တို့၊ မည်သည့်​အရာ​သည် ပို၍​ကြီးမြတ်​သနည်း။ ပူဇော်သက္ကာ​လော​၊ သို့မဟုတ် ပူဇော်သက္ကာ​ကို​သန့်ရှင်း​စေ​သည့် ယဇ်ပလ္လင်​လော။

မဿဲ 23:24

မျက်စိ​မ​မြင်​သော​လမ်းပြ​တို့၊ သင်​တို့​သည် မှက်​ကောင်​ကို​စစ်ထုတ်​ကြ​သော်လည်း ကုလားအုတ်​ကို​မူကား မျိုချ​ကြ​၏။

ရှင်ယောဟန် 1:1

အစအဦး​၌ နှုတ်ကပတ်တော်​ရှိ​၏။ နှုတ်ကပတ်တော်​သည် ဘုရားသခင်​နှင့်အတူ​ရှိ​၏။ နှုတ်ကပတ်တော်​သည် ဘုရားသခင်​ဖြစ်​တော်မူ​၏။

ရှင်ယောဟန် 1:14

နှုတ်ကပတ်တော်​သည် လူသား​အဖြစ်​ကို​ခံယူ​၍ အကျွန်ုပ်​တို့​တွင်​စံမြန်း​တော်မူ​သဖြင့် အကျွန်ုပ်​တို့​သည် ကိုယ်တော်​၏​ဘုန်း​တော်​ကို ဖူးမြင်​ရ​ကြ​၏။ ထို​ဘုန်း​တော်​ကား ခမည်းတော်​ထံပါး​၌ တစ်ပါးတည်း​သော​သား​တော်​အဖြစ်​ရှိ​သော​ဘုန်း​တော်​ဖြစ်​လျက် ကျေးဇူး​တော်​နှင့်​လည်းကောင်း၊ သမ္မာတရား​နှင့်​လည်းကောင်း ပြည့်စုံ​၏။

ရှင်ယောဟန် 1:18

ဘုရားသခင်​ကို မည်သူမျှ​မ​မြင်​ဖူး​သော်လည်း ခမည်းတော်​၏​ရင်ခွင်​၌​ရှိ​သည့် တစ်ပါးတည်း​သော​သား​တော်​ဘုရား​သည် ဘုရားသခင်​ကို ထင်ရှား​စေ​တော်မူ​ပြီ။

ရှင်ယောဟန် 8:55

သူ့​ကို​မ​သိ​ကြ။ ငါ​မူကား သိ​၏။ ထို​အရှင်​ကို ငါ​မ​သိ​ဟု​ဆို​လျှင် ငါ​သည် သင်​တို့​ကဲ့သို့​လိမ်လည်​သော​သူ​ဖြစ်​လိမ့်မည်။ သို့ရာတွင် ငါ​သည် ထို​အရှင်​ကို​သိ​၍ သူ​၏​စကား​ကို​လိုက်နာ​စောင့်ထိန်း​၏။

တမန်တော်ဝတ္ထု 14:16

လွန်လေပြီး​သော​ခေတ်​ကာလ​များ​တွင် ဘုရားသခင်​သည် လူမျိုး​တကာ​တို့​ကို မိမိ​တို့​လမ်းစဉ်​အတိုင်း​လျှောက်လှမ်း​ကြ​ရန် အခွင့်​ပေး​ထား​တော်မူ​၏။

တမန်တော်ဝတ္ထု 17:23

သင်​တို့​ကိုးကွယ်​သော​အရာ​များ​ကို လှည့်လည်​၍​ကြည့်ရှု​စဉ် ‘မ​သိ​သော​ဘုရား​အတွက်’​ဟု ကမ္ပည်းထိုး​ထား​သည့် ယဇ်ပလ္လင်​တစ်​ခု​ကို ငါ​တွေ့​ရ​၏။ ထို့ကြောင့် သင်​တို့​မ​သိ​ဘဲ ဝတ်ပြု​ကိုးကွယ်​နေ​သော ထို​ဘုရား​အကြောင်း​ကို သင်​တို့​အား ငါ​ဟောပြော​ပါ​မည်။

တမန်တော်ဝတ္ထု 26:18

ဤသည်ကား သူ​တို့​၏​မျက်စိ​ကို​ဖွင့်​ပေး​၍ သူ​တို့​ကို အမှောင်​မှ အလင်း​သို့​လည်းကောင်း၊ စာတန်​၏​အခွင့်​အာဏာ​မှ ဘုရားသခင်​ထံသို့​လည်းကောင်း ပြောင်းလဲ​စေ​သဖြင့် သူ​တို့​သည် ငါ့​ကို​ယုံကြည်​ခြင်း​အားဖြင့် အပြစ်​များ​ခွင့်လွှတ်​ခြင်း​ကျေးဇူး​ကို​ခံစားရ​ကာ သန့်ရှင်း​စေ​ခြင်း​ခံရ​သော​သူ​တို့​ထဲတွင် ပါဝင်​ရ​မည့်​အကြောင်း​တည်း’​ဟု မိန့်​တော်မူ​ခဲ့​ပါ​သည်။

၂ ကော 3:18

ငါ​တို့​ရှိသမျှ​သည်​လည်း မျက်နှာလွှား​မ​ပါ​သော​မျက်နှာ​ပေါ်တွင် သခင်​ဘုရား​၏​ဘုန်း​တော်​ကို ထင်ဟပ်​စေ​လျက် ကိုယ်တော်​၏​ပုံသဏ္ဌာန်​တော်​နှင့်အညီ ဝိညာဉ်​တော်​ဖြစ်​သော သခင်​ဘုရား​အားဖြင့် ဘုန်း​တော်​မှ ဘုန်း​တော်​သို့ ပုံသဏ္ဌာန်​ပြောင်းလဲ​စေ​ခြင်း​ကို​ခံရ​ကြ​၏။

ကော​လော​သဲ 1:13

ခမည်းတော်​သည် ငါ​တို့​ကို မှောင်မိုက်​ခြင်း​၏​အာဏာစက်​မှ ကယ်နုတ်​၍ မိမိ​ချစ်​တော်မူ​သော သား​တော်​၏​နိုင်ငံ​တော်​ထဲသို့ ရွှေ့ပြောင်း​ပို့ဆောင်​တော်မူ​၏။

၁ ပေ 2:9

သင်​တို့​မူကား ရွေးကောက်​ခံရ​သော​အမျိုးအနွယ်၊ တော်ဝင်​ယဇ်ပုရောဟိတ်​မျိုး၊ သန့်ရှင်း​သော​တိုင်းသူပြည်သား၊ ပိုင်ဆိုင်​တော်မူ​သော​လူမျိုး​တော်​ဖြစ်​ကြ​၏။ ဤသည်ကား သင်​တို့​ကို အမှောင်​ထဲမှ မိမိ​၏​အံ့ဩဖွယ်​အလင်း​ထဲသို့ ခေါ်ယူ​တော်မူ​သော​အရှင်​၏​ကောင်းမြတ်​တော်မူ​ခြင်း​များ​ကို သင်​တို့​ဖော်ပြ​ကြ​မည့်​အကြောင်း​တည်း။