ဟေ​ရှာ​ယ 1:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ပြီးလျှင် ငါ့​လက်​ကို သင့်​အပေါ်​သို့ ပြန်ရောက်​စေ​မည်​။ သင်​၌​ကပ်​နေ​သော​ချော်​ကို ပြာရည်​ဖြင့်​ချွတ်ပစ်​၍ သင်​၌​ရောနေသောခဲ​ကို ငါ​အကုန်​ဖယ်ရှား​မည်​။

Common Language Bible

²⁵ ငါ​သည်​သင့်​အား​အ​ရေး​ယူ​အ​ပြစ်​ပေး​မည်။ သတ္တု​၏​ချေး​ညှော်​များ​ကို​ချွတ်​သည့်​နည်း​တူ သင်​၏​အ​ညစ်​အ​ကြေး​များ​ကို​လည်း​ချွတ်​၍ သင့်​အား​သန့်​စင်​အောင်​ငါ​ပြု​မည်။-

Garrad Bible

²⁵ သင့် အ ပေါ် တွင် လည်း လက် တော် တင် ဖိ ပြီး လျှင် လက် ချား ပေါက်၍ ချော် ကို ထုတ် လျက် ခဲ ကို ချွတ် လိမ့် မည်။

Judson Bible

²⁵ သင့်​ကို​လည်း ငါ​ကိုင်​ယူ​ပြီး​လျှင်၊ ချော်​နှင့် ရှင်း​ရှင်း​ကင်း​စင်​စေ​၍ သင်​၏​ကြေး​ဖြူ​ရှိ​သ​မျှ​ကို​လည်း ပယ်​ရှား​မည်။

ဟေ​ရှာ​ယ 1:25 ပူးပေါင်းရင်းမြစ်များ

ဆာ​လံ 119:119

ကိုယ်တော်​သည် ကမ္ဘာမြေကြီး​ပေါ်​ရှိ ဆိုးယုတ်​သော​သူ​ရှိသမျှ​တို့​ကို ချော်​ကဲ့သို့ ဖယ်ရှား​တော်မူ​၏​။ ထို့ကြောင့် ကိုယ်တော်​၏​သက်သေခံချက်​တို့​ကို အကျွန်ုပ်​မြတ်နိုး​ပါ​၏​။

ဟေ​ရှာ​ယ 1:22

သင်​၏​ငွေ​သည် ချော်​ဖြစ်သွား​ပြီ​။ သင်​၏​အကောင်းဆုံးဝိုင်​သည် ရေ​နှင့်​ရော​လေ​ပြီ​။

ဟေ​ရှာ​ယ 27:9

ဤနည်းဖြင့် ကိုယ်တော်​သည် ယာကုပ်​အမျိုး​၏​အပြစ်​ကို ဖြေလွှတ်​တော်မူ​၏​။ ယဇ်ပလ္လင်​ကျောက်​ရှိသမျှ​တို့​ကို ထုံး​ကျောက်​ကဲ့သို့ အစိတ်စိတ်အမွှာမွှာ​ကျိုးပဲ့​စေ​၍ အာရှရ​နတ်ဘုရားမ​တံခွန်တိုင်​များ​၊ နံ့သာပေါင်း​ပူဇော်​ရာ​ယဇ်ပလ္လင်​များ​ကို ဖြိုလှဲ​ခြင်း​သည် သူ​၏​အပြစ်​ကို​ဖယ်ရှား​သည့်​အကြောင်းရင်း ဖြစ်​၏​။

ဟေ​ရှာ​ယ 4:4

ဘုရားရှင်​သည် တရားစီရင်​ခြင်း​ဝိညာဉ်​၊ လောင်ကျွမ်း​ခြင်း​ဝိညာဉ်​တို့​ဖြင့် ဇိအုန်​သမီး​တို့​၏​အညစ်အကြေး​ကို​ဆေးကြော​၍ ဂျေရုဆလင်​မြို့​ထဲ​မှ သွေး​တို့​ကို သန့်စင်​စေ​တော်မူ​မည်​။

ယေ​ရ​မိ 6:29

ဖားဖို​၌ မီးတောက်​နေ​ပြီ​။ ခဲ​ကို မီး​လောင်​ကုန်​ပြီ​။ သို့သော် သန့်စင်​သော​သူ​သည် အချည်းနှီး​သန့်စင်​ပြီ​။ ဆိုးညစ်​သော​သူ​များ မ​ပပျောက်​။

ယေ​ရ​မိ 9:6

သင်​သည် လိမ်လည်လှည့်ဖြားမှု​အလယ်​၌ နေထိုင်​၏​။ သူ​တို့​သည် လိမ်လည်လှည့်ဖြား​ကြ​၏​။ ငါ့​ကို အသိအမှတ်​မပြု​ကြ​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 9:7

ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား​က “​ကြည့်ရှု​လော့​။ ငါ​သည် သူ​တို့​ကို​သန့်အောင်​စစ်ထုတ်​မည်​၊ စစ်ဆေး​မည်​။ ငါ့​လူမျိုး​သမီးပျို​အတွက် ငါ​မည်သို့​ပြု​နိုင်​ဦး​မည်နည်း​။

