ထွက်​မြောက် 28:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သင့်​အစ်ကို​အာရုန်​ဂုဏ်သရေ​ရှိ​၍ တင့်တယ်ခန့်ညား​ဖို့ သူ့​အတွက် သန့်ရှင်း​သော​အဝတ်တန်ဆာ​ကို သင်​ချုပ်လုပ်​ပေး​ရ​မည်​။

Common Language Bible

² သင့်​အစ်​ကို​အာ​ရုန်​အ​တွက်​ခန့်​ညား​ထည်​ဝါ သော​ယဇ်​ပု​ရော​ဟိတ်​ဝတ်​စုံ​ကို​ချုပ်​လုပ်​ပေး ရ​မည်။-

Garrad Bible

² ဘုန်း အ သ ရေ နှင့် တင့် တယ် စေ ခြင်း ငှါ သင့် အစ် ကို အာ ရုန် ဝတ် ရုံ ရန် သန့် ရှင်း သော သင်္ကန်း စုံ ကို ရက် လုပ် လော့။

Judson Bible

² သင်၏​အစ်​ကို​အာ​ရုန်၌ ဘုန်း​အ​သ​ရေ​ထင်​ပေါ်​စေ​ခြင်း​ငှာ၊ သန့်​ရှင်း​သော​အ​ဝတ်​ကို လုပ်၍​ပေး​ရ​မည်။

ထွက်​မြောက် 28:2 ပူးပေါင်းရင်းမြစ်များ

ယောဘဝတ္တု။ 40:10

ထိုသို့ဖြစ်လျှင် သင့်ကိုယ်ကို ဂုဏ်​များ​၊ ထည်ဝါမှု​များ​နှင့် တန်ဆာဆင်​လိုက်​ပါ​။ ကျက်သရေ​မင်္ဂလာ​များ​နှင့် ဆင်ယင်​လိုက်​ပါ​။

ဆာ​လံ 132:16

ထို​အရပ်​ရှိ ယဇ်ပုရောဟိတ်​တို့​ကို ကယ်တင်​ခြင်း​ဖြင့် ငါ​လွှမ်းခြုံ​မည်​။ ထို​အရပ်​မှ သန့်ရှင်း​သူ​တို့​သည် ရွှင်လန်း​စွာ​ကြွေးကြော်​လျက်​သီချင်းဆို​ကြ​လိမ့်မည်​။

ဆာ​လံ 132:9

ကိုယ်တော်​၏​ယဇ်ပုရောဟိတ်​တို့​သည် ဖြောင့်မတ်​ခြင်း​ကို​ဝတ်ဆင်​ရ​ကြ​ပါစေသော​။ ကိုယ်တော်​၏​သန့်ရှင်း​သူ​တို့​သည်​လည်း ရွှင်လန်း​စွာ​ကြွေးကြော်​ကြ​ပါစေသော​။

ဆာ​လံ 149:4

အကြောင်းမူကား ထာဝရဘုရား​သည် မိမိ​၏​လူမျိုး​တော်​ကို နှစ်သက်​တော်မူ​၏​။ ကိုယ်တော်​သည် စိတ်နှိမ့်ချ​သော​သူ​တို့​ကို ကယ်တင်​ခြင်း​နှင့်​တင့်တယ်​စေ​တော်မူ​၏​။

ဆာ​လံ 96:6

ဘုန်းကျက်သရေ​နှင့်​ဘုန်းအာနုဘော်​သည် ကိုယ်တော်​၏​ရှေ့​တော်​၌​ရှိ​၏​။ အစွမ်းတန်ခိုး​နှင့်​ဂုဏ်ကျက်သရေ​သည် ကိုယ်တော်​၏​သန့်ရှင်းရာဌာန​တော်​၌​ရှိ​၏​။

ထွက်​မြောက် 28:40

အာရုန်​၏​သား​များ ဂုဏ်သရေ​ရှိ​၍ တင့်တယ်​ခန့်ညား​ဖို့ သူ​တို့​အတွက် အတွင်းသင်တိုင်း​များ​၊ ခါးစည်း​များ​၊ ခေါင်းပေါင်း​များ​ကို ချုပ်လုပ်​ပေး​ရ​မည်​။

