Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




ယေ​ရ​မိ 3:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

21 အစ္စရေး​အမျိုးသား​တို့​သည် ဖောက်ပြန်​လမ်းလွဲ​၍ ဘုရားသခင်​ထာဝရဘုရား​ကို မေ့လျော့​ကြ​သောကြောင့် တောင်ကတုံး​များ​ပေါ်၌ သူ​တို့​ငိုကြွေး​သော​အသံ​၊ အသနားခံ​သော​အသံ​ကို ကြား​ရ​ပြီ​။

အခန်းကိုကြည့်ပါ။ ကော်ပီ

Common Language Bible

21 တောင်​ထိပ်​များ​ပေါ်​တွင်​အ​သံ​တစ်​ခု​ကို ကြား​ရ​ကြ​၏။ ထို​အ​သံ​ကား​ဣ​သ​ရေ​လ​ပြည်​သား​တို့​သည် အ​ပြစ်​ဒု​စ​ရိုက်​တွင်​ကျင်​လည်​ကာ၊ မိ​မိ​တို့​ဘု​ရား​သ​ခင်​ထာ​ဝ​ရ​ဘု​ရား​အား မေ့​လျော့​ခဲ့​ကြ​သ​ဖြင့်၊ ငို​ကြွေး​လျက်​ပန်​ကြား​လျှောက်​ထား​ကြ​သည့် အ​သံ​ပင်​ဖြစ်​၏။

အခန်းကိုကြည့်ပါ။ ကော်ပီ

Garrad Bible

21 ကိုယ် ဘု ရား သ ခင် ထာ ဝ ရ ဘု ရား အား သ တိ လစ် လျက် အ လေ့ အ လာ ကောက် ကျစ် သော ဣ သ ရေ လ အ မျိုး သား တို့ ငို ကြွေး သံ၊ အ သ နား ခံ သံ ကို ကုန်း ထိပ် များ ပေါ် တွင် ကြား ရ သည် တ ကား။

အခန်းကိုကြည့်ပါ။ ကော်ပီ

Judson Bible

21 ဣ​သ​ရေ​လ အ​မျိုး​သား​တို့​သည် မြင့်​သော​အ​ရပ်​တို့၌ ငို​ကြွေး၍ တောင်း​ပန်​သော​အ​သံ​ကို ငါ​ကြား​ရ​ပြီ။ အ​ကြောင်း​မူ​ကား၊ သူ​တို့​သည် လမ်း​လွှဲ၍၊ မိ​မိ​တို့​ဘု​ရား​သ​ခင် ထာ​ဝ​ရ​ဘု​ရား​ကို မေ့​လျော့​ကြ​ပြီ။

အခန်းကိုကြည့်ပါ။ ကော်ပီ




ယေ​ရ​မိ 3:21
24 ပူးပေါင်းရင်းမြစ်များ  

သူ​သည် လူ​တို့​ကို​ကြည့်ရှု​၍ ‘​ငါ​သည် ဖြောင့်မှန်​သော​လမ်း​မှ​လွဲ​၍ အပြစ်ပြု​မိ​ပြီ​။ သို့သော် ငါ​ခံထိုက်​သော​အပြစ်​ကို ခံ​စေ​တော်​မ​မူ​။


တည်ကြည်​စွာ​လျှောက်လှမ်း​သော​သူ​သည် ဘေးကင်းလုံခြုံ​စွာ​လျှောက်လှမ်း​ရ​လိမ့်မည်​။ မိမိ​လမ်း​တို့​ကို​ကွေ့ကောက်​စေ​သော​သူ​၏ သဘော​မူကား သိသာထင်ရှား​လာ​လိမ့်မည်​။


လူ​သည် မိမိ​၏​မိုက်မဲမှု​ကြောင့် မိမိ​လမ်းခရီး​မှားယွင်း​ချွတ်ချော်​သောအခါ​ပင် သူ​၏​စိတ်နှလုံး​တွင် ထာဝရဘုရား​ကို​စိတ်ဆိုး​တတ်​၏​။


မောဘ​ပြည်သား​တို့​သည် မြင့်ရာအရပ်​ရှိ အိမ်​တော်​သို့​၊ ဒိဘုန်​မြို့​သို့ တက်သွား​၍ ငိုကြွေး​ကြ​ပြီ​။ နေဗော​မြို့​၊ မေဒဘ​မြို့​အတွက် ညည်းတွားငိုကြွေး​ကြ​ပြီ​။ သူ​တို့​အားလုံး ခေါင်းတုံးတုံး​ကြ​၏​။ မုတ်ဆိတ်​ရိတ်​ကြ​၏​။


