ထွက်​မြောက် 15:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ထာဝရဘုရား​သည် ကာလ​အစဉ်အဆက်​စိုးစံ​တော်မူ​လိမ့်မည်​”​ဟု သီဆို​ကြ​၏​။

Common Language Bible

¹⁸ ထာ​ဝ​ရ​ဘု​ရား​သည်​ကာ​လ​အ​စဉ်​အ​မြဲ စိုး​စံ​တော်​မူ​လိမ့်​သ​တည်း။''

Garrad Bible

¹⁸ ထာ ဝ ရ ဘု ရား သည် က မ္ဘာ အ ဆက် ဆက် စိုး စံ တော် မူ လိမ့် သ တည်း ဟု ကျူး ဧ ကြ ၏။

Judson Bible

¹⁸ ထာ​ဝ​ရ​ဘု​ရား​သည် ကာ​လ​အ​စဉ်​အ​မြဲ​စိုး​စံ​တော်​မူ​စေ​သ​တည်း​ဟု သီ​ချင်း​ဆို​ကြ​လေ​၏။

ထွက်​မြောက် 15:18 ပူးပေါင်းရင်းမြစ်များ

ကမ္ဘာ​ဦး 21:33

ထိုအခါ အာဗြဟံ​သည် ဗေရရှေဘ​အရပ်​၌ ဧရှာလပင်​ကို​စိုက်​၍ အစဉ်အမြဲ​တည်​တော်မူ​သော ဘုရားသခင်​ထာဝရဘုရား​၏​နာမ​တော်​ကို ထို​အရပ်​၌ ခေါ်ဆို​ပတ္ထနာပြု​လေ​၏​။

ဆာ​လံ 10:16

ထာဝရဘုရား​သည် ကာလ​အစဉ်အဆက် ရှင်ဘုရင်​ဖြစ်​တော်မူ​၏​။ တိုင်းနိုင်ငံ​တို့​သည် ကိုယ်တော်​၏​ပြည်​တော်​ထဲမှ ပျောက်ကွယ်​သွား​ကြ​ပါ​ပြီ​။

ဆာ​လံ 146:10

ထာဝရဘုရား​သည် အစဉ်အမြဲ​စိုးစံ​တော်မူ​လိမ့်မည်​။ အို ဇိအုန်​၊ သင်​၏​ဘုရားသခင်​သည် ခေတ်ကာလ​အစဉ်အဆက် စိုးစံ​တော်မူ​လိမ့်မည်​။ ဟာလေလုယ​။

ဆာ​လံ 29:10

ထာဝရဘုရား​သည် လွှမ်းမိုး​သော​ရေပြင်​အထက်​တွင် စိုးစံ​တော်မူ​၏​။ ထာဝရဘုရား​သည် ရှင်ဘုရင်​အဖြစ် အစဉ်အမြဲ​စိုးစံ​တော်မူ​၏​။

ဆာ​လံ 9:8

ကိုယ်တော်​သည် ကမ္ဘာလောက​ကို ဖြောင့်မတ်​စွာ​တရားစီရင်​၍ လူမျိုး​အပေါင်း​တို့​ကို သမာသမတ်​ရှိ​စွာ​စစ်ကြောစီရင်​တော်မူ​၏​။

ဟေ​ရှာ​ယ 57:15

မြင့်မြတ်​၍​ချီးမြှောက်​ခြင်း​ခံ​တော်မူ​သော​၊ ထာဝရ​အသက်ရှင်​တော်မူ​သော​၊ သန့်ရှင်း​ခြင်း​ဟု နာမ​ရှိ​တော်မူ​သော​အရှင်​က “​ငါ​သည် စိတ်နှလုံး​ကျိုးပဲ့ကြေမွ​သော​သူ​၊ စိတ်နှိမ့်ချ​သော​သူ​တို့​နှင့်အတူ အထွတ်အမြတ်​ထား​ရာ​အရပ်​၊ သန့်ရှင်း​သော​အရပ်​၌ ကိန်းဝပ်​၏​။ စိတ်အားငယ်​သော​သူ​၊ စိတ်နှလုံး​ကျိုးပဲ့ကြေမွ​သော​သူ​တို့​ကို အားဖြည့်ပေး​ရန် သူ​တို့​တွင် ငါ​ကိန်းဝပ်​၏​။

