ရှောလမုန်သီချင်း။ 4:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ အို ငါ့​နှမ​၊ ငါ့​သတို့သမီး​၊ သင်​သည် ငါ့​နှလုံးသား​ကို အပိုင်သိမ်း​လေ​ပြီ​။ သင်​၏​အကြည့်​တစ်​ချက်​၊ ကျောက်မျက်​လည်ဆွဲ​တစ်​ကုံး​ဖြင့် ငါ့​နှလုံးသား​ကို အပိုင်သိမ်း​လေ​ပြီ​။

Common Language Bible

⁹ ငါ့နှမ၊ ငါ့ခင်ပွန်း၊ သင်၏မေတ္တာသည် အလွန် ချိုပေ၏။ သင်၏မေတ္တာသည် စပျစ်ရည်ထက် အထူး သဖြင့် ကောင်းပေ၏။ သင်းထုံသောနံ့သာဆီသည် နံ့သာမျိုးတကာတို့ထက် အထူးသဖြင့် မွှေးကြိုင်ပေ၏။

Garrad Bible

⁹ ငါ့ နှ မ၊ ငါ့ ကြင် ရာ၊ သင် သည် ငါ့ နှ လုံး ကို ဆွဲ ယူ ပြီ။ မျက် စိ တ ကြည့်၊ လည် တ လှည့် ဖြင့် ငါ့ နှ လုံး ကို ဆွဲ ယူ ပြီ။

Judson Bible

⁹ ငါ့​နှ​မ၊ ငါ့​ခင်​ပွန်း၊ သင်​သည် ငါ့​နှ​လုံး​ကို​လု​ယူ​ပြီ။ သင်၏​မျက်​စိ​တစ်​ကြည့်၊ လည်​ပင်း​တစ်​လှည့်​ဖြင့် ငါ​နှ​လုံး​ကို လု​ယူ​ပြီ။

ရှောလမုန်သီချင်း။ 4:9 ပူးပေါင်းရင်းမြစ်များ

ကမ္ဘာ​ဦး 20:12

ထို့ပြင် သူ​သည် အမှန်ပင် အကျွန်ုပ်​၏​နှမ​ဖြစ်​ပါ​၏​။ အကျွန်ုပ်​ဖခင်​၏​သမီး​ဖြစ်​သော်လည်း အကျွန်ုပ်​မိခင်​၏​သမီး​မ​ဟုတ်​ပါ​။ နောက်တွင် အကျွန်ုပ်​၏​မယား ဖြစ်လာ​ပါ​၏​။

ကမ္ဘာ​ဦး 41:42

ဖာရော​မင်းကြီး​သည် မိမိ​၏​လက်​မှ တံဆိပ်တုံးလက်စွပ်​ကို​ချွတ်​၍ ယောသပ်​၏​လက်​၌​စွပ်​ပေး​၏​။ ပိတ်ချောထည်​အဝတ်​တို့​ကို​လည်း​ဝတ်​ပေး​၍ သူ​၏​လည်ပင်း​၌ ရွှေ​ဆွဲကြိုး​ကို​ဆွဲ​ပေး​ပြီး

ဆာ​လံ 45:9

ကိုယ်တော်​၏​မြင့်မြတ်​သော​အမျိုးသမီး​များ​ထဲတွင် ရှင်ဘုရင်​တို့​၏​သမီး​တော်​များ​ပါဝင်​ကြ​ပါ​၏​။ မိဖုရား​သည် ဩဖိရ​ရွှေ ဆင်မြန်း​လျက် ကိုယ်တော်​၏​လက်ယာ​ဘက်​တွင် ရပ်​နေ​ပါ​၏​။

သုတ္တံကျမ်း။ 1:9

အကြောင်းမူကား ထို​အရာ​တို့​သည် သင်​၏​ဦးခေါင်း​အတွက် တင့်တယ်​သော​ပန်းဦးရစ်​၊ သင်​၏​လည်ပင်း​အတွက် လည်ဆွဲ​ဖြစ်​ကြ​လိမ့်မည်​။

သုတ္တံကျမ်း။ 6:25

သင်​၏​စိတ်နှလုံး​ထဲတွင် ထို​မိန်းမ​၏​အလှ​ကို မ​တပ်မက်​နှင့်​။ သူ့​မျက်လွှာ​ဖြင့် ညှို့ယူ​ဖမ်းစား​ခြင်း​ကို​မ​ခံ​နှင့်​။

ရှောလမုန်သီချင်း။ 1:10

ခြယ်သ​ထား​သော​သင့်​ပါး​တို့​သည် တင့်တယ်​လှ​ပေ​၏​။ သင့်​လည်တိုင်​သည်​လည်း လည်ဆွဲရတနာ​တို့​ဖြင့် တင့်တယ်​လှ​ပေ​၏​။​”

ရှောလမုန်သီချင်း။ 1:15

“​ကြည့်​ပါ​။ ငါ့​ချစ်သူလေး​၊ သင်​သည် အဆင်းလှ​ပေ​၏​။ ကြည့်​ပါ​။ သင်​သည် အဆင်းလှ​ပေ​၏​။ သင့်​မျက်လုံး​များ​လည်း ချိုးငှက်​မျက်လုံး​နှင့် တူ​ပါ​၏​။​”

