ဟေ​ရှာ​ယ 13:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား ပြင်းစွာ​အမျက်​ဒေါသ​ထွက်​တော်မူ​သော​နေ့ရက်​၌ မိုးကောင်းကင်​ကို ငါ​လှုပ်ခတ်​စေ​မည်​။ မြေကြီး​သည်​လည်း မိမိ​နေရာ​မှ ရွေ့သွား​လိမ့်မည်​။

Common Language Bible

¹³ အ​နန္တ​တန်​ခိုး​ရှင်​ငါ​ထာ​ဝ​ရ​ဘု​ရား​သည် အ​မျက်​တော်​ကို​ပြ​တော်​မူ​သော​အ​ခါ မိုး ကောင်း​ကင်​သည်​တုန်​လှုပ်​၍​ကမ္ဘာ​မြေ​ကြီး သည်​လည်း​တည်​နေ​ရာ​မှ​ရွေ့​လျား​သွား လိမ့်​မည်။

Garrad Bible

¹³ သို့ ဖြစ်၍ ဗိုလ် ခြေ တို့ အ ရှင် ငါ ထာ ဝ ရ ဘု ရား၏ ဒေါ သ ရှိန် ကြောင့်၊ အ မျက် တော် နေ့ ရက်၌ မိုး ကောင်း ကင် ခါ၍၊ မြေ ပ ထ ဝီ တုန် လှုပ် ရွေ့ သွား ရ သ ဖြင့်၊

Judson Bible

¹³ သို့​ဖြစ်၍၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား၏ ဒေါ​သ​အ​မျက်​တော်​ပြင်း​စွာ​ထွက်​သော​နေ့​ရက်၌၊ မိုး​ကောင်း​ကင်​ကို ငါ​လှုပ်​ရှား​မည်။ မြေ​ကြီး​လည်း မိ​မိ​နေ​ရာ​မှ ရွေ့​ရ​လိမ့်​မည်။

ဟေ​ရှာ​ယ 13:13 ပူးပေါင်းရင်းမြစ်များ

ယောဘဝတ္တု။ 9:6

မြေကြီး​ကို သူ့​နေရာ​၌​လှုပ်ခတ်​စေ​သဖြင့် မြေကြီး​တိုင်လုံး​တို့​သည် တုန်လှုပ်​ကြ​၏​။

ဆာ​လံ 18:7

ထိုအခါ ကိုယ်တော်​သည် အမျက်ထွက်​တော်မူ​သောကြောင့် မြေကြီး​သည် ယိမ်းထိုး​လှုပ်ခါ​၏​။ တောင်​များ​၏​အခြေအမြစ်​တို့​သည်​လည်း ယိမ်းထိုး​ခါယမ်း​ကြ​၏​။

ဆာ​လံ 88:16

ကိုယ်တော်​၏​ပြင်းထန်​သော​အမျက်​တော်​သည် အကျွန်ုပ်​ကို​လွှမ်းမိုး​သွား​၍ ကိုယ်တော်​၏​ကြောက်မက်ဖွယ်​ရာ​များ​သည် အကျွန်ုပ်​ကို ဖယ်ရှားသုတ်သင်​ကြ​ပါ​၏​။

ဟေ​ရှာ​ယ 2:19

ထာဝရဘုရား​သည် ကမ္ဘာမြေကြီး​ကို​ခြောက်လှန့်​ရန် ထ​တော်မူ​သောအခါ ကိုယ်တော်​၏​ကြောက်မက်ဖွယ်​အမှု​နှင့် ဘုန်းတန်ခိုး​အရှိန်အဝါ​ရှေ့​မှ ပုန်းရှောင်​ရန် လူ​တို့​သည် ကျောက်​လိုဏ်ဂူ​များ​၊ မြေ​တွင်း​များ​ထဲသို့ ပြေးဝင်​ကြ​လိမ့်မည်​။

ဟေ​ရှာ​ယ 21:1

ပင်လယ်​နား​ရှိ​တောကန္တာရ​နှင့်ဆိုင်သော​ဗျာဒိတ်​တော်​။ နေဂေ့​အရပ်​၌​တိုက်ခတ်​သော​လေပွေ​ကဲ့သို့ ဘေး​သည် တောကန္တာရ​၊ ကြောက်မက်​ဖွယ်​ပြည်​မှ​လာ​၏​။

