ယေ​ရ​မိ 47:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ အို ထာဝရဘုရား​၏​ဓား​တော်​၊ မည်မျှ​ကြာ​အောင်​အငြိမ်​မ​နေ​ဘဲ တိုက်ခိုက်​နေ​ဦး​မည်နည်း​။ ဓားအိမ်​သို့​ပြန်ဝင်​ပါ​တော့​။ ရပ်​ပါ​တော့​။ ငြိမ်ငြိမ်​နေ​ပါ​တော့​။

Common Language Bible

⁶ ထာ​ဝ​ရ​ဘု​ရား​၏​ဋ္ဌား​တော်၊ သင်​သည်​အ​ဘယ်​မျှ​ကြာ​ကြာ​ခုတ်​ထစ် နေ​ပါ​ဦး​မည်​နည်း။ မိ​မိ​ဋ္ဌား​အိမ်​သို့​ပြန်​၍​ဝင်​ပြီး​လျှင် ငြိမ်​သက်​စွာ နေ​ပါ​လော့'' ဟု​သင်​တို့​ဆို​ကြ​၏။

Garrad Bible

⁶ အို ထာ ဝ ရ ဘု ရား၏ ဓား တော်၊ မည် မျှ တိုင် တိုင် မ ငြိမ် ဘဲ နေ မည် နည်း။ ဓား အိမ် သို့ ဝင် ပြီး လျှင်၊ ငြိမ် သက် သာ ယာ စွာ နေ ပါ လော့။

Judson Bible

⁶ အို ထာ​ဝ​ရ​ဘု​ရား၏​ဓား​တော်၊ သင်​သည် အ​ဘယ်​မျှ​ကာ​လ​ပတ်​လုံး မ​ငြိမ်​ဘဲ​နေ​မည်​နည်း။ ကိုယ်​အိမ်၌ ဝင်၍​နေ​လော့။ နေ​ရာ​ကျ၍ ငြိမ်​ဝပ်​စွာ​နေ​လော့။

ယေ​ရ​မိ 47:6 ပူးပေါင်းရင်းမြစ်များ

၂ ရာ 2:26

အာဗနာ​က ယွာဘ​အား ဟစ်ခေါ်​ပြီး “​ဓား​သည် အစဉ်​ဝါးမျို​ရ​မည်လော​။ အဆုံး​မှာ ခါးသီးကြေကွဲ​ရ​မည်​ကို မ​သိ​သလော​။ ကိုယ့်​ညီအစ်ကိုချင်း​ကို ဆက်၍ မ​လိုက်​ကြ​ရန် လူ​တို့​ကို မ​တား​တော့​ပြီ​လော​”​ဟု ဆို​လေ​၏​။

၁ ရာ​ချုပ် 21:27

ထိုအခါ ထာဝရဘုရား​က ကောင်းကင်တမန်​အား အမိန့်ပေး​သဖြင့် သူ​သည် ဓား​ကို​ဓားအိမ်​ထဲသို့ ပြန်သွင်း​လေ​၏​။

ဆာ​လံ 17:13

အို ထာဝရဘုရား​၊ ထ​တော်မူ​ပါ​။ သူ့​ကို​ထိပ်တိုက်ရင်ဆိုင်​၍ ညွတ်တွား​စေ​တော်မူ​ပါ​။ ကိုယ်တော်​၏​ဓား​ဖြင့် ဆိုးယုတ်​သော​သူ​၏​လက်​မှ အကျွန်ုပ်​၏​အသက်​ကို ကယ်တင်​တော်မူ​ပါ​။

ဟေ​ရှာ​ယ 10:15

ပုဆိန်​သည် သူ့​ကို​ကိုင်​သော​သူ​ထက် မိမိကိုယ်မိမိ​အမွှမ်းတင်​မည်လော​။ လွှ​သည် သူ့​ကို​အသုံးပြု​သော​သူ​ထက် မိမိကိုယ်မိမိ​ချီးမြှောက်​မည်လော​။ ကြိမ်လုံး​က ကိုင်မြှောက်​သော​သူ​ကို ပြန်​၍​လွှဲယမ်း​သကဲ့သို့​၊ တောင်ဝှေး​က သစ်သား​မ​ဟုတ်​သော​လူ​ကို ပြန်​၍​ကိုင်မြှောက်​သကဲ့သို့ ဖြစ်​ပါ​သည်​တကား​။

ဟေ​ရှာ​ယ 10:5

အဆီးရီးယား​လူမျိုး​သည် အမင်္ဂလာ​ရှိ​၏​။ ထို​လူမျိုး​သည် ငါ့​အမျက်​တော်​ကြိမ်လုံး​ဖြစ်​၏​။ သူ​တို့​ကိုင်ဆောင်​သော​တုတ်​သည် ငါ​၏​အမျက်​ဖြစ်​၏​။

ယေ​ရ​မိ 12:12

အဖျက်သမား​တို့​သည် တောကန္တာရ​ရှိ​တောင်ကတုံး​များ​ပေါ်သို့ တက်လာ​ကြ​ပြီ​။ ထာဝရဘုရား​၏​ဓား​တော်​သည် မြေကြီး​စွန်းတစ်ဘက်​မှ အခြား​မြေကြီး​စွန်းတစ်ဘက်​တိုင်အောင် ဝါးမျို​လိမ့်မည်​။ မည်သူမျှ ငြိမ်းချမ်း​စွာ​နေ​ရ​မည်​မ​ဟုတ်​။