ရှောလမုန်သီချင်း။ 3:11

အို ဇိအုန်​သမီးပျို​တို့​၊ ထိမ်းမြားပွဲ​နေ့​၊ စိတ်နှလုံး​ရွှင်လန်း​ရာ​နေ့​တွင် မယ်တော်​ကိုယ်တိုင်​ဆောင်း​ပေး​သော​သရဖူ​ကို ဆောင်း​ထား​သော ရှောလမုန်​မင်းကြီး​ကို ထွက်​ကြည့်​ကြ​ပါ​လော့​။​”

ရှောလမုန်သီချင်း။ 4:10

အို ငါ့​နှမ​၊ ငါ့​သတို့သမီး​၊ သင်​၏​ချစ်ခြင်းမေတ္တာ​သည် တင့်တယ်​လှ​ပါ​၏​။ သင်​၏​ချစ်ခြင်းမေတ္တာ​သည် စပျစ်ဝိုင်​ထက်​သာ၍ နှစ်သက်ဖွယ်​ကောင်း​ပါ​၏​။ သင်​၏​နံ့သာဆီ​သည်​လည်း အမွှေးနံ့သာ​တကာ​တို့​ထက် သာ၍​မွှေး​ပါ​၏​။

ရှောလမုန်သီချင်း။ 4:12

အို ငါ့​နှမ​၊ ငါ့​သတို့သမီး​၊ သင်​သည် ပိတ်​ထား​သော​ဥယျာဉ်​၊ ပိတ်​ထား​သော​ရေကန်​၊ ပိတ်ဆို့​ထား​သော​စမ်းရေပေါက် ဖြစ်​၏​။

ရှောလမုန်သီချင်း။ 6:12

အကျွန်ုပ် မ​သိ​လိုက်​မီ​မှာပင် အကျွန်ုပ်​စိတ်​သည် အကျွန်ုပ်​၏​အမျိုးအနွယ်​စီး​သည့်​တော်ဝင်​ရထား​ပေါ်သို့ ရောက်​နှင့်​လေ​ပြီ​။​”

ရှောလမုန်သီချင်း။ 6:5

သင့်​မျက်လုံး​ကို ငါ့​ထံ​မှ​လွှဲ​လိုက်​ပါ​။ သင့်​မျက်လုံး​များ​သည် ငါ့​ကို​လွှမ်းမိုး​လွန်း​လှ​၏​။ သင့်​ဆံကေသာလေး​သည် ဂိလဒ်​တောင်​ပေါ်မှ​ခုန်ပေါက်​၍​ဆင်းလာ​သော ဆိတ်အုပ်​နှင့်​တူ​ပါ​၏​။

ရှောလမုန်သီချင်း။ 7:10

အကျွန်ုပ်​ချစ်သူ​သည် အကျွန်ုပ်​ကို​ပိုင်​၍ အကျွန်ုပ်​ကို​သာ လိုအပ်​ပါ​၏​။

ဟေ​ရှာ​ယ 54:5

အကြောင်းမူကား သင့်​ကို​ဖန်ဆင်း​တော်မူ​သော​အရှင်​သည် သင်​၏​ခင်ပွန်း​ဖြစ်​၏​။ နာမ​တော်​ကား ကောင်းကင်​ဗိုလ်ခြေ​အရှင်​ထာဝရဘုရား​ပေတည်း​။ သင့်​ကို​ရွေးနုတ်​တော်မူ​သော​အရှင်​သည် အစ္စရေး​လူမျိုး​၏​သန့်ရှင်း​သော​အရှင်​ဖြစ်​၏​။ မြေကြီး​တစ်ပြင်လုံး​၏​ဘုရား​ဟု ခေါ်ဝေါ်​ခြင်း​ခံရ​၏​။

ဟေ​ရှာ​ယ 62:5

လူပျို​သည် အပျိုကညာ​နှင့်​လက်ထပ်​သကဲ့သို့ သင်​၏​သား​တို့​သည် သင်​နှင့်​လက်ထပ်​လိမ့်မည်​။ သတို့သား​သည် သတို့သမီး​ကြောင့် ဝမ်းမြောက်ပျော်ရွှင်​ရ​သကဲ့သို့ သင်​၏​ဘုရားသခင်​သည် သင့်​ကြောင့် ဝမ်းမြောက်ပျော်ရွှင်​တော်မူ​လိမ့်မည်​။

ယေ​ဇ​ကျေ​လ 16:11

သင့်​ကို လက်ဝတ်ရတနာ​များ ဆင်ယင်​ပေး​၏​။ သင့်​လက်​၌ လက်ကောက်​ဝတ်​ပေး​၏​။ သင့်​လည်ပင်း​၌ ဆွဲကြိုး​ဆွဲ​ပေး​၏​။

