ထွက်​မြောက် 3:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထိုအခါ ထာဝရဘုရား​၏​ကောင်းကင်တမန်​သည် မောရှေ​အား ချုံပုတ်​အလယ် မီး​လျှံ​ထဲမှ ကိုယ်​ထင်ရှားပြ​လေ​၏​။ မောရှေ​ကြည့်​လိုက်​သောအခါ ချုံပုတ်​သည် မီး​တောက်လောင်​နေ​သော်လည်း ကျွမ်းသွား​ခြင်း​မ​ရှိ​သည်​ကို မြင်​လျှင်

Common Language Bible

² ထို​အ​ရပ်​တွင်​ထာ​ဝ​ရ​ဘု​ရား​၏​ကောင်း​ကင် တ​မန်​သည်​ချုံ​တစ်​ခု​အ​လယ်​မှ မီး​တောက် လောင်​နေ​သည့်​မီး​လျှံ​အ​သွင်​ဖြင့်​ထွက်​လာ​၍ မော​ရှေ​အား​ထင်​ရှား​ပြ​၏။ ချုံ​သည်​မီး​တောက် နေ​သော်​လည်း​လောင်​ကျွမ်း​ခြင်း​မ​ရှိ​ကြောင်း မော​ရှေ​တွေ့​မြင်​ရ​၏။-

Garrad Bible

² ချုံ ထဲ မှ ထွက် သော မီး လျှံ တွင် ဘု ရား သ ခင့် စေ တ မန် တော် ထင် ရှား သ ဖြင့် မီး တောက် လျက် ချုံ မ ကျွမ်း သည် ကို မော ရှေ မြင် ရာ၊

Judson Bible

² ထို​အ​ခါ ဘု​ရား​သ​ခင်၏​ကောင်း​ကင်​တ​မန်​သည် ချုံ​ထဲ​က​ထွက်​သော မီး​လျှံ၌​ထင်​ရှား၏။ မော​ရှေ​သည်​ကြည့်​သော​အ​ခါ၊ မီး​လောင်၍ ချုံ​မ​ကျွမ်း​ဘဲ​ရှိ​သည်​ကို မြင်​လျှင်၊

ထွက်​မြောက် 3:2 ပူးပေါင်းရင်းမြစ်များ

ကမ္ဘာ​ဦး 21:17

ဘုရားသခင်​သည် သူငယ်​၏​အသံ​ကို ကြား​တော်မူ​၏​။ ထိုအခါ ဘုရားသခင်​၏​ကောင်းကင်တမန်​သည် ကောင်းကင်​မှ​နေ​၍ ဟာဂရ​ကို​ခေါ်​ပြီးလျှင် “​ဟာဂရ​၊ သင်​ဘာဖြစ်​သနည်း​။ မ​ကြောက်​နှင့်​။ အကြောင်းမူကား သူငယ်​ရှိ​သည့်​နေရာ​မှ သူငယ်​၏​အသံ​ကို ဘုရားသခင်​ကြား​တော်မူ​ပြီ​။

ကမ္ဘာ​ဦး 22:11

ထိုအခါ ထာဝရဘုရား​၏​ကောင်းကင်တမန်​က “​အာဗြဟံ​၊ အာဗြဟံ​”​ဟု ကောင်းကင်​မှ​ခေါ်​လျှင် အာဗြဟံ​က “​အကျွန်ုပ်​ရှိ​ပါ​၏​”​ဟု ပြန်လျှောက်​၏​။

ကမ္ဘာ​ဦး 48:16

ဘေးအန္တရာယ်​အပေါင်း​မှ ငါ့​ကို​ရွေးနုတ်​တော်မူ​သော ကောင်းကင်တမန်​သည် ဤ​သူငယ်​တို့​ကို​ကောင်းချီးပေး​တော်မူ​ပါစေသော​။ သူ​တို့​ကို ငါ​၏​အမည်​ဖြင့်​လည်းကောင်း​၊ ငါ့​ဘိုးဘ​အာဗြဟံ​နှင့်​ဣဇက်​တို့​၏​အမည်​ဖြင့်​လည်းကောင်း မှည့်ခေါ်​ပါစေသော​။ သူ​တို့​သည် မြေကြီး​ပေါ်၌ အလွန်​ပွားများ​ကြ​ပါစေသော​”​ဟု ဆို​လေ​၏​။

