ဝတ်​ပြု 18:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ထို့ကြောင့် သူ​တို့​၏​ပြည်​သည်​လည်း ညစ်ညူး​၏​။ သို့ဖြစ်၍ ပြည်​၏​ဒုစရိုက်​ကြောင့် ငါ​ဒဏ်ခတ်​သဖြင့် ပြည်​သည် ပြည်သူပြည်သား​တို့​ကို အန်ထုတ်​လေ​ပြီ​။

Common Language Bible

²⁵ သူ​တို့​၏​အ​လေ့​အ​ကျင့်​များ​သည် သူ​တို့​နေ ထိုင်​ရာ​ပြည်​ကို​ညစ်​ညမ်း​စေ​သည်။ ထို့​ကြောင့် ထာ​ဝ​ရ​ဘု​ရား​သည် ထို​ပြည်​ကို​ဒဏ်​ခတ် သ​ဖြင့်​ပြည်​သား​တို့​သည် ထို​ပြည်​မှ​နှင် ထုတ်​ခြင်း​ခံ​ရ​ကြ​လိမ့်​မည်။-

Judson Bible

²⁵ သူ​တို့​ပြည်​သည်​လည်း ညစ်​ညူး၏။ ညစ်​ညူး​သော​အ​ပြစ်​ကြောင့် ငါ​ဆုံး​မ၍၊ ထို​ပြည်​သည် မိ​မိ​သား​တို့​ကို အော့​အန်​လိမ့်​မည်။

ဝတ်​ပြု 18:25 ပူးပေါင်းရင်းမြစ်များ

၃ ရာ 21:26

သူ​သည် အစ္စရေး​အမျိုးသား​တို့​ထံမှ ထာဝရဘုရား​နှင်ထုတ်​တော်မူ​ခဲ့​သော အာမောရိ​လူမျိုး​တို့​ပြု​ခဲ့​သည့်​အတိုင်း ရုပ်တု​များ​နောက်သို့​လိုက်​၍ စက်ဆုပ်ရွံရှာဖွယ်​အမှု​များ​ကို ပြု​လေ​၏​။

ဧ​ဇ​ရ 9:11

ကိုယ်တော်​၏​အစေအပါး​ပရောဖက်​များ​အားဖြင့် ကိုယ်တော်​က ‘​သင်​တို့​ဝင်ရောက်​သိမ်းပိုက်​မည့်​ပြည်​သည် ပြည်သား​တို့​၏​မစင်ကြယ်​ခြင်း​နှင့် သူ​တို့​၏​စက်ဆုပ်​ရွံရှာဖွယ်​ရာ​များ​ဖြင့် ပြည်​တစ်ပြည်လုံး​ကို ပြည့်​စေ​ခြင်း​တို့​ကြောင့် ညစ်ညူး​သော​ပြည်​ဖြစ်​၏​။

ဆာ​လံ 106:38

ထိုသို့ ခါနာန်​ရုပ်တု​များ​အား မိမိ​တို့​သား​သမီး​တို့​ကို​ပူဇော်​ခြင်း​အားဖြင့် အပြစ်ကင်း​သော​သွေး​တည်းဟူသော ထို​သား​သမီး​တို့​၏​သွေး​ကို​သွန်း​၍ ထို​ပြည်​ကို သွေး​ဖြင့်​ညစ်ညူး​စေ​ကြ​၏​။

ဆာ​လံ 89:32

ငါ​သည် သူ​တို့​ကျူးလွန်​သော​အပြစ်​အတွက် ကြိမ်လုံး​ဖြင့်​ဒဏ်ခတ်​၍ သူ​တို့​၏​ဒုစရိုက်​အတွက် ကျာပွတ်​ဖြင့်​ပြစ်ဒဏ်​ပေး​မည်​။

