ဝတ်​ပြု 25:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သတ္တမ​လ​၊ ဆယ်​ရက်​နေ့​၌ သင်​သည် တံပိုး​ကို ကျယ်လောင်​စွာ​မှုတ်​ရ​မည်​။ အပြစ်ဖြေလွှတ်​ခြင်း​နေ့​၌ သင်​တို့​သည် တစ်ပြည်လုံး​အနှံ့ တံပိုး​ကို မှုတ်​ရ​မည်​။

Common Language Bible

⁹ ထို​နောက်​သတ္တ​မ​လ​ဆယ်​ရက်​နေ့​သည်​အ​ပြစ် ဖြေ​ရာ​နေ့​ဖြစ်​၍ လူ​တစ်​ယောက်​အား​တစ်​ပြည် လုံး​သို့​လှည့်​လည်​လျက်​တံ​ပိုး​ခ​ရာ​မှုတ်​စေ လော့။-

Garrad Bible

⁹ နှစ် ပေါင်း လေး ဆယ့် ကိုး နှစ် စေ့ သော် သ တ္တ မ လ၊ ဒ သ မ နေ့၊ အ ပြစ် ဖြေ ရာ နေ့၌၊

Judson Bible

⁹ သ​တ္တ​မ​လ​ဆယ်​ရက်​နေ့၊ အ​ပြစ်​ဖြေ​ခြင်း​ပြု​ရာ​နေ့၌၊ ယု​ဘိ​လ​တံ​ပိုး​ကို တစ်​ပြည်​လုံး မှုတ်​စေ​ရ​မည်။

ဝတ်​ပြု 25:9 ပူးပေါင်းရင်းမြစ်များ

ဆာ​လံ 89:15

အို ထာဝရဘုရား​၊ ဝမ်းမြောက်​စွာ​ကြွေးကြော်​သော​အသံ​ကို သိကျွမ်း​သော​လူမျိုး​သည် မင်္ဂလာ​ရှိ​ပါ​၏​။ သူ​တို့​သည် ကိုယ်တော်​၏​မျက်နှာ​တော်​အလင်း​ထဲ၌ သွားလာ​ကြ​ပါ​၏​။

ဆာ​လံ 89:16

သူ​တို့​သည် ကိုယ်တော်​၏​နာမ​တော်​၌ တစ်နေ့လုံး​ရွှင်လန်း​၍ ကိုယ်တော်​၏​ဖြောင့်မတ်​ခြင်း​အားဖြင့် ချီးမြှောက်​ခြင်း​ခံရ​ကြ​ပါ​၏​။

ဟေ​ရှာ​ယ 27:13

ထို​နေ့ရက်​၌ တံပိုး​ကြီး​ကို​မှုတ်​လိမ့်မည်​။ အဆီးရီးယား​ပြည်​၌​ပျောက်ဆုံး​သော​သူ​၊ အီဂျစ်​ပြည်​သို့​နှင်ထုတ်​ခြင်း​ခံရ​သော​သူ​တို့​သည် ဂျေရုဆလင်​မြို့​၊ သန့်ရှင်း​သော​တောင်​ပေါ်သို့​လာ​၍ ထာဝရဘုရား​ကို ရှိခိုးကိုးကွယ်​ကြ​လိမ့်မည်​။

ဝတ်​ပြု 16:20

ထိုသို့ သန့်ရှင်းရာဌာန​၊ တွေ့ဆုံစည်းဝေးရာ​တဲ​တော်​နှင့် ယဇ်ပလ္လင်​တို့​အတွက် အပြစ်ဖြေလွှတ်​ခြင်း​ကို​ပြု​ပြီး​သောအခါ အသက်ရှင်​သော​ဆိတ်သငယ်​ကို ယူလာ​ရ​မည်​။