ယေ​ဇ​ကျေ​လ 20:38

ငါ့​ကို ပုန်ကန်​သော​သူ​၊ ပြစ်မှား​သော​သူ​တို့​ကို ငါ​သုတ်သင်​ပစ်​မည်​။ သူ​တို့​ကို တည်းခိုနေထိုင်​ရ​သော​ပြည်​မှ​ထုတ်ဆောင်​လာ​မည်​ဖြစ်​သော်လည်း အစ္စရေး​ပြည်​ထဲသို့ သူ​တို့​ဝင်​ရ​မည်​မ​ဟုတ်​။ သို့မှ ငါ​သည် ထာဝရဘုရား​ဖြစ်ကြောင်း သင်​တို့​သိ​ရ​မည်’​ဟု မိန့်​တော်မူ​၏​။

ယေ​ဇ​ကျေ​လ 22:19

ထို့ကြောင့် ဘုရားရှင်​ထာဝရဘုရား​က ‘​သင်​တို့​အားလုံး ချော်​ဖြစ်သွား​သောကြောင့် ကြည့်ရှု​လော့​။ ငါ​သည် သင်​တို့​ကို ဂျေရုဆလင်​မြို့​အလယ်​မှာ စုဝေး​စေ​မည်​။

ယေ​ဇ​ကျေ​လ 22:20

လူ​တို့​သည် ငွေ​၊ ကြေးနီ​၊ သံ​၊ ခဲ​၊ သံဖြူ​တို့​ကို မီးပြင်းဖို​ထဲ​သို့​ထည့်​ပြီး မီး​မှုတ်​အရည်ကြို​သကဲ့သို့ သင်​တို့​ကို​စု​ပြီး ငါ့​အမျက်​ဒေါသ​မီး​ထဲ​ထည့်​၍ သင်​တို့​ကို အရည်ကြို​မည်​။

ယေ​ဇ​ကျေ​လ 22:22

ငွေ​သည် မီးပြင်းဖို​ထဲ​၌ အရည်ပျော်​ရ​သကဲ့သို့ သင်​တို့​သည်​လည်း ထို​မီး​ထဲ​တွင် အရည်ပျော်​ရ​လိမ့်မည်​။ ထိုအခါ ငါ​ထာဝရဘုရား​သည် သင်​တို့​အပေါ် အမျက်​တော်​သွန်ချ​တော်မူ​ကြောင်း သင်​တို့​သိ​ရ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ဇေဖနိ 3:11

ထို​နေ့ရက်​တွင် ငါ့​ကို သင်​ပုန်ကန်​ခဲ့​သော​အမှု​အလုံးစုံ​ကြောင့် သင်​အရှက်ကွဲ​ရ​လိမ့်မည်​မ​ဟုတ်​။ သင့်​အထဲ​ရှိ အပျော်အပါး​လိုက်စား​ခြင်း​၊ မာနထောင်လွှား​ခြင်း​တို့​ကို ငါ​ဖယ်ရှား​ပစ်​မည်​။ ထို့ကြောင့် ငါ​၏​သန့်ရှင်း​ရာ​တောင်​တော်​တွင် ဘဝင်မြင့်​ခြင်း​များ ရှိ​တော့​မည်​မ​ဟုတ်​။

မာ​လ​ခိ 3:3

ကိုယ်တော်​သည် ငွေ​ကို​ချွတ်​၍​သန့်စင်​စေ​သော​သူ​ကဲ့သို့ ထိုင်​တော်မူ​လျက် လေဝိ​သားမြေး​တို့​ကို သန့်စင်​စေ​တော်မူ​မည်​။ သူ​တို့​ကို ရွှေ​ငွေ​ကဲ့သို့ သန့်စင်​စေ​၍ သူ​တို့​သည်​လည်း ထာဝရဘုရား​ထံ ဖြောင့်မတ်​ခြင်း​ပူဇော်သက္ကာ​ကို ဆက်သ​ရ​ကြ​လိမ့်မည်​။

မဿဲ 3:12

လက်​တော်​၌​လည်း ဆန်ကော​ကို​ကိုင်​ထား​လျက် မိမိ​၏​ကောက်နယ်​တလင်း​ကို အကုန်အစင်​ရှင်းလင်း​ပြီး မိမိ​၏​ဂျုံဆန်​ကို ကျီ​၌​စုသိမ်း​၍ အဖျင်း​ကို​ကား မ​ငြိမ်း​နိုင်​သော​မီး​ဖြင့်​ရှို့​တော်မူ​လိမ့်မည်”​ဟု ဆို​လေ​၏။

တ​ရား​ဟော 32:43

အို လူမျိုး​အပေါင်း​တို့​၊ လူမျိုး​တော်​နှင့်အတူ ရွှင်လန်း​စွာ​ကြွေးကြော်​ကြ​လော့​။ ကိုယ်တော်​သည် မိမိ​အစေအပါး​တို့​၏​သွေး​အတွက်​လက်တုံ့ပြန်​မည်​။ မိမိ​ကို​ရန်ပြုသောသူ​တို့​အား လက်စားချေ​တော်မူ​မည်​။ ပြည်​တော်​၊ လူမျိုး​တော်​တို့​၏​အပြစ်​ကို​ဖြေလွှတ်​တော်မူ​မည်​”​ဟူ၍ ဖြစ်​၏​။

ဗျာ​ဒိတ် 3:19

ငါ​သည် ငါ​ချစ်​သမျှ​သော​သူ​တို့​၏​အပြစ်​ကို​ဖော်ပြ​၍ ဆုံးမ​ပဲ့ပြင်​တတ်​၏။ ထို့ကြောင့် စိတ်အားထက်သန်​ခြင်း​ရှိ​၍ နောင်တရ​လော့။