တ​ရား​ဟော 28:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ထာဝရဘုရား​သည် သင်​၏​ကျီ​၌​လည်းကောင်း​၊ သင်​လုပ်ဆောင်​လေရာရာ​၌​လည်းကောင်း ကောင်းချီးမင်္ဂလာ သက်ရောက်​စေ​တော်မူ​မည်​။ သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​ကောင်းချီးခံစား​ရ​မည်​။

Common Language Bible

⁸ ``သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား သည် သင်​တို့​၏​လုပ်​ငန်း​ကို​ကောင်း​ချီး​ပေး​၍ သင်​တို့​၏​ကျီ​များ​ကို​စ​ပါး​နှင့်​ပြည့်​စေ တော်​မူ​မည်။ ကိုယ်​တော်​သည်​မိ​မိ​ပေး​သ​နား တော်​မူ​မည့်​ပြည်​တွင် သင်​တို့​အား​ကောင်း​ချီး ပေး​တော်​မူ​မည်။

Garrad Bible

⁸ ထာ ဝ ရ ဘု ရား သည် ကျီ သွင်း ရာ မှ စ သော ပြု လေ ရာ ရာ၌ မင်္ဂ လာ ကို စီ မံ လျက် သင် တို့ ဘု ရား သ ခင် ထာ ဝ ရ ဘု ရား ပေး သ နား သော ပြည် တွင် ကောင်း ကြီး ပေး တော် မူ လ တ္တံ့။

Judson Bible

⁸ သင်၏​ဘ​ဏ္ဍာ​တိုက်၌​လည်း​ကောင်း၊ သင်​ပြု​လေ​ရာ​ရာ၌​လည်း​ကောင်း၊ ထာ​ဝ​ရ​ဘု​ရား​သည် သင့်​အ​ပေါ်​မှာ မင်္ဂ​လာ​ရောက်​စေ​ခြင်း​ငှာ မိန့်​တော်​မူ​မည်။ သင်၏ ဘု​ရား​သ​ခင်​ထာ​ဝ​ရ​ဘု​ရား​ပေး​တော်​မူ​သော​ပြည်၌ သင့်​ကို ကောင်း​ချီး​မင်္ဂ​လာ​ပေး​တော်​မူ​မည်။

တ​ရား​ဟော 28:8 ပူးပေါင်းရင်းမြစ်များ

၄ ရာ 6:27

ထိုအခါ ရှင်ဘုရင်​က “​သင့်​ကို ထာဝရဘုရား​ကယ်​တော်​မ​မူ​လျှင် သင့်​ကို ငါ​မည်သို့​ကယ်​ရ​မည်နည်း​။ ကောက်နယ်တလင်း​မှ​လော​၊ သို့မဟုတ်လျှင် စပျစ်သီးနယ်ရာကျင်း​မှ​လော​”​ဟု ပြန်လည်​မိန့်ဆို​၏​။

ဆာ​လံ 1:3

ထို​သူ​ကား ရေစီး​သော​ချောင်း​နားမှာ စိုက်​ထား​၍ မိမိ​အချိန်တန်​သောအခါ​အသီး​သီး​ပြီး အရွက်​မ​ညှိုးနွမ်း​တတ်​သော​အပင်​နှင့်​တူ​၏​။ ပြု​လေသမျှ​တို့​၌​အောင်မြင်​တတ်​၏​။

ဆာ​လံ 128:2

သင်​သည် မိမိ​လက်​ဖြင့် လုပ်ဆောင်​ရရှိ​သော အသီးအပွင့်​ကို အမှန်ပင် စား​ရ​လိမ့်မည်​။ သင်​သည် မင်္ဂလာ​ရှိ​၍ ကောင်းကျိုးချမ်းသာ​ကို ခံစား​ရ​လိမ့်မည်​။

ဆာ​လံ 133:3

ဇိအုန်​တောင်​များ​ပေါ်သို့​ကျ​သည့် ဟေရမုန်​တောင်​၏​နှင်းစက်​ကဲ့သို့​လည်း​ဖြစ်​၏​။ အကြောင်းမူကား ထိုသို့​နေထိုင်​ကြ​သော​အရပ်​၌ အစဉ်အမြဲ​အသက်ရှင်​ခြင်း​တည်းဟူသော ကောင်းချီးမင်္ဂလာ​ကို ထာဝရဘုရား​အပ်နှင်း​တော်မူ​၏​။

ဆာ​လံ 144:13

အကျွန်ုပ်​တို့​၏​ကျီ​များ​သည် လယ်ယာထွက်ကုန် အမျိုးမျိုး​တို့​ဖြင့် ပြည့်​ကြ​ပါစေသော​။ အကျွန်ုပ်​တို့​၏​သိုး​များ​သည် အကျွန်ုပ်​တို့​၏ ကွင်းပြင်​များ​ထဲတွင် ထောင်သောင်း​မက ပွားများ​ကြ​ပါစေသော​။

ဆာ​လံ 42:8

ထာဝရဘုရား​သည် နေ့အချိန်​၌ မိမိ​၏​မေတ္တာကရုဏာ​တော်​ကို ပြ​တော်မူ​သည်​ဖြစ်၍ ညအချိန်​၌ ငါ့​အသက်​၏​အရှင်​၊ ဘုရားသခင်​ထံ ငါ​ဆုတောင်း​၏​။ ကိုယ်တော်​အား ချီးမွမ်း​သော​သီချင်း​ကို ငါ​သီဆို​၏​။