ဆာ​လံ 66:12

လူ​တို့​ကို အကျွန်ုပ်​တို့​၏​ခေါင်း​ပေါ်၌ ကျော်နင်း​စေ​တော်မူ​ပြီ​။ အကျွန်ုပ်​တို့​သည် မီး​ထဲ၌​လည်းကောင်း​၊ ရေ​ထဲ၌​လည်းကောင်း ဖြတ်သွား​ကြ​ရ​ပါ​၏​။ သို့သော် ကိုယ်တော်​သည် အကျွန်ုပ်​တို့​ကို ကြွယ်ဝသောအရပ်​သို့​ခေါ်ဆောင်​တော်မူ​၏​။

ထွက်​မြောက် 19:18

ထာဝရဘုရား​သည် သိနာ​တောင်​ပေါ်သို့ မီး​ဖြင့်​ကြွဆင်း​တော်မူ​သောကြောင့် တစ်တောင်လုံး​မီးခိုး​ထွက်​လေ​၏​။ မီးခိုး​သည် မီးပြင်းဖို​၏​မီးခိုး​ကဲ့သို့​တက်​၏​။ တောင်​တစ်တောင်လုံး​သည်​လည်း ပြင်းထန်​စွာ​တုန်လှုပ်​လေ​၏​။

ထွက်​မြောက် 23:20

ကြည့်ရှု​လော့​။ လမ်းခရီး​၌ သင့်​ကို​စောင့်ရှောက်​ရန်​လည်းကောင်း​၊ ငါ​ပြင်ဆင်​ထား​သော​နေရာ​သို့ သင့်​ကို​ပို့ဆောင်​ရန်​လည်းကောင်း သင်​၏​ရှေ့​၌ ကောင်းကင်တမန်​ကို ငါ​စေလွှတ်​၏​။

ထွက်​မြောက် 24:17

ထာဝရဘုရား​၏​ဘုန်းအသရေ​တော်​သည် အစ္စရေး​အမျိုးသား​တို့​မျက်မှောက်​တွင် တောင်​ထိပ်​ပေါ်၌​လောင်ကျွမ်း​နေ​သော​မီး​ကဲ့သို့ ထင်ရှား​၏​။

ထွက်​မြောက် 3:16

သင်​သည် သွား​၍ အစ္စရေး​သက်ကြီးဝါကြီး​တို့​ကို​စုဝေး​စေ​ပြီးလျှင် သူ​တို့​အား ‘​သင်​တို့​ဘိုးဘေး​တို့​၏​ဘုရား​၊ အာဗြဟံ​၊ ဣဇက်​၊ ယာကုပ်​တို့​၏​ဘုရား​တည်းဟူသော ထာဝရဘုရား​သည် ငါ့​အား ကိုယ်​ထင်ရှားပြ​တော်မူ​လျက် “​ငါ​သည် သင်​တို့​ကို​လည်းကောင်း​၊ အီဂျစ်​ပြည်​တွင် သင်​တို့​၌​ဖြစ်ပျက်​သော​အရာ​ကို​လည်းကောင်း အမှန်ပင် အကြည့်အရှု​ကြွလာ​ပြီ​။

ဟေ​ရှာ​ယ 43:2

သင်​သည် ရေ​ကို​ဖြတ်ကူး​သောအခါ သင်​နှင့်အတူ​ငါ​ရှိ​မည်​။ မြစ်​ကို​ဖြတ်ကူး​သောအခါ သင့်​ကို ရေလွှမ်း​မည်​မ​ဟုတ်​။ မီး​ထဲ​လျှောက်​သောအခါ သင့်​ကို​မီးလောင်​မည်​မ​ဟုတ်​။ မီးလျှံ​သည် သင့်​ကို ဟပ်​မည်​မ​ဟုတ်​။