ယေ​ဇ​ကျေ​လ 16:8

သင့်​အနား​မှ​ဖြတ်သွား​၍​ကြည့်​သော် သင်​သည် အိမ်ထောင်ပြု​ရ​မည့်​အရွယ်​သို့ ရောက်​လေ​ပြီ​။ ထို့ကြောင့် အဝတ်မပါ​အချည်းစည်း​ဖြစ်​နေ​သော​သင့်​ကို ငါ့​ဝတ်လုံစွန်း​ဖြင့် ဖုံးအုပ်​ပေး​၏​။ သင်​နှင့်​သစ္စာဆို​၍ ပဋိညာဉ်ဖွဲ့​၏​။ ထို့ကြောင့် သင့်​ကို ငါ​ပိုင်ဆိုင်​လေ​ပြီ’​ဟု ဘုရားရှင်​ထာဝရဘုရား​မိန့်​တော်မူ​၏​။

ဒံ​ယေ​လ 5:7

ရှင်ဘုရင်​သည် ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ဆရာ​များ​ကို ခေါ်သွင်း​ရန် အော်ဟစ်​ပြီးလျှင် ဘေဘီလုံ​ပညာရှိ​တို့​အား “​ဤ​စာ​ကို​ဖတ်​ပြီး အနက်အဓိပ္ပာယ်​ကို ဖွင့်ပြ​ပေး​နိုင်​သူ မည်သူမဆို ခရမ်းရောင်​ဝတ်ရုံ​ကို ဝတ်ဆင်​စေ​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ပေး​မည်​”​ဟု မိန့်ဆို​လေ​၏​။

ဇေဖနိ 3:17

သင်​၏​ဘုရားသခင် ထာဝရဘုရား​သည် သင့်​အလယ်​တွင်​ရှိ​၍ အားကြီး​သော​အရှင်​သည် သင့်​ကို ကယ်တင်​လိမ့်မည်​။ ကိုယ်တော်​သည် သင်​နှင့်အတူ ဝမ်းမြောက်​ရွှင်လန်း​လိမ့်မည်​။ ချစ်​သော​စိတ်​ဖြင့် ငြိမ်ဝပ်​စွာ​နေ​လိမ့်မည်​။ သင်​နှင့်အတူ ရွှင်လန်း​စွာ​သီချင်းဆို​လိမ့်မည်”​ဟု ဆို​လိမ့်မည်​။

မဿဲ 12:50

အကြောင်းမူကား ကောင်းကင်​ဘုံ​၌​ရှိ​တော်မူ​သော ငါ့​ခမည်းတော်​၏​အလို​တော်​ကို​ဆောင်ရွက်​သော​သူ​သည် ငါ့​ညီ၊ ငါ့​နှမ၊ ငါ့​အမိ​ဖြစ်​၏”​ဟု မိန့်​တော်မူ​၏။

ရှင်ယောဟန် 3:29

သတို့သမီး​ကို​ရ​သော​သူ​သည် သတို့သား​ဖြစ်​၏။ သတို့သား​၏​အသံ​ကို ရပ်​လျက်​နားထောင်​နေ​သော သတို့သား​၏​မိတ်ဆွေ​မူကား သတို့သား​၏​အသံ​ကြောင့် ဝမ်းမြောက်​ဝမ်းသာ​ဖြစ်​၏။ သို့ဖြစ်၍ ငါ​သည်​လည်း ထို​ဝမ်းမြောက်​ခြင်း​နှင့် ပြည့်ဝ​လျက်​ရှိ​၏။

၁ ကော 9:5

ငါ​တို့​သည် ကေဖ​နှင့် သခင်​ဘုရား​၏​ညီ​တော်​များ​မှစ၍ အခြား​သော​တမန်တော်​များ​ကဲ့သို့ ယုံကြည်​သူ​ဖြစ်​သော​ဇနီးသည်​ကို ခရီး​သွား​ရာ​၌ ခေါ်ဆောင်​ခွင့်​မ​ရှိ​ကြ​သလော။

၂ ကော 11:2

ဤသို့​ဆို​ရ​ခြင်း​မှာ ငါ​သည် ဘုရားသခင်​၏​သဝန်တို​စိတ်​မျိုး​ဖြင့် သင်​တို့​ကို သဝန်တို​၏။ အကြောင်းမူကား ငါ​သည် သင်​တို့​ကို ဖြူစင်​သန့်ရှင်း​သော​အပျို​ကညာ​အဖြစ် ခရစ်တော်​အား​ဆက်သ​လျက် ထို​တစ်ဦးတည်း​သော​ခင်ပွန်း​နှင့်​စေ့စပ်​ကြောင်းလမ်း​ထား​ပြီ​ဖြစ်​၏။

ဗျာ​ဒိတ် 21:2

တစ်ဖန် သန့်ရှင်း​သော​ဂျေရုဆလင်​မြို့​သစ်​သည် သတို့သား​အတွက်​ဆင်မြန်း​ထား​သည့် သတို့သမီး​ကဲ့သို့​ပြင်ဆင်​လျက် ဘုရားသခင်​အထံ​တော်၊ ကောင်းကင်​မှ​ဆင်းသက်​လာ​သည်​ကို ငါ​မြင်​ရ​၏။