ယောဘဝတ္တု။ 7:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ လူ​ကို​စောင့်ကြည့်​တော်မူ​သော​အရှင်​၊ အကျွန်ုပ်​အပြစ်​ပြု​မိ​ပြီ​လော​။ ကိုယ်တော့်​ကို​မည်သို့​ပြု​မိ​ပါ​သနည်း​။ အကျွန်ုပ်​သည် ကိုယ့်ကိုယ်ကိုယ် ဝန်ထုပ်ဝန်ပိုး​ဖြစ်​ရ​သည်​အထိ အဘယ်ကြောင့်​အကျွန်ုပ်​ကို​ပစ်မှတ်​ထား​တော်မူ​ပါ​သနည်း​။

Common Language Bible

²⁰ လူကိုစောင့်တော်မူသောအရှင်၊ အကျွန်ုပ်အပြစ် ရှိသည်မှန်ပါစေတော့။ ကိုယ်တော်ရှေ့မှာ အဘယ်သို့ ပြုရပါမည်နည်း။ အကျွန်ုပ်သည် ကိုယ်ကိုကိုယ်ရွံ့ရှာရ သည်တိုင်အောင် အကျွန်ုပ်ကို အဘယ်ကြောင့် ပစ်စရာ စက်သွင်းတော်မူသနည်း။

Garrad Bible

²⁰ လူ တို့ ကို စောင့် ကြည့် တော် မူ သော အ ရှင်၊ အ ကျွန်ုပ် ပြစ် မှား သည် မှန် ပါ က၊ ကိုယ် တော် အား မည် သို့ ပြု မိ ပါ သ နည်း။ အ သက် ရှင် ခြင်း ဝန် လေး သည့် တိုင် အောင်၊ ရှေ့ တော် တွင် ခ လုတ် အ ဖြစ် ဖြင့်၊ အ ကျွန်ုပ် ကို အ ဘယ့် ကြောင့် ထား တော် မူ ပါ သ နည်း။

Judson Bible

²⁰ လူ​ကို စောင့်​တော်​မူ​သော​အ​ရှင်၊ အ​ကျွန်ုပ်​အ​ပြစ်​ရှိ​သည် မှန်​ပါ​စေ​တော့။ ကိုယ်​တော်​ရှေ့​မှာ အ​ဘယ်​သို့ ပြု​ရ​ပါ​မည်​နည်း။ အ​ကျွန်ုပ်​သည် ကိုယ်​ကို​ကိုယ် ရွံ​ရှာ​ရ​သည်​တိုင်​အောင် အ​ကျွန်ုပ်​ကို အ​ဘယ်​ကြောင့် ပစ်စရာစက်သွင်း​တော်​မူ​သ​နည်း။

ယောဘဝတ္တု။ 7:20 ပူးပေါင်းရင်းမြစ်များ

နေ​ဟ​မိ 9:6

ကိုယ်တော်​တစ်ပါးတည်း​သာလျှင် ထာဝရဘုရား​ဖြစ်​တော်မူ​၏​။ ကိုယ်တော်​သည် မိုးကောင်းကင်​၊ အမြင့်ဆုံးသောကောင်းကင်​နှင့်​ကောင်းကင်တန်ဆာ​အားလုံး​၊ မြေကြီး​နှင့်​မြေကြီး​တန်ဆာ​အားလုံး​၊ ပင်လယ်​နှင့်​ပင်လယ်တန်ဆာ​အားလုံး​ကို ဖန်ဆင်း​တော်မူ​၍ ထို​အရာ​အားလုံး​ကို​လည်း အသက်ရှင်​စေ​တော်မူ​၏​။ ကောင်းကင်​ဗိုလ်ခြေ​တို့​သည် ကိုယ်တော်​ကို​ရှိခိုးကိုးကွယ်​ကြ​ပါ​၏​။

ယောဘဝတ္တု။ 10:14

အကျွန်ုပ်​အပြစ်ပြု​မိ​လျှင် ကိုယ်တော်​မှတ်​တော်မူ​ပြီး အပြစ်​မှ​ကင်းလွတ်​ခွင့်​ကို အကျွန်ုပ်​အား ပေး​တော်မူ​မည်​မ​ဟုတ်​။

ယောဘဝတ္တု။ 10:2

ငါ​သည် ဘုရားသခင်​အား ‘​အကျွန်ုပ်​ကို အပြစ်ရှိ​သည်​ဟု မ​စီရင်​ပါ​နှင့်​။ အဘယ်ကြောင့် အကျွန်ုပ်​အား စွဲချက်တင်​တော်မူ​သည်​ကို အကျွန်ုပ်​အား မိန့်ဆို​တော်မူ​ပါ​။

ယောဘဝတ္တု။ 10:6

ထို့ကြောင့် ကိုယ်တော်​သည် အကျွန်ုပ်​၏​အမှား​ကို ရှာ​၍ အကျွန်ုပ်​၏​အပြစ်​ကို စိစစ်​နေ​သလော​။

ယောဘဝတ္တု။ 13:26

အကျွန်ုပ်​အဖို့ ပြင်းထန်​သော​စွဲချက်​များ​ကို ရေးမှတ်​ထား​၍ အကျွန်ုပ်​ငယ်စဉ်​က ပြု​မိ​သော​ဒုစရိုက်​များ​ကို ပြန်၍​ခံရ​စေ​တော်မူ​၏​။

