မိက္ခာ 7:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို​နေ့ရက်​၌ လူ​တို့​သည် အဆီးရီးယား​ပြည်​မှစ၍ အီဂျစ်​မြို့ရွာ​များ​၊ အီဂျစ်​ပြည်​မှစ၍ ယူဖရေးတီး​မြစ်​တိုင်အောင် ပင်လယ်​အရပ်ရပ်​၊ တောင်တန်း​အသွယ်သွယ်​တို့​မှ သင့်​ထံသို့ လာ​ကြ​လိမ့်မည်​။

Common Language Bible

¹² သင်​တို့​၏​လူ​မျိုး​တော်​သည်​အ​ရှေ့​ဘက် အာ​ရှု​ရိ​ပြည်​မှ​လည်း​ကောင်း၊ တောင်​ဘက် အီ​ဂျစ်​ပြည်​မှ​လည်း​ကောင်း၊ ဥ​ဖ​ရတ်​မြစ် ဝှမ်း​ဒေ​သ​မှ​လည်း​ကောင်း၊ ဝေး​လံ​သော ပင်​လယ်​များ​နှင့်​တောင်​များ​မှ​လည်း​ကောင်း သင်​တို့​ထံ​သို့​ပြန်​လာ​ကြ​လိမ့်​မည်။-

Judson Bible

¹² ထို​ကာ​လ၌ အာ​ရှု​ရိ​ပြည်​နှင့် အဲ​ဂု​တ္တု​မြို့​များ​မှ​လည်း​ကောင်း၊ အဲ​ဂု​တ္တု​ပြည်​နှင့် မြစ်​ကြီး​စပ်​ကြား အ​ရပ်​မှ​လည်း​ကောင်း၊ ပင်​လယ်​ကမ်း​နား​အ​ရပ်​ရပ်၊ တောင်​ခြေ​ရင်း အ​ရပ်​ရပ်​တို့​မှ​လည်း​ကောင်း၊ သင့်​ထံ​သို့ လာ​ကြ​လိမ့်​မည်။

မိက္ခာ 7:12 ပူးပေါင်းရင်းမြစ်များ

ဟေ​ရှာ​ယ 11:11

ထို​နေ့ရက်​၌ ဘုရားရှင်​သည် အဆီးရီးယား​ပြည်​၊ အီဂျစ်​ပြည်​၊ ပါသရု​ပြည်​၊ အီသီယိုးပီးယား​ပြည်​၊ ဧလံ​ပြည်​၊ ရှိနာ​ပြည်​၊ ဟာမတ်​ပြည်​နှင့် ပင်လယ်​ကမ်းရိုးတန်းဒေသ​တို့​မှ ကြွင်းကျန်​နေ​သော မိမိ​၏​လူမျိုး​တော်​တို့​ကို ပြန်သိမ်းယူ​ရန် ဒုတိယအကြိမ် လက်​ကို​ဆန့်​တော်မူ​မည်​။

ဟေ​ရှာ​ယ 11:16

အစ္စရေး​လူမျိုး​တို့ အီဂျစ်​ပြည်​မှ​ထွက်လာ​သော​နေ့​၌ သူ​တို့​အတွက် လမ်းမကြီး​ဖြစ်​ခဲ့​သကဲ့သို့ အဆီးရီးယား​ပြည်​မှ အသက်ရှင်​ကျန်ရစ်​သော​လူမျိုး​တော်​အတွက် လမ်းမကြီး​ဖြစ်​လိမ့်မည်​။

ဟေ​ရှာ​ယ 43:6

မြောက်အရပ်​အား ‘​ပေး​လော့​’​၊ တောင်​အရပ်​အား ‘​မ​ထိန်းချုပ်​ထား​နှင့်​’​ဟု ငါ​ဆို​မည်​။ ဝေး​သော​အရပ်​မှ ငါ့​သား​များ​နှင့် မြေကြီး​စွန်း​မှ ငါ့​သမီး​များ​ကို ခေါ်ဆောင်​ခဲ့​လော့​။

ဟေ​ရှာ​ယ 49:12

ကြည့်ရှု​လော့​။ သူ​တို့​သည် ရပ်ဝေး​မှ​လာ​ကြ​လိမ့်မည်​။ မြောက်အရပ်​၊ အနောက်​အရပ်​မှ​လည်းကောင်း​၊ သိနိမ်​ပြည်​မှ​လည်းကောင်း လာ​ကြ​လိမ့်မည်​”​ဟု မိန့်​တော်မူ​၏​။