ဝတ်​ပြု 16:29

သင်​တို့ အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ကား ဤသို့​ဖြစ်​၏​။ သင်​တို့​၏​အမျိုးသားချင်း​ဖြစ်စေ​၊ သင်​တို့​ထဲတွင် တည်းခိုနေထိုင်​သော​တိုင်းတစ်ပါးသား​ဖြစ်စေ သတ္တမ​လ​၊ ဆယ်​ရက်​နေ့​၌ မိမိ​တို့​၏​စိတ်ဆန္ဒ​ကို​ငြင်းပယ်​ရ​မည်​။ မည်သည့်​အလုပ်​ကို​မျှ မ​လုပ်​ရ​။

ဝတ်​ပြု 16:30

အကြောင်းမူကား သင်​တို့​သည် ထာဝရဘုရား​ရှေ့​တော်​၌ မိမိ​တို့​၏​အပြစ်​ရှိသမျှ​မှ စင်ကြယ်​ကြ​မည့်​အကြောင်း ထို​နေ့​၌ ယဇ်ပုရောဟိတ်​သည် သင်​တို့​စင်ကြယ်​စေရန် သင်​တို့​အတွက် အပြစ်ဖြေလွှတ်​ခြင်း​ကို​ပြု​ပေး​မည်​။

ဝတ်​ပြု 23:24

“​အစ္စရေး​အမျိုးသား​တို့​အား ဆင့်ဆို​လော့​။ သတ္တမ​လ​၊ ပထမ​နေ့​သည် သင်​တို့ ငြိမ်ဝပ်​စွာ​နေ​ရ​သော​နေ့​၊ အောက်မေ့ဖွယ်​ရာ​တံပိုးမှုတ်​သည့် သန့်ရှင်း​သော​ဓမ္မစည်းဝေး​ခြင်း​ပြု​သော​နေ့ ဖြစ်​ရ​မည်​။

ဝတ်​ပြု 23:27

“​သတ္တမ​လ​၊ ဆယ်​ရက်​နေ့​သည် အပြစ်ဖြေလွှတ်​ခြင်း​နေ့​ဖြစ်​၏​။ သင်​တို့​အတွက် သန့်ရှင်း​သော​ဓမ္မစည်းဝေး​ခြင်း​နေ့​ဖြစ်၍ မိမိ​တို့​၏​စိတ်ဆန္ဒ​ကို​ငြင်းပယ်​ရ​မည်​။ ထာဝရဘုရား​ထံ မီး​ဖြင့်​ပူဇော်​သော​ယဇ်​ကို ပူဇော်​ရ​မည်​။

ဝတ်​ပြု 25:8

သင်​သည် ဥပုသ်​နှစ် ခုနစ်​နှစ်​ကို မိမိဘာသာမိမိ ခုနစ်​နှစ် ခုနစ်​လီ ရေတွက်​ရ​မည်​။ ဥပုသ်​နှစ် ခုနစ်​နှစ် ခုနစ်​လီ​၏​ကာလ​သည် လေးဆယ့်​ကိုး​နှစ်​ဖြစ်​၏​။

ဝတ်​ပြု 27:17

ထို​သူ​သည် မိမိ​လယ်ယာ​ကို မင်္ဂလာရတု​နှစ်​၌ ဆက်ကပ်​လို​လျှင် သင်​ဖြတ်​သည့်​တန်ဖိုး​အတိုင်း တည်​စေ​ရ​မည်​။

ဝတ်​ပြု 27:24

မင်္ဂလာရတု​နှစ်​ရောက်​သောအခါ ထို​လယ်ယာ​ကို ရောင်း​ခဲ့​သူ မူလ​မြေ​ပိုင်ရှင်​အား ပြန်ပေး​ရ​မည်​။

တော​လည် 10:10

သင်​တို့​ဝမ်းမြောက်​ရာ​နေ့​ဖြစ်​သည့် သတ်မှတ်​ထား​သော​ပွဲတော်​များ​နေ့​၊ လဆန်းနေ့​တို့​၌ သင်​တို့​မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​သောအခါ တံပိုးခရာ​ကို​မှုတ်​ရ​မည်​။ သင်​တို့​၏​ဘုရားသခင်​ရှေ့​တော်​၌ သင်​တို့​အတွက် အောက်မေ့ဖွယ်​ရာ​ဖြစ်​မည်​။ ငါ​သည် သင်​တို့​၏​ဘုရားသခင်​ထာဝရဘုရား ဖြစ်​၏​”​ဟု မိန့်​တော်မူ​၏​။

