ထွက်​မြောက် 3:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ငါ​သည် ဤ​လူမျိုး​ကို အီဂျစ်​လူမျိုး​တို့​၏​ရှေ့​တွင် မျက်နှာရ​စေ​သဖြင့် သင်​တို့​ထွက်သွား​သောအခါ လက်ချည်းသက်သက်​မ​ထွက်သွား​ရ​။

Common Language Bible

²¹ ``အီ​ဂျစ်​အ​မျိုး​သား​တို့​က​ငါ​၏​လူ​မျိုး တော်​အား စေ​တ​နာ​မေတ္တာ​ရှိ​လာ​စေ​ရန်​ငါ ပြု​မည်​ဖြစ်​သော​ကြောင့်၊ သင်​တို့​ထို​ပြည်​မှ ထွက်​ခွာ​ရ​သော​အ​ခါ​လက်​ချည်း​သက် သက်​မ​ထွက်​ခွာ​ရ။-

Garrad Bible

²¹ ထို လူ မျိုး ကို အိ ဂျစ် လူ တို့ ထံ မျက် နှာ သာ ရ စေ၍ သင် တို့ ထွက် သွား ရာ ကာ လ လက် ချည်း မ သွား ရ ဘဲ၊

Judson Bible

²¹ ထို​လူ​မျိုး​သည် အဲ​ဂု​တ္တု​လူ​တို့​ထံ၌ မျက်​နှာ​ရ​သော​အ​ခွင့်​ကို​ငါ​ပေး၍၊ သင်​တို့​သည် ထွက်​သွား​သော​အ​ခါ လက်​ချည်း​မ​သွား​ရ​ကြ။

ထွက်​မြောက် 3:21 ပူးပေါင်းရင်းမြစ်များ

ကမ္ဘာ​ဦး 15:14

သို့သော် သူ​တို့​ကို ကျွန်ပြု​မည့်​လူမျိုး​ကို ငါ​စစ်ကြောစီရင်​မည်​။ ထို့နောက်မှ သူ​တို့​သည် များစွာ​သော​ဥစ္စာ​နှင့်တကွ ထွက်လာ​ကြ​လိမ့်မည်​။

ကမ္ဘာ​ဦး 39:21

သို့သော်လည်း ထာဝရဘုရား​သည် ယောသပ်​နှင့်အတူ​ရှိ​၍ သူ့​ကို မေတ္တာကရုဏာ​ပြ​လျက် ထောင်မှူး​ရှေ့​၌ မျက်နှာရ​စေ​တော်မူ​၏​။

၃ ရာ 8:50

ကိုယ်တော်​ကို​ပြစ်မှား​မိ​သော ကိုယ်တော့်​လူမျိုး​တော်​တို့​၏​အပြစ်​ကို ခွင့်လွှတ်​တော်မူ​ပါ​။ ကိုယ်တော်​ကို သူ​တို့​ဆန့်ကျင်​ကျူးလွန်​မိ​သော​အပြစ်​အလုံးစုံ​တို့​ကို ခွင့်လွှတ်​တော်မူ​ပါ​။ သူ​တို့​ကို ဖမ်းခေါ်​သွား​သော​သူ​တို့​အား သနား​တတ်​သော​စိတ်​ကို​ပေး​တော်မူ​ပါ​။ သို့မှ သူ​တို့​ကို သနား​ပါ​လိမ့်မည်​။

နေ​ဟ​မိ 1:11

အို ဘုရားရှင်​၊ ကိုယ်တော့်​အစေအပါး​၏​ဆုတောင်းသံ​ကို နားညောင်း​တော်မူ​ပါ​။ ကိုယ်တော်​၏​နာမ​တော်​အား ကြောက်ရွံ့ရိုသေ​ရ​သည်​ကို​နှစ်သက်​သော ကိုယ်တော့်​အစေအပါး​တို့​၏​ဆုတောင်းသံ​ကို နားညောင်း​တော်မူ​ပါ​။ ယနေ့ ကိုယ်တော့်​အစေအပါး​အား အောင်မြင်​ခွင့်​ပေး​တော်မူ​ပါ​။ မင်းကြီး​ရှေ့​မှာ ဤ​လူ​မျက်နှာသာ​ရ​ပါစေသော​”​ဟု ဆုတောင်း​၏​။ ထိုစဉ်က ငါ​သည် ရှင်ဘုရင်​၏​ဖလားတော်ဝန် ဖြစ်​၏​။