ဟေ​ရှာ​ယ 63:9

သူ​တို့​ခံရ​သမျှ​သော​ဆင်းရဲဒုက္ခ​ကို ကိုယ်တော်​လည်း ခံ​တော်မူ​ခဲ့​၏​။ မျက်မှောက်​တော်​ရှိ ကောင်းကင်တမန်​သည် သူ​တို့​ကို ကယ်တင်​ခဲ့​၏​။ ကိုယ်တော်​သည် မေတ္တာ​ကရုဏာ​တော်​ဖြင့် သူ​တို့​ကို ရွေးနုတ်​တော်မူ​ခဲ့​၏​။ ရှေး​ကာလ​ပတ်လုံး သူ​တို့​ကို​ချီ​ဆောင်​တော်မူ​ခဲ့​၏​။

ဒံ​ယေ​လ 3:27

ထိုအခါ မင်းညီမင်းသား​များ​၊ ဝန်ကြီး​များ​၊ ဘုရင်ခံ​များ​၊ ဘုရင့်​အတိုင်ပင်ခံ​များ ဝိုင်းအုံ​ကြည့်​ကြ​ရာ ထို​သူ​တို့​၏​ကိုယ်ခန္ဓာ​ကို မီး​မ​လောင်​၊ ဦးခေါင်း​မှ​ဆံပင်​လည်း မီး​မ​ဟပ်​၊ ဝတ်ရုံ​များ​လည်း မ​ပျက်စီး​၊ သူ​တို့​ကိုယ်​တွင်​လည်း မီးခိုးနံ့​ပင် မ​ရ​ကြောင်း​ကို တွေ့​ရ​လေ​၏​။

ဇာ​ခ​ရိ 13:7

ကောင်းကင်​ဗိုလ်ခြေ​အရှင်​ထာဝရဘုရား​က “​အို ဓား​၊ ထ​လော့​။ ငါ​၏​သိုးထိန်း​ကို တိုက်ခိုက်​လော့​။ ငါ​၏​အိမ်နီးချင်း​ကို တိုက်ခိုက်​လော့​။ သိုးထိန်း​ကို​ရိုက်နှက်​လော့​။ ထိုအခါ သိုး​တို့ ကွဲလွင့်​သွား​ကြ​လိမ့်မည်​။ ငါ​သည်​လည်း သိုးငယ်​များ​ကို လက်​ဖြင့်​ရွယ်​၍ တိုက်ခိုက်​မည်”​ဟု မိန့်​တော်မူ​၏​။

မာ​လ​ခိ 3:1

ကောင်းကင်​ဗိုလ်ခြေ​အရှင်​ထာဝရဘုရား​က “ကြည့်ရှု​လော့​။ ငါ​၏​စေတမန်​ကို ငါ​စေလွှတ်​မည်​။ သူ​သည် ငါ​သွား​ရ​မည့်​လမ်း​ကို ကြိုတင်​ပြင်ဆင်​လိမ့်မည်​။ သင်​တို့​ရှာဖွေ​သော​အရှင်သခင်​သည် ဗိမာန်တော်​သို့ ချက်ချင်း​ကြွလာ​လိမ့်မည်​။ ကြည့်ရှု​လော့​။ သင်​တို့​အလိုရှိ​သော​ပဋိညာဉ်​တမန်​သည်​လည်း ကြွလာ​နေ​ပြီ”​ဟု မိန့်​တော်မူ​၏​။

ရှင်မာကု 12:26

သေ​သော​သူ​တို့​၏​ထမြောက်​ခြင်း​နှင့်​ပတ်သက်၍ မောရှေ​၏​ကျမ်း​၌ ချုံပုတ်​အကြောင်း​ရေး​ထား​သော​အခန်း​တွင် ဘုရားသခင်​က ‘ငါ​သည် အာဗြဟံ​၏​ဘုရား၊ ဣဇက်​၏​ဘုရား၊ ယာကုပ်​၏​ဘုရား​ဖြစ်​၏’​ဟု မောရှေ​အား မိန့်​တော်မူ​ခဲ့​သည်​ကို သင်​တို့​မ​ဖတ်​ဖူး​ကြ​သလော။