ဟေ​ရှာ​ယ 23:11

ထာဝရဘုရား​သည် ပင်လယ်ပြင်​ပေါ် လက်​တော်​ကို​ဆန့်​တော်မူ​ပြီ​။ တိုင်းနိုင်ငံ​တို့​ကို ထိတ်လန့်တုန်လှုပ်​စေ​တော်မူ​ပြီ​။ ခါနာန်​ပြည်​၏​ခံတပ်​များ​ကို​ဖျက်ဆီး​ရန် မိန့်​တော်မူ​ပြီ​။

ဟေ​ရှာ​ယ 24:1

ကြည့်ရှု​လော့​။ ထာဝရဘုရား​သည် ကမ္ဘာမြေကြီး​ကို ဟင်းလင်းပြင်​ဖြစ်​စေ​တော်မူ​မည်​။ လူသူကင်းမဲ့​ရာ​ဖြစ်​စေ​တော်မူ​မည်​။ မြေ​မျက်နှာပြင်​ကို တွန့်လိမ်​စေ​တော်မူ​မည်​။ မြေကြီးသား​တို့​ကို ကွဲလွင့်​စေ​တော်မူ​မည်​။

ဟေ​ရှာ​ယ 24:18

ကောင်းကင်​ပြတင်းပေါက်​တို့​သည်​ပွင့်​၍ မြေကြီး​အုတ်မြစ်​တို့​သည် တုန်ခါ​လေ​ပြီ​။ ကြောက်မက်ဖွယ်​ရာ​အသံ​ကြောင့် ထွက်ပြေး​သော​သူ​သည် မြေတွင်း​ထဲသို့​ကျ​လိမ့်မည်​။ မြေတွင်း​ထဲ​မှ​တက်လာ​သော​သူ​သည် ကျော့ကွင်း​၌​မိ​လိမ့်မည်​။

ဟေ​ရှာ​ယ 24:19

ကမ္ဘာမြေကြီး​သည် အစိတ်စိတ်အမွှာမွှာ​ကွဲ​လေ​ပြီ​။ ကမ္ဘာမြေကြီး​သည် လုံးလုံး​ကွဲအက်​လေ​ပြီ​။ ကမ္ဘာမြေကြီး​သည် သွက်သွက်​ခါလှုပ်​လေ​ပြီ​။

ဟေ​ရှာ​ယ 34:4

ကောင်းကင်​တန်ဆာ​တို့​သည် ပျက်စီးပျောက်ကွယ်​သွား​၍ ကောင်းကင်​သည် စာလိပ်​ကဲ့သို့​လိပ်​သွား​မည်​။ ကောင်းကင်တန်ဆာ​တို့​သည် စပျစ်ပင်​မှ အရွက်​ကြွေကျ​သကဲ့သို့​၊ သဖန်းပင်​မှ အရွက်​ကြွေကျ​သကဲ့သို့ ကြွေကျ​ကြ​လိမ့်မည်​။

ဟေ​ရှာ​ယ 47:1

အို ဘေဘီလုံ​သမီး​ပျို​၊ မြေမှုန့်​ပေါ်တွင် ဆင်း​ထိုင်​လော့​။ အို ခါလဒဲ​သမီး​၊ ရာဇပလ္လင်​ပေါ်​မ​ဟုတ်​၊ မြေကြီး​ပေါ်တွင် ထိုင်​လော့​။ သင့်​ကို နူးညံ့​သိမ်မွေ့​သော​သူ​ဟု ခေါ်​တော့​မည်​မ​ဟုတ်​။

ဟေ​ရှာ​ယ 51:6

မိုးကောင်းကင်​ကို မျှော်ကြည့်​ကြ​လော့​။ အောက်​အရပ်​ကမ္ဘာမြေကြီး​ကို​လည်း ကြည့်​ကြ​လော့​။ မိုးကောင်းကင်​သည် မီးခိုး​ကဲ့သို့​ကွယ်ပျောက်​သွား​မည်​။ ကမ္ဘာမြေကြီး​သည်​လည်း အဝတ်​ကဲ့သို့​ဟောင်းနွမ်း​သွား​မည်​။ မြေကြီးသား​တို့​သည်​လည်း မှက်ကောင်​ကဲ့သို့ သေဆုံး​ကြ​မည်​။ သို့သော် ငါ​၏​ကယ်တင်​ခြင်း​သည် အစဉ်အမြဲ​တည်​မည်​။ ငါ​၏​ဖြောင့်မတ်​ခြင်း​သည် ပျောက်ပျက်​မည်​မ​ဟုတ်​။

