ဗျာ​ဒိတ် 20:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထို့နောက် ကောင်းကင်​တမန်​တစ်​ပါး​သည် အတိုင်းမသိ​နက်ရှိုင်းရာ​အရပ်​၏​သော့​နှင့် ကြီးမား​သော​သံကြိုး​တို့​ကို မိမိ​လက်​၌​ကိုင်​ထား​လျက် ကောင်းကင်​မှ​ဆင်းသက်​လာ​သည်​ကို ငါ​မြင်​ရ​၏။

Common Language Bible

¹ ထို​နောက်​ကောင်း​ကင်​တ​မန်​တစ်​ပါး​သည်​တွင်း နက်​ကြီး​၏​သော့​ကို​လည်း​ကောင်း၊ သံ​ကြိုး​ကြီး ကို​လည်း​ကောင်း ကိုင်​လျက်​ကောင်း​ကင်​မှ​ဆင်း လာ​သည်​ကို​ငါ​မြင်​ရ​၏။-

Garrad Bible

¹ တစ် ဖန် စေ တ မန် တော် တစ် ပါး သည် င ရဲ ဘုံ သော့ နှင့် သံ ကြိုး ကြီး တစ် စင်း ကို ကိုင် လျက် ကောင် ကင် ဘုံ မှ ဆင်း လာ ရာ၊

Judson Bible

¹ တစ်​ဖန် ကောင်း​ကင်​တ​မန်​သည် အ​နက်​ဆုံး​သော​တွင်း၏ သော့​နှင့် သံ​ကြိုး​ကြီး​ကို​ကိုင်​လျက် ကောင်း​ကင်​က ဆင်း​သက်​သည်​ကို ငါ​မြင်၏။-

ခေတ်သစ်​မြန်မာ သမ္မာကျမ်း

¹ ထို့နောက် ကောင်းကင်တမန်​တစ်ပါး​သည် တွင်းနက်ကြီး​၏​သော့​နှင့် သံကြိုးကြီး​ကို ကိုင်​လျက် ကောင်းကင်ဘုံ​မှ ဆင်းသက်လာသည်​ကို ကျွန်ုပ်​မြင်ရ၏။

ဗျာ​ဒိတ် 20:1 ပူးပေါင်းရင်းမြစ်များ

လုကာ 8:31

တစ်ဖန် နတ်ဆိုး​တို့​က မိမိ​တို့​ကို အတိုင်းမသိ​နက်ရှိုင်းရာ​အရပ်​ထဲသို့​သွား​ရန် အမိန့်​မ​ပေး​ပါ​မည့်အကြောင်း ကိုယ်တော်​အား​တောင်းပန်​ကြ​၏။

၂ ပေ 2:4

အကြောင်းမူကား ဘုရားသခင်​သည် အပြစ်​ပြု​သည့်​ကောင်းကင်​တမန်​များ​ကို ညှာတာ​တော်​မ​မူ​ဘဲ အဝီစိ​ငရဲ​ထဲသို့ ပစ်ချ​၍ မှောင်မည်း​ခြင်း​၏​သံကြိုး​ဖြင့် ချည်နှောင်​ကာ တရား​စီရင်​ခြင်း​အတွက် ထိန်းသိမ်း​ထား​တော်မူ​၏။

ယု​ဒ 1:6

ထို့ပြင် မိမိ​တို့​၏​မူလ​အခွင့်အာဏာ​ကို​မ​ထိန်းသိမ်း​ဘဲ မိမိ​တို့​စံ​ရာ​အရပ်​ကို စွန့်ခွာ​သွား​ကြ​သည့် ကောင်းကင်​တမန်​များ​အား တရား​စီရင်​တော်မူ​ရာ​နေ့​ကြီး​အတွက် ထာဝရ​အချုပ်အနှောင်​အားဖြင့် မှောင်မည်း​ခြင်း​အောက်၌ ထိန်းသိမ်း​ထား​တော်မူ​၏။

ဗျာ​ဒိတ် 1:18

အသက်ရှင်​သော​သူ​လည်း​ဖြစ်​၏။ ငါ​သည် သေ​ခဲ့​၏။ သို့သော် ကြည့်ရှု​လော့။ ငါ​သည် ကမ္ဘာ​အဆက်ဆက်​အသက်ရှင်​လျက်​ရှိ​၏။ သေ​ခြင်း​နှင့်​မရဏာ​နိုင်ငံ​တို့​၏​သော့​များ​ကို​လည်း ငါ​ကိုင်​ထား​၏။

ဗျာ​ဒိတ် 10:1

ထို့နောက် ခွန်အား​ကြီး​သော​ကောင်းကင်​တမန်​တစ်​ပါး​သည် မိုးတိမ်​ကို​ခြုံ​လျက် ကောင်းကင်​မှ​ဆင်းလာ​သည်​ကို ငါ​မြင်​ရ​၏။ သူ​၏​ဦးခေါင်း​ပေါ်တွင် သက်တံ​ရှိ​၍ သူ​၏​မျက်နှာ​သည် နေ​ကဲ့သို့​ဖြစ်​ပြီး သူ​၏​ခြေ​သည် မီးလျှံ​တိုင်​ကဲ့သို့​ဖြစ်​၏။

ဗျာ​ဒိတ် 18:1

ထို့နောက် ကြီးမား​သော​အခွင့်​အာဏာ​ပါ​လျက် ကောင်းကင်​မှ​ဆင်းသက်​လာ​သည့် အခြား​သော​ကောင်းကင်​တမန်​တစ်​ပါး​ကို ငါ​မြင်​ရ​၏။ ကမ္ဘာ​မြေကြီး​သည် သူ​၏​ဘုန်း​အသရေ​ကြောင့် ထွန်းလင်း​တောက်ပ​လေ​၏။

ဗျာ​ဒိတ် 20:3

အနှစ်​တစ်ထောင်​ကုန်ဆုံး​သည်​အထိ လူ​များ​တို့​ကို နောက်ထပ်​မ​လှည့်ဖြား​နိုင်​ရန် သူ့​ကို အတိုင်းမသိ​နက်ရှိုင်းရာ​အရပ်​ထဲသို့​ပစ်ချ​လျက် ပိတ်လှောင်​ကာ အပေါ်​မှ​တံဆိပ်​ခတ်​ထား​လေ​၏။ ထို​အချိန်​ကာလ​များ​ပြီးမှ သူ့​ကို ခေတ္တ​ခဏ​လွှတ်​ပေး​ရ​မည်​ဖြစ်​၏။