ဒံ​ယေ​လ 2:44

ထို​ရှင်ဘုရင်​များ​အုပ်စိုး​သည့်​ကာလ​တွင်ပင် ကောင်းကင်ဘုံရှင်​ဘုရားသခင်​သည် မည်သည့်​အခါ​မျှ​မ​ပျက်စီး​နိုင်​မည့်​နိုင်ငံ​တစ်​ခု​ကို တည်ထောင်​တော်မူ​လိမ့်မည်​။ ဤ​နိုင်ငံ​သည် အခြား​သူ​တို့​လက်​သို့ ရောက်​ရ​မည်​မ​ဟုတ်​။ အခြား​နိုင်ငံ​အားလုံး​ကို တစ်စစီခြေမွှ​ဖျက်ဆီး​ပစ်​မည်​။ ဤ​နိုင်ငံ​သည် အစဉ်အမြဲ​တည်​လိမ့်မည်​။

ဒံ​ယေ​လ 4:3

ကိုယ်တော်​ပြု​တော်မူ​သော​နိမိတ်လက္ခဏာ​သည် ကြီးမား​လှ​ပါ​၏​။ အံ့ဖွယ်​သော​အမှု​တို့​သည်​လည်း တန်ခိုး​ပါရှိ​၏​။ နိုင်ငံ​တော်​သည် ထာဝရ​တည်​သော​နိုင်ငံ ဖြစ်​၏​။ အာဏာစက်​သည် ကာလ​အစဉ်အဆက် တည်​တော်မူ​၏​။

ဒံ​ယေ​လ 7:14

သူ့​အား နိုင်ငံ​တော်​နှင့်တကွ အာဏာစက်​၊ ဂုဏ်သရေ​ကို အပ်နှင်း​ပြီ​ဖြစ်၍ နိုင်ငံ​အသီးသီး​မှ ဘာသာစကား​အမျိုးမျိုး​ပြောဆို​သော​လူမျိုး​အပေါင်း​တို့​သည် သူ့​အား​ကိုးကွယ်​ကြ​လိမ့်မည်​။ သူ​၏​အာဏာစက်​သည် မ​ပျောက်ပျက်​၊ ထာဝရ​တည်​သော​အာဏာစက် ဖြစ်​၏​။ နိုင်ငံ​တော်​သည်​လည်း မည်သည့်​အခါ​မျှ ပျက်စီး​မည်​မ​ဟုတ်​။

ဒံ​ယေ​လ 7:27

ထို့နောက် အမြင့်ဆုံး​သော​အရှင်​၏​သန့်ရှင်း​သော​လူမျိုး​တော်​သည် နိုင်ငံ​တော်​နှင့်တကွ အာဏာစက်​ကို​လည်းကောင်း​၊ ကောင်းကင်​တစ်ခွင်​အောက်​ရှိ​တိုင်းနိုင်ငံ​များ​၏​ဘုန်းတန်ခိုး​တို့​ကို​လည်းကောင်း ရရှိ​လိမ့်မည်​။ ကိုယ်တော်​၏​နိုင်ငံ​သည် ထာဝရ​နိုင်ငံ​ဖြစ်​ပြီး အာဏာရ​မင်း​ရှိသမျှ​သည် ကိုယ်တော့်​ကို နာခံ​၍ ဝတ်ပြု​ကြ​လိမ့်မည်’​ဟု ငါ့​အား ရှင်းပြ​၏​။

မဿဲ 6:13

ဖြားယောင်း​သွေးဆောင်​ရာ​သို့ မ​လိုက်​မ​ပါ​စေ​ဘဲ မကောင်း​သော​အမှုအရာ​မှ အကျွန်ုပ်​တို့​ကို ကယ်နုတ်​တော်မူ​ပါ။ [အကြောင်းမူကား နိုင်ငံ​တော်၊ တန်ခိုး​တော်​နှင့် ဘုန်း​အသရေ​တော်​သည် ကမ္ဘာ​အဆက်ဆက် ကိုယ်တော်​၌​ရှိ​ပါ​၏။ အာမင်။]

တ​ရား​ဟော 33:5

လူမျိုး​တော်​အကြီးအမှူး​တို့​သည် အစ္စရေး​မျိုးနွယ်​တို့​နှင့်အတူ စုဝေး​ကြ​သောအခါ ကိုယ်တော်​သည် ယေရှုရုန်​အမျိုး​၌ ရှင်ဘုရင်​ဖြစ်​တော်မူ​၏​။