ထွက်​မြောက် 29:28

ထို​အရာ​တို့​သည် အစ္စရေး​အမျိုးသား​တို့​ထံ​မှ အာရုန်​နှင့်​သူ​၏​သား​တို့ အစဉ်အမြဲ​ရရှိ​ရ​မည့်​ဝေစု​ဖြစ်​၏​။ အကြောင်းမူကား ထို​အရာ​တို့​သည် အလှူပစ္စည်း​ဖြစ်​၏​။ ထို​အလှူပစ္စည်း​သည် အစ္စရေး​အမျိုးသား​တို့​၏​မိတ်သဟာယယဇ်​များ​မှ ထာဝရဘုရား​အား ပေးလှူ​သော​အလှူပစ္စည်း​ဖြစ်​၏​။

ထွက်​မြောက် 31:10

ယဇ်ပုရောဟိတ်​အာရုန်​အတွက်​ရက်ထည်​အဝတ်တန်ဆာ​၊ သန့်ရှင်း​သော​အဝတ်တန်ဆာ​နှင့် ယဇ်ပုရောဟိတ်​အဖြစ်​အမှု​တော်​ဆောင်ရွက်​မည့် သူ့​သား​တို့​အတွက် အဝတ်တန်ဆာ​ကို​လည်းကောင်း​၊

ထွက်​မြောက် 40:13

အာရုန်​ကို သန့်ရှင်း​သော​အဝတ်တန်ဆာ ဝတ်ဆင်​ပေး​ရ​မည်​။ သူ​သည် ယဇ်ပုရောဟိတ်​အဖြစ် ငါ့​ထံ၌ အမှု​တော်​ကို​ဆောင်ရွက်​ရန် သူ့​ကို​ဘိသိက်ပေး​၍ သန့်ရှင်း​စေ​ရ​မည်​။

ဟေ​ရှာ​ယ 4:2

ထို​နေ့ရက်​၌ ထာဝရဘုရား​၏​အကိုင်း​သည် လှပ​၍​ဘုန်းအသရေ​ရှိ​မည်​။ မြေ​၏​အသီးအနှံ​သည်​လည်း အသက်​ဘေးလွတ်​သော​အစ္စရေး​လူမျိုး​တို့​အတွက် ဂုဏ်ယူဝင့်ကြွားစရာ​ဖြစ်​လိမ့်မည်​။

ဟေ​ရှာ​ယ 52:1

အို ဇိအုန်​မြို့​၊ နိုး​လော့​။ နိုး​လော့​။ သင့်​ခွန်အား​ကို ဝတ်ဆင်​လော့​။ အို သန့်ရှင်း​သော​ဂျေရုဆလင်​မြို့​၊ သင်​၏​တင့်တယ်​သော​အဝတ်​တို့​ကို ဝတ်ဆင်​လော့​။ အကြောင်းမူကား အရေဖျားမလှီး​သော​သူ​၊ ညစ်ညူး​သော​သူ​တို့​သည် သင့်​အထဲ​သို့ နောက်တစ်ဖန်​ဝင်​ရ​ကြ​မည်​မ​ဟုတ်​။

ဟေ​ရှာ​ယ 61:10

ငါ​သည် ထာဝရဘုရား​၌ အလွန်​ဝမ်းမြောက်​မည်​။ ငါ​၏​စိတ်ဝိညာဉ်​သည် ဘုရားသခင်​၌ ရွှင်လန်း​မည်​။ အကြောင်းမူကား သတို့သား​သည် ခေါင်းပေါင်း​ပေါင်း​ထား​သကဲ့သို့​၊ သတို့သမီး​သည် ရတနာ​များ​ဖြင့် ကိုယ်​ကို​တန်ဆာဆင်​ထား​သကဲ့သို့ ကိုယ်တော်​သည် ငါ့​ကို ကယ်တင်​ခြင်း​အဝတ်တန်ဆာ​ဆင်ယင်​ပေး​၍ ဖြောင့်မတ်​ခြင်း​ဝတ်ရုံ​လွှမ်းခြုံ​စေ​တော်မူ​ပြီ​။