ဟေ​ရှာ​ယ 24:5

ကမ္ဘာမြေကြီး​သည် မြေကြီးသား​တို့​ကြောင့် ညစ်ညူး​လေ​ပြီ​။ အကြောင်းမူကား သူ​တို့​သည် ပညတ်တရား​များ​ကို ကျူးလွန်​ကြ​၏​။ ပြဋ္ဌာန်းချက်​ကို ဖောက်ဖျက်​ကြ​၏​။ ထာဝရ​ပဋိညာဉ်​ကို ချိုးဖောက်​ကြ​၏​။

ဟေ​ရှာ​ယ 26:21

အကြောင်းမူကား ကြည့်ရှု​လော့​။ ထာဝရဘုရား​သည် မြေကြီးသား​တို့​ကို အပြစ်​ဒဏ်ပေး​ရန် ကိန်းဝပ်​တော်မူ​ရာ​အရပ်​မှ ကြွလာ​တော်မူ​၏​။ ထိုအခါ မြေကြီး​သည် မိမိ​၌ အသတ်​ခံရ​သော​သူ​တို့​ကို ထုတ်ပြ​မည်​။ သတ်​သော​သူ​တို့​ကို​လည်း ဝှက်ထား​မည်​မ​ဟုတ်​။

ယေ​ရ​မိ 14:10

ထာဝရဘုရား​က ဤ​လူမျိုး​အား “​သူ​တို့​သည် ဟိုဟိုသည်သည်​သွားလာ​ရ​သည်​ကို နှစ်သက်အားရ​ကြ​၏​။ ကိုယ့်​ခြေ​ကိုယ်​မ​ထိန်းချုပ်​ကြ​။ ထို့ကြောင့် ထာဝရဘုရား​သည် သူ​တို့​ကို နှစ်သက်​တော်​မ​မူ​။ သူ​တို့​၏​ဒုစရိုက်​များ​ကို မှတ်​တော်မူ​မည်​။ သူ​တို့​အပြစ်​များ​ကြောင့် သူ​တို့​ကို​ဒဏ်ခတ်​တော်မူ​မည်​”​ဟု မိန့်​တော်မူ​၏​။

ယေ​ရ​မိ 16:18

ငါ​၏​ပြည်​ကို ရွံရှာဖွယ်​လူသေကောင်​ဖြင့် ညစ်ညူး​စေ​၍ ငါ​၏​အမွေမြေ​ကို စက်ဆုပ်ရွံရှာဖွယ်​ရာ​များ​ဖြင့် ပြည့်​စေ​သော သူ​တို့​၏​ဒုစရိုက်​၊ သူ​တို့​၏​အပြစ်​များ​ကြောင့် ငါ​သည် သူ​တို့​ကို နှစ်ဆ​တုံ့ပြန်​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ရ​မိ 2:7

ကောင်း​သော​အသီးအနှံ​တို့​ကို စား​ရ​မည့်​အကြောင်း သင်​တို့​အား သီးနှံ​ဖြစ်ထွန်း​သော​ပြည်​သို့ ငါ​ခေါ်ဆောင်​လာ​၏​။ သို့သော် သင်​တို့​ရောက်လာ​၍ ငါ့​ပြည်​ကို​ညစ်ညူး​စေ​ကြ​၏​။ အမွေ​ပြည်​ကို စက်ဆုပ်ရွံရှာဖွယ် ဖြစ်စေ​ကြ​၏​။

ယေ​ရ​မိ 23:2

အစ္စရေး​လူမျိုး​၏​ဘုရားသခင်​ထာဝရဘုရား​က မိမိ​လူမျိုး​တော်​ကို​ထိန်းကျောင်း​သော သိုးထိန်း​တို့​အား “​သင်​တို့​သည် ငါ​၏​သိုးစု​ကို​ကွဲလွင့်​စေ​၏​။ နှင်ထုတ်​၏​။ သူ​တို့​ကို ဂရု​မ​စိုက်​။ ကြည့်ရှု​လော့​။ သင်​တို့​ပြု​သော​ဆိုးညစ်မှု​ကြောင့် သင်​တို့​ကို ငါ​ဒဏ်ခတ်​မည်​”​ဟု မိန့်​တော်မူ​၏​။