ယေ​ရ​မိ 12:4

တိုင်းပြည်​သည် မည်သည့်​အချိန်​ထိ ငိုကြွေးမြည်တမ်း​ရ​မည်နည်း​။ ကွင်းပြင်​ရှိ​မြက်​တို့​သည် မည်သည့်​အချိန်​ထိ ခြောက်သွေ့​ရ​မည်နည်း​။ “​ငါ​တို့​၏​အဆုံး​ကို ကိုယ်တော်​မ​မြင်​”​ဟု ပြောဆို​ကြ​သော ပြည်သား​တို့​၏​မကောင်းမှု​ကြောင့် တိရစ္ဆာန်​များ​၊ ငှက်​များ သေကျေပျက်စီး​ကုန်​ပါ​ပြီ​။

ယေ​ရ​မိ 15:3

တစ်ဖန် ထာဝရဘုရား​က “​သတ်ဖြတ်​မည့်​ဓား​၊ ကိုက်ဆွဲ​သွား​မည့်​ခွေး​၊ ဝါးမျို​ဖျက်ဆီး​မည့် ကောင်းကင်​ငှက်​နှင့်​မြေ​တိရစ္ဆာန် စသည့်​ဘေး​လေး​မျိုး​ကို သူ​တို့​ထံ ငါ​စေလွှတ်​မည်​။

ယေ​ရ​မိ 25:27

ထို့နောက် ထို​သူ​တို့​အား “အစ္စရေး​လူမျိုး​တို့​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘သင်​တို့​ထံ ငါ​စေလွှတ်​သော​ဓား​ကြောင့် သောက်​၍ မူး​ကြ​၊ အန်​ကြ​၊ လဲ​ကြ​။ သင်​တို့ ပြန်ထ​နိုင်​မည်​မ​ဟုတ်’​ဟူ၍ မိန့်​တော်မူ​သည်”​ဟု သင်​ဆင့်ဆို​ရ​မည်​။

ယေ​ရ​မိ 4:21

အချက်ပြအလံ​ကို မည်သည့်​အချိန်​အထိ ငါ​မြင်​နေ​ရ​မည်နည်း​။ တံပိုးမှုတ်သံ​ကို မည်သည့်​အချိန်​အထိ ငါ​ကြား​နေ​ရ​မည်နည်း​။

ယေ​ရ​မိ 48:10

ထာဝရဘုရား​၏​အမှု​တော်​ကို လုံ့လစိုက်​၍ မ​လုပ်ဆောင်​သော​သူ​သည် ကျိန်​ခြင်း​ခံရ​မည်​။ လူ​ကို​မ​သတ်​ဘဲ မိမိ​၏​ဓား​ကို ပြန်ရုပ်သိမ်း​သော​သူ​သည် ကျိန်​ခြင်း​ကို​ခံရ​မည်​။

ယေ​ရ​မိ 50:35

ထာဝရဘုရား​က “​ခါလဒဲ​လူမျိုး​၊ ဘေဘီလုံ​မြို့သား​တို့​အပါအဝင် အကြီးအကဲ​များ​၊ ပညာရှိ​များ​အပေါ်​သို့ ဓားဘေး​ကျရောက်​လိမ့်မည်​။

ယေ​ဇ​ကျေ​လ 14:17

“သို့မဟုတ် တိုင်းပြည်​တွင် ဓားဘေး​ကျရောက်​စေ”​ဟု ငါ​အမိန့်ပေး​သဖြင့် ဓားဘေး​ကျရောက်​၍ လူ​နှင့်​တိရစ္ဆာန်​တို့​ကို သုတ်သင်ပယ်ရှင်း​ပစ်​မည်​ဆို​ပါစို့​။

ယေ​ဇ​ကျေ​လ 21:30

ဓား​ကို ဓားအိမ်​သို့ ပြန်သွင်း​လော့​။ စင်စစ် သင်​မွေးဖွား​ရာ​သင့်​ဇာတိ​မြေ​တွင်ပင် သင့်​ကို ငါ​စီရင်​မည်​။

ဇာ​ခ​ရိ 13:7

ကောင်းကင်​ဗိုလ်ခြေ​အရှင်​ထာဝရဘုရား​က “​အို ဓား​၊ ထ​လော့​။ ငါ​၏​သိုးထိန်း​ကို တိုက်ခိုက်​လော့​။ ငါ​၏​အိမ်နီးချင်း​ကို တိုက်ခိုက်​လော့​။ သိုးထိန်း​ကို​ရိုက်နှက်​လော့​။ ထိုအခါ သိုး​တို့ ကွဲလွင့်​သွား​ကြ​လိမ့်မည်​။ ငါ​သည်​လည်း သိုးငယ်​များ​ကို လက်​ဖြင့်​ရွယ်​၍ တိုက်ခိုက်​မည်”​ဟု မိန့်​တော်မူ​၏​။

ရှင်ယောဟန် 18:11

ယေရှု​က​လည်း“ဓား​ကို ဓားအိမ်​ထဲသို့​ပြန်​သွင်း​လော့။ ငါ့​အား ခမည်းတော်​ပေး​တော်မူ​သော​ခွက်​ကို ငါ​မ​သောက်​ဘဲ​နေ​ရ​မည်​လော”​ဟု ပေတရု​အား မိန့်​တော်မူ​၏။

သူ​ကြီး 7:20

သူ​တို့ သုံးဖွဲ့စလုံး လက်ဝဲ​လက်​၌ မီးတုတ်​၊ လက်ယာ​လက်​၌ တံပိုး​ကို ကိုင်ဆောင်​ပြီး တံပိုး​ကို​မှုတ်​၍ ရေအိုး​ကို​ရိုက်ခွဲ​ကာ “​ထာဝရဘုရား​၏​ဓား​၊ ဂိဒေါင်​၏​ဓား​”​ဟု ကြွေးကြော်​ကြ​ပြီး