ဟေ​ရှာ​ယ 61:3

ငိုကြွေးမြည်တမ်း​နေ​သော ဇိအုန်​မြို့သား​တို့​အဖို့ ပြာ​အစား​ခေါင်းပေါင်း​၊ ငိုကြွေးမြည်တမ်း​ခြင်း​အစား ရွှင်မြူး​ခြင်း​ဆီ​၊ ညှိုးငယ်​သော​စိတ်​အစား ချီးမွမ်း​ခြင်း​အဝတ်​ကို စီရင်​ပေး​ရန် ငါ့​ကို​စေလွှတ်​တော်မူ​ပြီ​။ ဘုန်း​တော်​ထင်ရှား​စေရန် ထာဝရဘုရား​စိုက်ပျိုး​တော်မူ​သော ဖြောင့်မတ်​ခြင်း​ဝက်သစ်ချပင်​ဟု သူ​တို့​ကို ခေါ်ဝေါ်​ကြ​လိမ့်မည်​။

ဟေ​ရှာ​ယ 64:6

အကျွန်ုပ်​တို့​အားလုံး​သည် မစင်ကြယ်​သော​သူ​ကဲ့သို့​ဖြစ်​ကြ​၏​။ အကျွန်ုပ်​တို့​၏​ဖြောင့်မတ်​သော​လုပ်ဆောင်မှု​ရှိသမျှ​သည်​လည်း ညစ်ပေ​သော​အဝတ်​နှင့်​တူ​ကြ​ပါ​၏​။ အကျွန်ုပ်​တို့​အားလုံး​သည် သစ်ရွက်​ကဲ့သို့​ညှိုးနွမ်း​၍ အကျွန်ုပ်​တို့​၏​ဒုစရိုက်​များ​သည်​လည်း လေ​ကဲ့သို့ အကျွန်ုပ်​တို့​ကို တိုက်ချ​၏​။

ဝတ်​ပြု 8:30

မောရှေ​သည် ဘိသိက်​ဆီ​အချို့​နှင့် ယဇ်ပလ္လင်​ပေါ်​ရှိ​သွေး​အချို့​ကို​ယူ​၍ အာရုန်​နှင့်​သူ​၏​အဝတ်တန်ဆာ​၊ သူ့​သား​တို့​နှင့်​သူ့​သား​တို့​၏​အဝတ်တန်ဆာ တို့​အပေါ်​၌ ဖျန်း​၏​။ ဤသို့ဖြင့် အာရုန်​နှင့်​သူ​၏​အဝတ်တန်ဆာ​၊ သူ့​သား​တို့​နှင့်​သူ့​သား​တို့​၏​အဝတ်တန်ဆာ တို့​ကို​သန့်ရှင်း​စေ​၏​။

ရှင်ယောဟန် 1:14

နှုတ်ကပတ်တော်​သည် လူသား​အဖြစ်​ကို​ခံယူ​၍ အကျွန်ုပ်​တို့​တွင်​စံမြန်း​တော်မူ​သဖြင့် အကျွန်ုပ်​တို့​သည် ကိုယ်တော်​၏​ဘုန်း​တော်​ကို ဖူးမြင်​ရ​ကြ​၏။ ထို​ဘုန်း​တော်​ကား ခမည်းတော်​ထံပါး​၌ တစ်ပါးတည်း​သော​သား​တော်​အဖြစ်​ရှိ​သော​ဘုန်း​တော်​ဖြစ်​လျက် ကျေးဇူး​တော်​နှင့်​လည်းကောင်း၊ သမ္မာတရား​နှင့်​လည်းကောင်း ပြည့်စုံ​၏။

ရော​မ 13:14

သခင်​ယေရှု​ခရစ်တော်​ကို ဝတ်ဆင်​ကြ​လော့။ သွေးသား​ဇာတိ​၏​တပ်မက်​ခြင်း​ကို​ဖြည့်ဆည်း​ရန် မ​ကြံစည်​ကြ​နှင့်။

ရော​မ 3:22

၎င်း​မှာ ယေရှု​ခရစ်တော်​ကို​ယုံကြည်​ခြင်း​အားဖြင့် ယုံကြည်​သူ​အပေါင်း​တို့​အပေါ်​သက်ရောက်​သော ဘုရားသခင်​၏​ဖြောင့်မတ်​ခြင်း​ဖြစ်​၏။ ဤ​တွင် မည်သည့်​ခြားနား​မှု​မျှ​မ​ရှိ။