သင်​သည် သင့်​ကို​ကယ်တင်​တော်မူ​သော​ဘုရားသခင်​ကို မေ့လျော့​၍ သင်​၏​မှီခို​ရာ​ကျောက်ဆောင်​ကို မ​အောက်မေ့​။ ထို့ကြောင့် နှစ်သက်​ဖွယ်​သော​အပင်​တို့​ကို​စိုက်ပျိုး​လိမ့်မည်​။ တစ်ပါးအမျိုးသား​၏​စပျစ်ကိုင်း​ကို စိုက်​လိမ့်မည်​။


မည်သူ့​ကို ထိတ်လန့်​ကြောက်ရွံ့​၍ သင်​လိမ်လည်​သနည်း​၊ ငါ့​ကို သင်​မ​အောက်မေ့​၊ ငါ့​ကို သင့်​စိတ်​ထဲ၌ မ​ထား​။ ငါ ကြာမြင့်​စွာ​တိတ်ဆိတ်​နေ​သောကြောင့် သင်​ငါ့​ကို​မ​ကြောက်​သည် မ​ဟုတ်​လော​။


အဖျက်သမား​တို့​သည် တောကန္တာရ​ရှိ​တောင်ကတုံး​များ​ပေါ်သို့ တက်လာ​ကြ​ပြီ​။ ထာဝရဘုရား​၏​ဓား​တော်​သည် မြေကြီး​စွန်းတစ်ဘက်​မှ အခြား​မြေကြီး​စွန်းတစ်ဘက်​တိုင်အောင် ဝါးမျို​လိမ့်မည်​။ မည်သူမျှ ငြိမ်းချမ်း​စွာ​နေ​ရ​မည်​မ​ဟုတ်​။


ထာဝရဘုရား​က “​သင်​သည် ငါ့​ကို​မေ့လျော့​၍ အချည်းနှီး​သော​အရာ​ကို ယုံကြည်ကိုးစား​သောကြောင့် ဤသည်ကား သင့်​ကို ငါ​ခွဲဝေ​ပေး​သော ဝေစု​ဖြစ်​၏​။


သို့သော် ငါ​၏​လူမျိုး​သည် ငါ့​ကို​မေ့လျော့​ပြီ​။ သူ​တို့​သည် အချည်းနှီး​သော​အရာ​ရှေ့​၌ နံ့သာပေါင်း​ကို​မီးရှို့​ကြ​လေ​ပြီ​။ သူ​တို့​သည် ရှေးလမ်းဟောင်း​များ​တွင် ခလုတ်တိုက်​လဲကျ​ကြ​လေ​ပြီ​။ လမ်းမ မ​ဟုတ်​သော လမ်းကြား​များ​တွင် လိုက်လျှောက်​ကြ​လေ​ပြီ​။


အပျိုကညာ​သည် မိမိ​အဆင်တန်ဆာ​ကို​လည်းကောင်း​၊ သတို့သမီး​သည် မိမိ​မင်္ဂလာဆောင်ဝတ်စုံ​ကို​လည်းကောင်း မေ့လျော့​နိုင်​မည်လော​။ သို့သော် ငါ​၏​လူ​တို့​သည် ကာလ​ကြာမြင့်​စွာ ငါ့​ကို​မေ့လျော့​ကြ​ပြီ​။


တောင်ကတုံး​များ​ပေါ်သို့ မျှော်ကြည့်​လော့​။ ယောက်ျား​တို့​နှင့် သင်​မ​အိပ်​ဖူး​သော​နေရာ ရှိ​သလော​။ တောကန္တာရ​မှ အာရပ်​လူမျိုး​ကဲ့သို့ သင်​သည် လမ်း​များ​၌​ထိုင်​၍ သူ​တို့​ကို စောင့်​နေ​၏​။ သင်​သည် ဖောက်ပြန်​သော​အပြစ်​အားဖြင့်​လည်းကောင်း​၊ မကောင်းမှု​အားဖြင့်​လည်းကောင်း ပြည်​ကို​ညစ်ညူး​စေ​ပြီ​။


သူ​တို့​သည် ငိုကြွေး​လျက် ပြန်လာ​ကြ​လိမ့်မည်​။ သူ​တို့​ကို နှစ်သိမ့်​လျက် ငါ​ပြန်ခေါ်​လာ​မည်​။ သူ​တို့​ကို စမ်းချောင်း​နား​၊ သူ​တို့​ခလုတ်​မ​တိုက်​နိုင်​သည့် ဖြောင့်ဖြူး​သော​လမ်း​ဖြင့် ငါ​ပို့ဆောင်​မည်​။ ငါ​သည် အစ္စရေး​လူမျိုး​၏​အဖ​ဖြစ်​၏​။ ဧဖရိမ်​အမျိုး​သည် ငါ​၏​သားဦး​ဖြစ်​၏​”​ဟု မိန့်​တော်မူ​၏​။