ဟေ​ရှာ​ယ 9:19

ကောင်းကင်​ဗိုလ်ခြေ​အရှင်​ထာဝရဘုရား​၏​အမျက်​တော်​ကြောင့် ပြည်​သည် မီးသင့်​၍ လူ​တို့​သည် လောင်စာ​ကဲ့သို့​ဖြစ်​ကြ​လိမ့်မည်​။ မည်သူမျှ မိမိ​ညီအစ်ကို​ကို မ​သနား​။

ယေ​ရ​မိ 51:1

ထာဝရဘုရား​က “​ကြည့်ရှု​လော့​။ ငါ​သည် ဘေဘီလုံ​မြို့​၊ လက်ကမိုင်​ပြည်သား​တို့​အပေါ်​သို့ ဖျက်ဆီး​ခြင်း​လေ​ကို သင့်ရောက်​စေ​မည်​။

မြည်​တမ်း​စ​ကား 1:12

လမ်းသွားလမ်းလာ​အပေါင်း​တို့​၊ သင်​တို့​နှင့်​ဘာမျှ​မ​ဆိုင်​သလော​။ ထာဝရဘုရား​ပြင်းစွာ​အမျက်​ထွက်​တော်မူ​သော​နေ့​၌ ငါ့​ကို ခံစား​စေ​တော်မူ​သော ဒုက္ခဝေဒနာ​မျိုး မချိတင်ကဲ​ခံရ​ဖူး​သူ​ရှိ​သလော​၊ ကြည့်​လှည့်​ပါ​၊ မြင်လှည့်​ပါ​။

ယော​လ 3:16

ထာဝရဘုရား​၏​အသံ​တော်​သည် ဇိအုန်​တောင်​ပေါ်မှ​ဟိန်းထွက်​လာ​၍ အသံ​တော်​ကို ဂျေရုဆလင်​မြို့​မှ လွှင့်​တော်မူ​သောအခါ ကောင်းကင်​နှင့်​မြေကြီး တုန်ခါ​လိမ့်မည်​။ သို့သော် ထာဝရဘုရား​သည် လူမျိုး​တော်​အဖို့​ခိုလှုံ​ရာ​၊ အစ္စရေး​အမျိုးသား​တို့​အဖို့ ရဲတိုက်​ဖြစ်​တော်မူ​၏​။

မဿဲ 24:29

ထို​နေ့ရက်​တို့​၏​ဆင်းရဲ​ဒုက္ခ​ပြီးဆုံး​သည်​နှင့် ချက်ချင်း​ပင် နေ​သည် မှောင်မည်း​သွား​၍ လ​သည်​လည်း မိမိ​၏​အလင်းရောင်​ကို​မ​ပေး​ဘဲ​နေ​လိမ့်မည်။ ကြယ်​တို့​သည်​လည်း ကောင်းကင်​မှ​ကြွေကျ​ကာ အာကာသ​ကောင်းကင်​၏​စွမ်းအား​တို့​သည် တုန်လှုပ်​ကြ​လိမ့်မည်။

မဿဲ 24:35

ကောင်းကင်​နှင့်​မြေကြီး​သည် ကွယ်ပျောက်​သွား​လိမ့်မည်။ ငါ့​စကား​မူကား မည်သည့်အခါမျှ ကွယ်ပျောက်​လိမ့်မည်​မ​ဟုတ်။

၂ ပေ 3:10

သို့ရာတွင် ထာဝရ​ဘုရား​၏​နေ့ရက်​သည် သူခိုး​လာ​သကဲ့သို့​ရောက်လာ​လိမ့်မည်။ ထို​နေ့ရက်​၌ ကောင်းကင်​သည် ကျယ်လောင်​သော​အသံ​ဖြင့် ကွယ်ပျောက်​သွား​၍ လောကဓာတ်​တို့​သည် ပြင်းထန်​သော​အပူ​ရှိန်​ဖြင့် ပျက်သုဉ်း​သွား​လိမ့်မည်။ မြေကြီး​မှစ၍ ၎င်း​ပေါ်၌​ပြုလုပ်​သော​အရာ​တို့​သည်​လည်း လောင်ကျွမ်း​လိမ့်မည်။

ဗျာ​ဒိတ် 20:11

ထို့နောက် ဖြူ​သော​ပလ္လင်​ကြီး​နှင့် ထို​ပလ္လင်​ပေါ်တွင်​ထိုင်​တော်မူ​သော​အရှင်​ကို ငါ​မြင်​ရ​၏။ ကောင်းကင်​နှင့်​မြေကြီး​သည် ထို​အရှင်​၏​မျက်မှောက်​မှ ပျောက်လွင့်​သွား​၍ ၎င်း​တို့​အတွက်​နေရာ​မ​ရှိ​တော့​ပေ။