လုကာ 20:37

မောရှေ​သည်​လည်း ချုံပုတ်​အကြောင်း​ရေး​ထား​သော​အခန်း​တွင် ထာဝရ​ဘုရား​ကို ‘အာဗြဟံ​၏​ဘုရား၊ ဣဇက်​၏​ဘုရား၊ ယာကုပ်​၏​ဘုရား’ဟု​ခေါ်​၍ သေလွန်​သော​သူ​တို့​၏​ထမြောက်​ခြင်း​အကြောင်း​ကို ဖော်ပြ​ခဲ့​၏။

ရှင်ယောဟန် 1:14

နှုတ်ကပတ်တော်​သည် လူသား​အဖြစ်​ကို​ခံယူ​၍ အကျွန်ုပ်​တို့​တွင်​စံမြန်း​တော်မူ​သဖြင့် အကျွန်ုပ်​တို့​သည် ကိုယ်တော်​၏​ဘုန်း​တော်​ကို ဖူးမြင်​ရ​ကြ​၏။ ထို​ဘုန်း​တော်​ကား ခမည်းတော်​ထံပါး​၌ တစ်ပါးတည်း​သော​သား​တော်​အဖြစ်​ရှိ​သော​ဘုန်း​တော်​ဖြစ်​လျက် ကျေးဇူး​တော်​နှင့်​လည်းကောင်း၊ သမ္မာတရား​နှင့်​လည်းကောင်း ပြည့်စုံ​၏။

ရော​မ 8:3

ဘုရားသခင်​သည် မိမိ​၏​သား​တော်​ကို အပြစ်​နှင့်​ပြည့်ဝ​သည့် သွေးသား​ဇာတိ​နှင့်​တူညီ​သော​သဏ္ဌာန်​၌ အပြစ်​အတွက်​စေလွှတ်​တော်မူ​၍ သွေးသား​ဇာတိ​၌​ရှိ​သော​အပြစ်​ကို ဒဏ်ခတ်​တော်မူ​ပြီး သွေးသား​ဇာတိ​ကြောင့် အားနည်း​၍ ပညတ်​တရား​မ​ဆောင်ရွက်​နိုင်​သော​အမှု​ကို ဆောင်ရွက်​ပေး​တော်မူ​၏။

တ​ရား​ဟော 33:16

မြေကြီး​ရတနာ​၊ မြေကြီး​၏​ကြွယ်ဝ​ခြင်း​အားဖြင့်​လည်းကောင်း​၊ မီးတောက်​နေ​သော​ချုံပုတ်​၌​ကိန်းဝပ်​တော်မူ​သော​အရှင်​၏​ကျေးဇူး​တော်​အားဖြင့်​လည်းကောင်း ယောသပ်​၏​ဦးခေါင်း​၊ ညီအစ်ကို​တို့​တွင် အကြီးအကဲ​ဖြစ်​သော​ယောသပ်​၏​ဦးထိပ်​ပေါ်၌ ထာဝရဘုရား​ထံ​တော်​မှ​ကောင်းချီး​သက်ရောက်​ပါစေသော​။

တ​ရား​ဟော 4:20

ယနေ့​မြင်​ရ​သည့်​အတိုင်း ထာဝရဘုရား​သည် သင်​တို့​ကို မိမိ​၏​အမွေခံ​လူမျိုး​တော်​အဖြစ် ခေါ်ယူ​၍ အီဂျစ်​ပြည် သံ​မီးပြင်းဖို​ထဲမှ ထုတ်ဆောင်​တော်မူ​ခဲ့​၏​။

၂ သက် 1:7

ဆင်းရဲ​ဒုက္ခ​ခံရ​သော​သင်​တို့​အား ငါ​တို့​နှင့်အတူ​သက်သာ​ခွင့်​ကို​လည်းကောင်း ပြန်​၍​ခံစား​စေ​မည့်​အမှု​သည် ဘုရားသခင်​ရှေ့​တော်​၌ အမှန်​ပင်​တရားမျှတ​သော​အမှု​ဖြစ်​၏။

သူ​ကြီး 13:13

ထာဝရဘုရား​၏​ကောင်းကင်တမန်​က​လည်း မာနော်​အား “​ငါ​မှာထား​သော​စကား​အားလုံး​ကို သင်​၏​မယား လိုက်နာ​ရ​မည်​။