ဟေ​ရှာ​ယ 18:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို​ပြည်​သည် ပင်လယ်​လမ်း​ဖြင့်​လည်းကောင်း​၊ ရေပြင်​ပေါ်တွင် ကျူရိုး​လှေ​များ​ဖြင့်​လည်းကောင်း သံတမန်​တို့​ကို စေလွှတ်​သော​ပြည်​ဖြစ်​၏​။ အို လျင်မြန်​သော​စေတမန်​တို့​၊ အရပ်ရှည်​၍​အသားအရေ​ချောမွတ်​သော​လူမျိုး​၊ အနီး​အဝေး​ရှိ​လူ​တို့​ကြောက်ရွံ့​ရ​သော​လူမျိုး​၊ မြစ်​များ​ဖြာထွက်​သော​ပြည်​၌​နေ​သည့် ခွန်အားကြီး​၍ နိုင်ထက်စီးနင်း​ပြု​တတ်​သော​လူမျိုး​ထံသို့ သွား​ကြ​လော့​။

Common Language Bible

² ထို​ပြည်​မှ​သံ​တ​မန်​များ​သည်​ကူ​ရိုး​ဖြင့် ပြီး​သည့်​လှေ​များ​ဖြင့် နိုင်း​မြစ်​ကို​စုံ​ဆင်း လာ​ကြ​၏။ ``အ​ချင်း​ခြေ​လျင်​သံ​တ​မန်​တို့၊ ဌာ​နေ​သို့​ပြန်​ကြ​လော့။ နိုင်း​မြစ်​ဖျား​တွင် တည်​ရှိ​သည့်​ကမ္ဘာ​တစ်​ဝှမ်း​လုံး​က​ကြောက်​ရွံ့ ကြ​၍ ခွန်​အား​တန်​ခိုး​ကြီး​မား​သည့်​ရုပ်​ရည် ချော​မော​မြင့်​မား​သည့်​သင်​တို့​ပြည်​သား များ​ထံ ဤ​သ​တင်း​စ​ကား​ကို​ယူ​ဆောင် သွား​ကြ​လော့။

Judson Bible

² ပင်​လယ်​လမ်း​ဖြင့်​လည်း​ကောင်း၊ ရေ​ပေါ်၌ ဂ​မာ​လှေ​ဖြင့်​လည်း​ကောင်း၊ သံ​တ​မန်​တို့​ကို လွှတ်​တတ်​သော​ပြည်၊ နား​ထောင်​လော့။ ခိုင်​မာ​ပြင်း​ထန်​လျက် ရှေ့​ဦး​စွာ​မှ​စ၍ ယ​ခု​တိုင်​အောင်၊ ကြောက်​မက်​ဖွယ်​ဖြစ်​ထ​သော၊ ခွန်​အား​ကြီး၍ နှိပ်​နင်း​တတ်​ထ​သော၊ မြစ်​ကွဲ​ပြား​သော​မြေ၌​နေ​သော လူ​မျိုး​ထံ​သို့၊ လျင်​မြန်​သော​တ​မန်​တို့၊ သွား​ကြ​လော့။

ဟေ​ရှာ​ယ 18:2 ပူးပေါင်းရင်းမြစ်များ

၂ ရာ​ချုပ် 14:9

ထို့နောက်တွင် အီသီယိုးပီးယား​လူမျိုး​ဇေရ​သည် စစ်သည်​တစ်သန်း​၊ စစ်ရထား​သုံး​ရာ​နှင့်​ချီလာ​ပြီး မရေရှ​မြို့​သို့​ရောက်လာ​ရာ

၂ ရာ​ချုပ် 16:8

အီသီယိုးပီးယား​လူမျိုး​နှင့် လစ်ဗျား​လူမျိုး​တို့​တွင်​လည်း စစ်ရထား​နှင့် မြင်းစီးသူရဲ​မြောက်မြား​စွာ​ရှိ​သော​စစ်တပ်ကြီး​ရှိ​သည် မ​ဟုတ်​လော​။ သို့သော် သင်​သည် ထာဝရဘုရား​ကို ကိုးစား​သောကြောင့် သူ​တို့​ကို သင့်​လက်​သို့ အပ်​တော်မူ​ခဲ့​၏​။

ယောဘဝတ္တု။ 9:26

ကျူရိုး​လှေ​များ​ကဲ့သို့​လည်းကောင်း​၊ သားကောင်​ကို​ထိုးသုတ်​သော​လင်းယုန်​ကဲ့သို့​လည်းကောင်း လျင်မြန်​လွန်း​လှ​၏​။