တော​လည် 36:4

အစ္စရေး​အမျိုးသား​တို့​၏​ရွှေရတုနှစ်​ရောက်​သောအခါ သူ​တို့​၏​အမွေ​သည် သူ​တို့​နှင့်​စုံဖက်​သော​အမျိုးအနွယ်​၏​အမွေ​ထဲသို့ ထည့်ပေါင်း​ခြင်း​ဖြင့် သူ​တို့​၏​အမွေ​ကို အကျွန်ုပ်​တို့​ဘိုးဘေး​တို့​အမျိုးအနွယ်​၏​အမွေ​ထဲမှ နုတ်ယူ​ကြ​ပါ​လိမ့်မည်​”​ဟု လျှောက်​ကြ​၏​။

ရော​မ 10:18

သို့သော် ငါ​မေး​လို​သည်​မှာ ထို​သူ​တို့​မ​ကြား​ခဲ့​ရ​သလော။ အမှန်ပင်​ကြား​ခဲ့​ရ​၏။ “သူ​တို့​၏​အသံ​သည် မြေကြီး​တစ်ပြင်လုံး​သို့ ပျံ့နှံ့​သွား​၍ သူ​တို့​၏​စကား​သည် ကမ္ဘာလောက​အစွန်အဖျား​တိုင်အောင် ရောက်​လေ​၏။ ”

ရော​မ 15:19

နိမိတ်​လက္ခဏာ​များ​နှင့်​အံ့ဩဖွယ်ရာ​များ​၏​တန်ခိုး​အားဖြင့်​လည်းကောင်း၊ ဘုရားသခင်​၏​ဝိညာဉ်​တော်​တန်ခိုး​အားဖြင့်​လည်းကောင်း ပြု​တော်မူ​သော​အမှုအရာ​တို့​မှအပ ငါ​သည် မည်သည့်​အရာ​ကို​မျှ အရဲစွန့်​၍​မ​ပြော​လို​ပေ။ ဤသို့ဖြင့် ငါ​သည် ဂျေရုဆလင်​မြို့​မှစ၍ ဣလုရိတ်​ပြည်​တိုင်အောင် ပတ်​သွား​ကာ ခရစ်တော်​၏​ကောင်းမြတ်​သော​သတင်း​ကို စုံလင်​စွာ​ဟောပြော​ခဲ့​၏။

၁ သက် 1:8

အဘယ်ကြောင့်​ဆိုသော် သခင်​ဘုရား​၏​နှုတ်ကပတ်​တရား​သည် သင်​တို့​ထံမှ မာကေဒေါနိ​ပြည်​နှင့်​အခါယ​ပြည်​သို့ ပဲ့တင်ထပ်​သွား​ခဲ့​သည်​သာမက ဘုရားသခင်​အပေါ်​၌​ရှိ​သော သင်​တို့​၏​ယုံကြည်​ခြင်း​အကြောင်း​သည်​လည်း နေရာ​အနှံ့​သို့ ပျံ့နှံ့​လေ​ပြီ​ဖြစ်​သောကြောင့် ငါ​တို့​၌​ပြော​စရာ​တစ်စုံတစ်ခု​မျှ​မ​ရှိ။

ယော​ရှု 6:4

ယဇ်ပုရောဟိတ်​ခုနစ်​ပါး​တို့​သည် သေတ္တာ​တော်​ရှေ့​မှ​နေ​၍ သိုးချို​တံပိုး​ခုနစ်​ခု​ကို ကိုင်ဆောင်​သွား​ရ​မည်​။ ခုနစ်​ရက်​မြောက်​သော​နေ့​တွင် မြို့​ကို ခုနစ်​ပတ်​လှည့်ပတ်​ရ​မည်​။ တံပိုး​ကို​မှုတ်​ရ​မည်​။