ယောဘဝတ္တု။ 14:16

အကယ်စင်စစ် ကိုယ်တော်​သည် အကျွန်ုပ်​၏​ခြေလှမ်း​တို့​ကို ရေတွက်​တော်မူ​သော်လည်း အကျွန်ုပ်​၏​အပြစ်​ကို မှတ်​တော်​မ​မူ​ပါ​။

ယောဘဝတ္တု။ 22:5

သင်​ပြု​သော​မကောင်းမှု​များ​မှာ များပြား​လွန်း​သည်​မ​ဟုတ်​လော​။ သင်​ပြု​သော​အပြစ်​များ​မှာ​လည်း အဆုံး​မ​ရှိ​။

ယောဘဝတ္တု။ 3:24

ငါ​သည် စားသောက်​ရ​မည့်​အစား ငိုကြွေး​နေ​ရ​ပါ​၏​။ ရေ​စီးဆင်း​သကဲ့သို့ ညည်းတွား​နေ​ရ​ပါ​၏​။

ယောဘဝတ္တု။ 31:33

ငါ​သည် အခြား​သော​သူ​တို့​ပြု​တတ်​သကဲ့သို့ ကိုယ့်​အပြစ်​ကို ဖုံးကွယ်​ဖူး​သလော​။ ကိုယ့်​ဒုစရိုက်​ကို စိတ်​ထဲ၌​ဝှက်​ထား​ဖူး​သလော​။

ယောဘဝတ္တု။ 33:27

သူ​သည် လူ​တို့​ကို​ကြည့်ရှု​၍ ‘​ငါ​သည် ဖြောင့်မှန်​သော​လမ်း​မှ​လွဲ​၍ အပြစ်ပြု​မိ​ပြီ​။ သို့သော် ငါ​ခံထိုက်​သော​အပြစ်​ကို ခံ​စေ​တော်​မ​မူ​။

ယောဘဝတ္တု။ 33:9

သင်​က ‘​ငါ​သန့်ရှင်း​၏​။ ကျူးလွန်​သော​အပြစ်​မ​ရှိ​။ ငါ​အပြစ်ကင်း​၏​။ ငါ​၌​အပြစ်​မ​ရှိ​။

ယောဘဝတ္တု။ 35:3

‘​ငါ​အပြစ်​မ​ပြု​လျှင် ကိုယ်တော့်​အဖို့ မည်သို့​အကျိုးရှိ​မည်နည်း​။ ငါ့​အဖို့​လည်း မည်သို့​အကျိုးရှိ​မည်နည်း​’​ဟု သင်​ဆို​၏​။

ယောဘဝတ္တု။ 35:6

သင်​အပြစ်ပြု​လျှင်လည်း ကိုယ်တော့်​ကို မည်သို့​ထိခိုက်​စေ​နိုင်​မည်နည်း​။ သင်​အပြစ်​များစွာ​ကျူးလွန်​လျှင်လည်း ကိုယ်တော့်​ကို မည်သို့​ဖြစ်​စေ​နိုင်​မည်နည်း​။

ယောဘဝတ္တု။ 6:4

အကယ်စင်စစ် အနန္တတန်ခိုးရှင်​ထံမှ မြား​တို့​သည် ငါ့​ကိုယ်​၌​စိုက်ဝင်​လျက်​ရှိ​၏​။ ငါ့​စိတ်ဝိညာဉ်​သည် ထို​မြား​တို့​၏​အဆိပ်ရည်​ကို သောက်သုံး​နေ​ရ​၏​။ ဘုရားသခင်​ထံမှ ကြောက်မက်ဖွယ်​ရာ​တို့​သည် ငါ့​ရှေ့​၌ တန်းစီ​လျက်​ရှိ​၏​။

ဆာ​လံ 21:12

အကြောင်းမူကား ကိုယ်တော်​သည် ကိုယ်တော်​၏​လေးကြိုး​ကို​တင်​လျက် သူ​တို့​၏​မျက်နှာ​ကို​ချိန်​ထား​၍ သူ​တို့​ကို​နောက်​လှည့်ပြေး​စေ​တော်မူ​လိမ့်မည်​။

ဆာ​လံ 36:6

ကိုယ်တော်​၏​ဖြောင့်မတ်​ခြင်း​သည် မြင့်မား​သော​တောင်​များ​ကဲ့သို့​လည်းကောင်း​၊ ကိုယ်တော်​၏​တရားစီရင်​ခြင်း​တို့​သည် အလွန်​နက်ရှိုင်း​ရာ​အရပ်​ကဲ့သို့​လည်းကောင်း ဖြစ်​ပါ​၏​။ အို ထာဝရဘုရား​၊ ကိုယ်တော်​သည် လူ​နှင့်​တိရစ္ဆာန်​တို့​ကို ကယ်တင်​တော်မူ​၏​။

ဆာ​လံ 80:4

အို ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​၊ ကိုယ်တော်​၏​အမျက်​တော်​သည် ကိုယ်တော့်​လူမျိုး​တော်​၏​ဆုတောင်း​ခြင်း​အပေါ် မည်မျှ​ကြာ​အောင် တငွေ့ငွေ့​လောင်​တော်မူ​မည်နည်း​။

မြည်​တမ်း​စ​ကား 3:12

ကိုယ်တော်​သည် လေး​ကို​တင်​ပြီး ငါ့​ကို​ပစ်မှတ်​ထား​၍ မြား​ဖြင့်​ချိန်ရွယ်​တော်မူ​ပြီ​။