ယေ​ရ​မိ 5:29

ထိုသို့​သော​အမှုအရာ​များ​ကြောင့် ငါ​သည် ဒဏ်​မ​ခတ်​ဘဲ​နေ​ရ​မည်လော​။ ထိုသို့​သော​လူမျိုး​ကို ငါ​ကိုယ်တိုင် လက်တုံ့​မ​ပြန်​ဘဲ​နေ​ရ​မည်လော’​ဟု ထာဝရဘုရား​မိန့်​တော်မူ​၏​။

ယေ​ရ​မိ 5:9

ထိုသို့​သော​အမှုအရာ​များ​ကြောင့် ငါ​သည် ဒဏ်​မ​ခတ်​ဘဲ​နေ​ရ​မည်လော​၊ ထိုသို့သော​လူမျိုး​ကို ငါ​ကိုယ်တိုင် လက်တုံ့​မ​ပြန်​ဘဲ​နေ​ရ​မည်လော​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 9:9

“ထိုသို့သော​အမှုအရာ​များ​ကြောင့် ငါ​သည် သူ​တို့​ကို ဒဏ်​မ​ခတ်​ဘဲ​နေ​ရ​မည်လော​။ ထိုသို့​သော​လူမျိုး​ကို ငါ​ကိုယ်တိုင်​လက်တုံ့​မ​ပြန်​ဘဲ နေ​ရ​မည်လော​”​ဟု ထာဝရဘုရား​မိန့်​တော်မူ​၏​။

ဟော​ရှေ 2:13

သူ​သည် ဗာလ​ဘုရား​ပွဲ​နေ့​များ​၌ နံ့သာပေါင်း​ကို​မီးရှို့​၍ နှာကွင်း​နှင့် လက်ဝတ်ရတနာ​ကို​ဆင်မြန်း​လျက် ချစ်သူ​များ​နောက်သို့​လိုက်​ပြီး ငါ့​ကို​မေ့လျော့​သည့်​အတွက် သူ့​အား ငါ​ဒဏ်ခတ်​မည်”​ဟု ထာဝရဘုရား​မိန့်​တော်မူ​၏​။

ဟော​ရှေ 8:13

သူ​တို့​သည် ငါ့​ထံ လှူဖွယ်ဝတ္ထု​များ​ကို ပူဇော်​သောအခါ ယဇ်ကောင်​များ​ကို​ပူဇော်​၍ အသား​ကို စား​ကြ​၏​။ ထို​ပူဇော်သက္ကာ​တို့​ကို ထာဝရဘုရား လက်ခံ​တော်​မ​မူ​။ သူ​တို့​၏​ဒုစရိုက်​ကို မှတ်ထား​ပြီး သူ​တို့​၏​အပြစ်​ကို ဒဏ်ခတ်​မည်​။ သူ​တို့​ကို အီဂျစ်​ပြည်​သို့ ပြန်သွား​စေ​မည်​။

ဟော​ရှေ 9:9

သူ​တို့​သည် ဂိဗာ​မြို့သား​တို့​လက်ထက်​က​ကဲ့သို့ အလွန်​အကျင့်ပျက်ပြား​ကြ​၏​။ ကိုယ်တော်​သည် သူ​တို့​၏​ဒုစရိုက်​များ​ကို မှတ်ထား​ပြီး သူ​တို့​၏​အပြစ်​များ​ကို ဒဏ်ခတ်​တော်မူ​မည်​။