ဆာ​လံ 105:37

ထို့နောက် သူ​တို့​ကို ရွှေ​၊ ငွေ​နှင့်တကွ ထုတ်ဆောင်​တော်မူ​၏​။ ထိုစဉ် ကိုယ်တော်​၏​လူမျိုးစု​များ​တွင် အားနည်း​သော​သူ​တစ်ယောက်​မျှ​မ​ရှိ​ချေ​။

ဆာ​လံ 106:46

သူ​တို့​ကို ဖမ်းဆီးခေါ်ဆောင်​သွား​သော​သူ အပေါင်း​တို့​သည် သူ​တို့​ကို​သနားစုံမက်​ကြ​စေရန် ပြု​တော်မူ​၏​။

ထွက်​မြောက် 11:2

ယောက်ျား​သည် မိမိ​အိမ်နီးချင်း​ယောက်ျား​ထံမှ​လည်းကောင်း​၊ မိန်းမ​သည် မိမိ​အိမ်နီးချင်း​မိန်းမ​ထံမှ​လည်းကောင်း ရွှေ​ထည်​၊ ငွေ​ထည်​တို့​ကို တောင်းယူ​ရန် အစ္စရေး​လူမျိုး​တို့​အား ပြောကြား​လော့​”​ဟု မိန့်​တော်မူ​၏​။

ထွက်​မြောက် 11:3

ထာဝရဘုရား​သည် အစ္စရေး​လူမျိုး​တို့​ကို အီဂျစ်​လူမျိုး​တို့​၏​မျက်မှောက်​တွင် မျက်နှာရ​စေ​တော်မူ​၏​။ မောရှေ​သည်​လည်း အီဂျစ်​ပြည်​တွင် ဖာရော​မင်းကြီး​၏​အမှုထမ်း​တို့​နှင့် အီဂျစ်​လူမျိုး​တို့​မျက်မှောက်​၌ ကြီးမြတ်​သော​ပုဂ္ဂိုလ်​ဖြစ်​လေ​၏​။

ထွက်​မြောက် 12:35

အစ္စရေး​အမျိုးသား​တို့​သည် မောရှေ​၏​စကား​အတိုင်း​ပြု​ကြ​၏​။ အီဂျစ်​လူမျိုး​တို့​ထံမှ ရွှေ​ထည်​ငွေ​ထည်​များ​နှင့် အဝတ်အစား​များ​ကို တောင်း​ကြ​၏​။

ထွက်​မြောက် 12:36

ထာဝရဘုရား​သည်​လည်း အစ္စရေး​လူမျိုး​တို့​ကို အီဂျစ်​လူမျိုး​တို့​ရှေ့မှောက်​၌ မျက်နှာရ​စေ​တော်မူ​သဖြင့် သူ​တို့​တောင်း​သော​အရာ​များ​ကို​ပေး​ကြ​၏​။ ဤသို့ဖြင့် သူ​တို့​သည် အီဂျစ်​လူမျိုး​တို့​ထံမှ သိမ်းယူ​ကြ​လေ​၏​။

သုတ္တံကျမ်း။ 16:7

လူ​တစ်ဦး​ပြုမူကျင့်ကြံ​သော​အမှုအရာ​ကို ထာဝရဘုရား​နှစ်သက်​တော်မူ​သောအခါ ထို​သူ​၏​ရန်သူ​များ​ကို​ပင် သူ​နှင့်​သင့်မြတ်​စေ​တော်မူ​၏​။

တမန်တော်ဝတ္ထု 7:10

သူ​၏​ဆင်းရဲ​ဒုက္ခ​အလုံးစုံ​တို့​ထဲမှ သူ့​ကို​ကယ်နုတ်​ပြီး သူ့​အား​ဉာဏ်ပညာ​ကို​ပေး​လျက် အီဂျစ်​ဘုရင် ဖာရော​မင်း​ရှေ့၌ မျက်နှာရ​စေ​တော်မူ​၏။ ထိုအခါ ဖာရော​မင်း​သည် အီဂျစ်​ပြည်​နှင့်​မိမိ​၏​နန်းတော်​တစ်ခုလုံး​ကို ဦးဆောင်​သူ​အဖြစ် သူ့​ကို​ခန့်ထား​လေ​၏။

တ​ရား​ဟော 15:13

သင်​သည် ထို​သူ​ကို လွတ်လပ်​သော​သူ​အဖြစ် သင့်​ထံ​မှ​ထွက်သွား​ခွင့်​ပြု​သောအခါ သူ့​အား လက်ချည်းသက်သက်​မ​လွှတ်​ရ​။