ဂ​လာ​တိ 3:27

အဘယ်ကြောင့်​ဆိုသော် ခရစ်တော်​၌​ဗတ္တိဇံ​ခံ​သော​သူ​ရှိသမျှ​တို့​သည် ခရစ်တော်​ကို​ဝတ်ဆင်​ကြ​၏။

ဟေ​ဗြဲ 2:9

သို့သော် ဘုရားသခင်​၏​ကျေးဇူး​တော်​အားဖြင့် လူ​တိုင်း​အတွက် သေ​ခြင်း​ကို​မြည်းစမ်း​စေရန် ကောင်းကင်​တမန်​တို့​ထက် ခေတ္တ​ခဏ နိမ့်ကျ​စေ​ခြင်း​ကို​ခံရ​၍ သေ​ခြင်း​နှင့်ဆိုင်သော​ဒုက္ခ​ဝေဒနာ​ကို​ခံစား​ရ​သောကြောင့် ဘုန်း​တော်​နှင့်​ဂုဏ်​တော်​တို့​ဖြင့် သရဖူ​ဆောင်း​ရ​သည့်​ယေရှု​ကို ငါ​တို့​မြင်​ရ​ကြ​၏။

ဟေ​ဗြဲ 7:26

ထိုသို့​သန့်ရှင်း​၍ အပြစ်​နှင့်​ညစ်ညူး​ခြင်း​တို့​ကင်းစင်​လျက် အပြစ်သား​တို့​နှင့်​ခွဲခြား​ထား​ခြင်း​ခံရ​ကာ ကောင်းကင်​တို့​ထက် မြင့်မား​စွာ​ချီးမြှောက်​ခြင်း​ခံရ​သော ယဇ်ပုရောဟိတ်​မင်း​သည် ငါ​တို့​အတွက်​သင့်လျော်​ပေ​၏။

၂ ပေ 1:17

အကြောင်းမူကား ခမည်းတော်​ဘုရားသခင်​ထံမှ ဂုဏ်​တော်​နှင့်​ဘုန်း​တော်​ကို ကိုယ်တော်​ခံယူ​တော်မူ​စဉ် ကြီးမြတ်​သော​ဘုန်း​အသရေ​ထဲမှ “ဤ​သူ​ကား ငါ​ချစ်​သော ငါ့​သား​ပေတည်း။ သူ့​ကို ငါ​နှစ်သက်​၏”​ဟူသော​အသံ​တော်​သည် ကိုယ်တော်​ထံသို့​ရောက်ရှိ​လာ​၏။

၁ ယော 3:2

ချစ်​ရ​သော​သူ​တို့၊ ယခု ငါ​တို့​သည် ဘုရားသခင်​၏​သားသမီး​များ​ဖြစ်​ကြ​၏။ အနာဂတ်​တွင် ငါ​တို့​မည်သို့​ဖြစ်​ကြ​မည်​ကို ထင်ရှား​စွာ​မ​သိ​ရ​သေး​သော်လည်း ကိုယ်တော်​ပေါ်ထွန်း​တော်မူ​သောအခါ ကိုယ်တော်​ကို ပကတိ​အဖြစ်​တော်​အတိုင်း မြင်​ရ​ကြ​မည်​ဖြစ်၍ ငါ​တို့​သည် ကိုယ်တော်​နှင့်​တူ​ကြ​မည်​ကို ငါ​တို့​သိ​ကြ​၏။

ဗျာ​ဒိတ် 19:8

ထို​သတို့သမီး​သည် စင်ကြယ်​တောက်ပ​သော​ပိတ်ချော​ထည်​ကို ဝတ်ဆင်​ခွင့်​ရရှိ​၏။ ထို​ပိတ်ချော​ထည်​ကား သန့်ရှင်း​သူ​တို့​၏​ဖြောင့်မတ်​သော​အကျင့်​ဖြစ်​၏”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 5:10

သူ​တို့​ကို အကျွန်ုပ်​တို့​၏​ဘုရားသခင်​အတွက် နိုင်ငံ​တော်​တစ်​ခု​နှင့် ယဇ်ပုရောဟိတ်​များ​ဖြစ်​စေ​တော်မူ​သဖြင့် သူ​တို့​သည် ကမ္ဘာ​မြေကြီး​ပေါ်တွင် အုပ်စိုး​ရ​ကြ​လိမ့်မည်”​ဟု ဆို​ကြ​၏။