ဝတ်​ပြု 18:26

သင်​တို့​မူကား ငါ​၏​ပြဋ္ဌာန်းချက်​များ​၊ ငါ​၏​စီရင်ထုံးဖွဲ့ချက်​များ​ကို စောင့်ထိန်း​ရ​မည်​။ သင်​တို့​၏​အမျိုးသားချင်း​ဖြစ်စေ​၊ သင်​တို့​တွင် တည်းခိုနေထိုင်​သော​တိုင်းတစ်ပါးသား​ဖြစ်စေ ထို​စက်ဆုပ်ရွံရှာဖွယ်​တစ်စုံတစ်ခု​ကို​မျှ မ​ပြုကျင့်​ရ​။

ဝတ်​ပြု 18:28

သင်​တို့​သည် ထို​ပြည်​ကို​ညစ်ညူး​စေ​လျှင် ပြည်​သည် သင်​တို့​ရှေ့​၌​ရှိ​သော​လူမျိုး​ကို​အန်ထုတ်​သကဲ့သို့ သင်​တို့​ကို​လည်း အန်ထုတ်​လိမ့်မည်​။

ရော​မ 8:22

ဖန်ဆင်း​ခံ​လောက​တစ်ခုလုံး​သည် ယခု​တိုင်အောင် အတူတကွ​ညည်းတွား​လျက် အတူတကွ​သားဖွား​ခြင်း​ဝေဒနာ​ကို​ခံစား​လျက်​ရှိ​ကြောင်း ငါ​တို့​သိ​ကြ​၏။

တ​ရား​ဟော 18:12

ထိုသို့ ပြု​သော​သူ​တို့​ကို ထာဝရဘုရား စက်ဆုပ်ရွံရှာ​တော်မူ​၏​။ ထို​စက်ဆုပ်ရွံရှာဖွယ်​အရာ​များ​ကြောင့် သင်​၏​ဘုရားသခင်​ထာဝရဘုရား​သည် ထို​သူ​တို့​ကို သင့်​ရှေ့​မှ နှင်ထုတ်​ခဲ့​ခြင်း ဖြစ်​၏​။

တ​ရား​ဟော 21:23

အလောင်း​ကို သစ်တိုင်​၌ တစ်ညလုံး​မ​ထား​ရ​။ ထို​နေ့​၌ပင် မဖြစ်မနေ​သင်္ဂြိုဟ်​ရ​မည်​။ အကြောင်းမူကား ချိတ်ဆွဲ​ထား​ခြင်း​ခံရ​သော​သူ​သည် ဘုရားသခင်​ကျိန်​တော်မူ​ခြင်း​ကို​ခံရ​သော​သူ​ဖြစ်​၏​။ သင်​၏​ဘုရားသခင်​ထာဝရဘုရား သင့်​အား အမွေ​အဖြစ်​ပေး​တော်မူ​သော​ပြည်​ကို မ​ညစ်ညူး​စေ​ရ​။

တ​ရား​ဟော 9:5

သင်​၏​ဖြောင့်မတ်​ခြင်း​နှင့် သင်​၏​စိတ်သဘော​ဖြောင့်မှန်​ခြင်း​တို့​ကြောင့် သင်​သည် သူ​တို့​၏​ပြည်​ကို ဝင်ရောက်​ပိုင်ဆိုင်​ရ​ခြင်း မ​ဟုတ်​။ သင်​၏​ဘုရားသခင်​ထာဝရဘုရား​သည် ဤ​လူမျိုး​တို့​၏​ဆိုးယုတ်မှု​ကြောင့်​လည်းကောင်း​၊ သင့်​ဘိုးဘေး အာဗြဟံ​၊ ဣဇက်​၊ ယာကုပ် တို့​အား ထာဝရဘုရား​ကျိန်ဆို​တော်မူ​ခဲ့​သည့်​စကား​တော်​ကို တည်​စေရန်​အတွက်​လည်းကောင်း သူ​တို့​ကို သင့်​ရှေ့မှောက်​မှ နှင်ထုတ်​တော်မူ​ခြင်း​ဖြစ်​၏​။