ထွက်​မြောက် 2:3

ထို့နောက်တွင် မိခင်​သည် သူ့​ကို​ဝှက်​မ​ထား​နိုင်​တော့​သဖြင့် ကျူရိုး​ဖြင့်​ရက်လုပ်​ထား​သော​ဖာတောင်း​ကို​ယူ​၍ ကတ္တရာစေး​နှင့်​သစ်စေး​တို့​ဖြင့် သုတ်လိမ်း​ပြီးလျှင် သူငယ်​ကို ထို​ဖာတောင်း​ထဲ၌​ထည့်​ပြီး နိုင်း​မြစ်​ကမ်းစပ်​တွင်​ရှိ​သော ကျူတော​ထဲ၌​ထား​လေ​၏​။

ဟေ​ရှာ​ယ 18:7

ထို​အချိန်​တွင် အရပ်ရှည်​၍​အသားအရေ​ချောမွတ်​သော​လူမျိုး​၊ အနီး​အဝေး​ရှိ​လူ​တို့​ကြောက်ရွံ့​ရ​သော​လူမျိုး​၊ မြစ်​များ​ဖြာထွက်​သော​ပြည်​၌​နေ​သည့် ခွန်အားကြီး​၍ နိုင်ထက်စီးနင်း​ပြု​တတ်​သော​လူမျိုး​သည် ကောင်းကင်​ဗိုလ်ခြေ​အရှင်​ထာဝရဘုရား​အတွက် လက်ဆောင်ပဏ္ဏာ​ကို ကောင်းကင်​ဗိုလ်ခြေ​အရှင်​ထာဝရဘုရား​၏​နာမ​တော်​တည်​ရာ ဇိအုန်​တောင်​သို့ ယူဆောင်​လာ​ကြ​လိမ့်မည်​။

ယေ​ရ​မိ 49:14

ထာဝရဘုရား​သည် လူမျိုးခြား​တို့​ထံ သံတမန်​ကို​စေလွှတ်​၍ “​သင်​တို့​စုဝေး​ကြ​၊ ချီတက်​ကြ​၊ ဧဒုံ​ပြည်​ကို စစ်တိုက်​ကြ​”​ဟု ဆင့်ဆို​စေ​သော​သတင်းစကား​ကို ငါ​ကြား​ရ​ပြီ​။

ယေ​ဇ​ကျေ​လ 30:9

ထို​နေ့​တွင် ငါ​သည် တမန်​တို့​ကို သင်္ဘော​ဖြင့်​စေလွှတ်​၍ သူ​တို့​သည် စိတ်အေးလက်အေး​နေ​သော အီသီယိုးပီးယား​ပြည်သား​တို့​အား ခြောက်လှန့်​မည်​။ အီဂျစ်​ပြည်​ကြောင့် ထိတ်ထိတ်ပျာပျာ​ဖြစ်​သော​နေ့​ကဲ့သို့​ဖြစ်​ရ​မည့်​နေ့ အမှန်​ရောက်လာ​မည်’​ဟု မိန့်​တော်မူ​၏​။

သြ​ဗ​ဒိ 1:1

ဩဗဒိ​မြင်​ရ​သော​ဗျာဒိတ်နိမိတ်​ကား ဤသို့​တည်း​။ ဧဒုံ​ပြည်​နှင့်​ပတ်သက်၍ ဘုရားရှင်​ထာဝရဘုရား ဤသို့​မိန့်​တော်မူ​၏​။ ထာဝရဘုရား​သည် လူမျိုးခြား​တို့​ထံသို့ သံတမန်​ကို စေလွှတ်​၍ “​ထ​ကြ​၊ ဧဒုံ​ပြည်​ကို သွားတိုက်​ကြ​စို့​”​ဟု ဆင့်ဆို​စေ​သော​သတင်းစကား​ကို ငါ​တို့​ကြား​ရ​ပြီ​။

ဟ​ဗက္ကုတ် 1:7

သူ​တို့​သည် ထိတ်လန့်​ကြောက်ရွံ့ဖွယ်​ကောင်း​သော​သူ​များ​ဖြစ်​ပြီး သူ​တို့​ကိုယ်တိုင် ဥပဒေ​ကို​ပြဋ္ဌာန်း​၍ အာဏာ​ပြ​ကြ​၏​။

လုကာ 10:19

ငါ​သည် သင်​တို့​အား မြွေ​များ​နှင့်​ကင်းမြီးကောက်​များ​ကို​နင်းချေ​၍ ရန်သူ​၏​တန်ခိုး​အလုံးစုံ​တို့​ကို​နိုင်​ရ​သော​အခွင့်​အာဏာ​ကို ပေးအပ်​ထား​ပြီ​ဖြစ်၍ မည်သည့်​အရာ​က​မျှ သင်​တို့​ကို အနာတရ​ဖြစ်​စေ​မည်​မ​ဟုတ်။