သင်​တို့​၏​ဆံပင်​ကို​ရိတ်​၍ လွှင့်ပစ်​လော့​။ တောင်ကတုံး​များ​ပေါ်၌ မြည်တမ်း​ခြင်း​ပြု​ကြ​လော့​။ အကြောင်းမူကား ထာဝရဘုရား​သည် အမျက်​တော်​ခံထိုက်​သော​မျိုးဆက်​ကို ပယ်​တော်မူ​ပြီ​၊ စွန့်ပစ်​တော်မူ​ပြီ’​ဟူ၍ ပြောကြား​ရ​မည်”​ဟု မိန့်​တော်မူ​၏​။


တစ်ဖန် ဘုရားရှင်​ထာဝရဘုရား​က ‘​သင်​သည် ငါ့​ကို​မေ့လျော့​ပြီး လျစ်လျူရှု​ထား​၏​။ ထို့ကြောင့် သင်​ပြု​သော​ညစ်ညမ်းမှု​၊ ဖောက်ပြန်မှားယွင်း​မှု​များ​၏​အကျိုးဆက်​ကို သင်​ပြန်​ခံရ​မည်’​ဟူ၍ မိန့်​တော်မူ​သည်​”​ဟု မိန့်ဆို​၏​။


ထို​ဘေး​မှ​လွတ်​၍ အသက်ရှင်​ကျန်ရစ်​သော​သူ​တို့​သည်​လည်း သူ​တို့​အပြစ်​ကြောင့် ချိုင့်ဝှမ်း​ရှိ​ခိုငှက်​ကဲ့သို့ တောင်​ပေါ်တွင် ညည်းညူ​နေ​လိမ့်မည်​။


သူ​တို့​ကို ဝလင်​စွာ​ကျွေးမွေး​ခဲ့​၏​။ သူ​တို့​ဝလင်​လာ​သောအခါ ထောင်လွှား​သော​စိတ်​ဝင်​၍ ငါ့​ကို မေ့လျော့​လာ​ကြ​၏​။


အစ္စရေး​သည် သူ့​ကို​ဖန်ဆင်း​တော်မူ​သော​အရှင်​ကို မေ့လျော့​၍ ဘုံဗိမာန်​များစွာ​ကို တည်​လေ​ပြီ​။ ယုဒ​သည်​လည်း ခံတပ်​မြို့​များ​ကို တည်​လေ​ပြီ​။ သို့သော် ငါ​သည် ထို​မြို့​များ​အပေါ်​သို့ မီး​ကို​ကျရောက်​စေ​၍ ခံတပ်​မြို့​များ​ကို လောင်ကျွမ်း​စေ​မည်​။”


အို ယာကုပ်​အကြီးအမှူး​တို့​နှင့် အစ္စရေး​အုပ်ချုပ်သူ​တို့​၊ နားထောင်​ကြ​လော့​။ သင်​တို့​သည် တရားမျှတမှု​ကို​စက်ဆုပ်ရွံရှာ​၍ ဖြောင့်မှန်​သော​အမှု​ရှိသမျှ​ကို ကွေ့ကောက်​စေ​ကြ​၏​။


ထာဝရဘုရား​၏​ကောင်းကင်တမန်​က ဗာလမ်​အား “​သင်​သည် မည်သည့်​အတွက်​ကြောင့် သင်​၏​မြည်း​ကို ဤသို့​သုံး​ကြိမ်​ရိုက်​ရ​သနည်း​။ သင်​သွား​သော​လမ်း​သည် ငါ​နှင့်​ဆန့်ကျင်ဘက်​ဖြစ်​သောကြောင့် သင့်​ကို​တားဆီး​ရန် ငါ​လာ​၏​။


အကြောင်းမူကား ဘုရားသခင်​၏​အလို​တော်​နှင့်​ညီ​သော ဝမ်းနည်း​ခြင်း​သည် ယူကျုံးမရ​မ​ဖြစ်​ရ​လေ​အောင် ကယ်တင်​ခြင်း​ရရှိ​စေ​သည့် နောင်တ​စိတ်​ကို​ဖြစ်ပေါ်​စေ​၏။ လောကီ​ဝမ်းနည်း​ခြင်း​မူကား သေ​ခြင်း​ကို​ဖြစ်ပေါ်​စေ​၏။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