ယေ​ရ​မိ 23:3

“​ကြွင်းကျန်​သော ငါ​၏​သိုးစု​ကို ငါ​နှင်ထုတ်​ရာ​အရပ်ရပ်​မှ ငါ​စုသိမ်း​မည်​။ သူ​တို့​၏​စားကျက်မြေ​သို့ သူ​တို့​ကို ပြန်ခေါ်​လာ​မည်​။ သူ​တို့​သည် တိုးပွား​များပြား​ကြ​လိမ့်မည်​။

ယေ​ရ​မိ 3:18

ထို​ကာလ​၌ ယုဒ​အမျိုးအနွယ်​သည် အစ္စရေး​အမျိုးအနွယ်​တို့​နှင့်အတူ သွားလာ​ကြ​လိမ့်မည်​။ သူ​တို့​သည် သင်​တို့​ဘိုးဘေး​တို့​အား ငါ​အမွေပေး​သော​ပြည်​သို့ မြောက်ဘက်​အရပ်​မှ အတူတကွ​လာ​ကြ​လိမ့်မည်​။

ယေ​ရ​မိ 31:8

ငါ​သည် ထို​သူ​တို့​ကို မြောက်ဘက်​အရပ်​မှ ခေါ်ဆောင်​လာ​မည်​။ မြေကြီး​စွန်း​မှ ခေါ်ယူစုစည်း​မည်​။ သူ​တို့​နှင့်အတူ မျက်စိမမြင်​သူ​၊ ခြေမသန်သူ​၊ ကိုယ်ဝန်ဆောင်​သူ​၊ မီးဖွားခါနီးသူ​ပါ​သော လူအုပ်​ကြီး​သည် ဤ​အရပ်​သို့ ပြန်လာ​ကြ​လိမ့်မည်​။

ယေ​ရ​မိ 46:27

ထာဝရဘုရား​က “​အို ငါ့​အစေအပါး​ယာကုပ်​၊ မ​ကြောက်​နှင့်​။ အို အစ္စရေး​လူမျိုး​၊ စိတ်​မ​ပျက်​နှင့်​။ ကြည့်ရှု​လော့​။ ဝေး​သော​ပြည်​မှ သင့်​ကို ငါ​ကယ်တင်​မည်​။ ဖမ်းခေါ်​သွား​ခြင်း​ခံရ​သော​ပြည်​မှ သင့်​သားစဉ်မြေးဆက်​ကို ငါ​ကယ်တင်​မည်​။ ယာကုပ်​သည် ပြန်လာ​၍ ခြိမ်းခြောက်​မည့်​သူ​မ​ရှိ​ဘဲ ငြိမ်းချမ်း​သာယာ​စွာ နေ​ရ​လိမ့်မည်​။

ယေ​ဇ​ကျေ​လ 29:21

ဘုရားရှင်​ထာဝရဘုရား​က ‘ထို​နေ့ရက်​တွင် အစ္စရေး​အမျိုးအနွယ်​၏​ဦးချို​ကို ငါ​ပေါက်​စေ​မည်​။ သူ​တို့​အလယ်​တွင် သင့်​ကို ငါ​ဟောပြော​ခွင့်​ပေး​မည်​။ သို့မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 37:21

သူ​တို့​အား ‘ဘုရားရှင်​ထာဝရဘုရား​က ကြည့်ရှု​လော့​။ ငါ​သည် အစ္စရေး​အမျိုးသား​တို့​ကို သူ​တို့​ရောက်​ရာ​လူမျိုးခြား​တို့​အလယ်​မှ ပြန်ခေါ်​လာ​မည်​။ သူ​တို့​ရောက်​ရာ​အရပ်ရပ်​မှ သူ​တို့​ကို​စုစည်း​ပြီး နေရင်းပြည်​သို့ ပြန်ပို့ဆောင်​မည်​။

ဟော​ရှေ 11:11

သူ​တို့​သည် ကြောက်ရွံ့တုန်လှုပ်​လျက်​ငှက်​ကဲ့သို့ အီဂျစ်​ပြည်​မှ​လည်းကောင်း​၊ ချိုးငှက်​ကဲ့သို့ အဆီးရီးယား​ပြည်​မှ​လည်းကောင်း ထွက်လာ​ကြ​လိမ့်မည်​။ ငါ​သည် သူ​တို့​ကို နေရင်းပြည်​၌ နေရာချ​ထား​ပေး​မည်​”​ဟု ထာဝရဘုရား မိန့်​တော်မူ​၏​။