ဆာ​လံ 44:4

အို ဘုရားသခင်​၊ ကိုယ်တော်​သည် အကျွန်ုပ်​၏​ရှင်ဘုရင်​ဖြစ်​တော်မူ​၏​။ ယာကုပ်​၏​အောင်ပွဲ​ကို​စီမံ​တော်မူ​ပါ​။

ဝတ်​ပြု 25:21

ငါ​သည် ဆဋ္ဌမ​နှစ်​၌ သင်​တို့​အပေါ်​သို့ ငါ​၏​ကောင်းချီးမင်္ဂလာ​ကို သက်ရောက်​စေ​မည်​။ ထို​နှစ်​၌ သုံး​နှစ်​စာ​အသီးအနှံ ထွက်​လိမ့်မည်​။

ဝတ်​ပြု 26:10

သင်​တို့​သည် ကြာရှည်​စွာ​သိုထား​သော​သီးနှံ​အဟောင်း​ကို စား​ရ​လိမ့်မည်​။ သီးနှံ​အသစ်​ပေါ်​သောအခါ အဟောင်း​ကို​ထုတ်ပစ်​ရ​လိမ့်မည်​။

ဟ္ဂဲ 2:19

စပါးကျီ​ထဲ၌ မျိုးစေ့​ရှိ​သေး​သလော​။ စပျစ်ပင်​၊ သဖန်းပင်​၊ သလဲပင်​နှင့် သံလွင်ပင်​တို့ အသီး​မ​သီး​လျှင်​လည်း ယနေ့​မှစ၍ သင်​တို့​ကို ငါ​ကောင်းချီးပေး​မည်’​ဟူ၍ ထာဝရဘုရား​မိန့်​တော်မူ​ပြီ”​ဟု ပြန်ပြော​၏​။

မဿဲ 13:30

ရိတ်သိမ်း​ချိန်​တိုင်အောင် နှစ်မျိုးစလုံး​အတူ ကြီးထွား​ကြ​ပါစေ။ ရိတ်သိမ်း​ချိန်​၌ ရိတ်သိမ်း​သော​သူ​တို့​အား “မြက်သီး​ပင်​များ​ကို ဦးစွာ​နုတ်ယူ​၍ ၎င်း​တို့​ကို​မီးရှို့​ရန် အစည်း​လိုက်​ချည်​ထား​ကြ​လော့။ ဂျုံ​ဆန်​ကို​မူကား ငါ​၏​ကျီ​ထဲ၌ စုသိမ်း​ထား​ကြ​လော့”​ဟု ငါ​ပြော​မည်’ဟု ဆို​လေ​၏”​ဟူ၍ မိန့်​တော်မူ​၏။

မဿဲ 6:26

မိုး​ကောင်းကင်​ငှက်​တို့​ကို ကြည့်ရှု​ဆင်ခြင်​ကြ​လော့။ ၎င်း​တို့​သည် မျိုးကြဲ​ခြင်း​မ​ရှိ၊ ရိတ်သိမ်း​ခြင်း​နှင့် ကျီ​၌​စုသိမ်း​ခြင်း​တို့​ကို​လည်း မ​ပြု​ကြ။ သို့သော် ကောင်းကင်ဘုံ​ရှင် သင်​တို့​အဖ​သည် ၎င်း​တို့​ကို​ကျွေးမွေး​တော်မူ​၏။ သင်​တို့​သည် ထို​ငှက်​တို့​ထက် အဖိုးထိုက်​ကြ​သည်​မ​ဟုတ်​လော။

လုကာ 12:18

ထို့နောက် သူ​က ‘ငါ​ဤသို့​ပြု​မည်။ ငါ့​ကျီ​များ​ကို​ဖျက်​၍ ပိုမို​ကြီးမား​သော​ကျီ​များ​ကို​ဆောက်​ပြီးလျှင် ငါ​၏​ဂျုံဆန်​နှင့်​ကောင်း​သော​အရာ​ရှိသမျှ​တို့​ကို ထို​နေရာ​တွင် စုသိမ်း​ထား​မည်။

တ​ရား​ဟော 14:29

သို့ပြုလျှင် သင်​တို့​တွင် အမွေ​ဝေစု​မ​ရ​သော​လေဝိ​အမျိုး​၊ သင့်​မြို့​၌​ရှိ​သော တိုင်းတစ်ပါးသား​၊ ဖတဆိုး​၊ မုဆိုးမ တို့​သည် လာ​ပြီး ဝလင်​စွာ​စား​နိုင်​မည်​။ ဤ​အမှု​ကို​ထောက်​၍ သင်​၏​ဘုရားသခင်​ထာဝရဘုရား​သည် သင်​ပြု​လေရာရာ​၌ သင့်​အား​ကောင်းချီးပေး​တော်မူ​မည်​။

တ​ရား​ဟော 15:10

သူ့​အား ပေးကမ်း​သောအခါ မကြည်ဖြူ​သော​စိတ်​မ​ရှိ​ဘဲ ကြည်ကြည်ဖြူဖြူ​ပေးကမ်း​ရ​မည်​။ ဤ​အမှု​ကို​ထောက်၍ သင်​၏​ဘုရားသခင်​ထာဝရဘုရား​သည် သင်​ပြုမူ​လုပ်ဆောင်​လေရာရာ​၌ သင့်​အား ကောင်းချီးပေး​တော်မူ​မည်​။

တ​ရား​ဟော 15:4

သင့်​အား သင်​၏​ဘုရားသခင်​ထာဝရဘုရား အမွေ​အဖြစ်​အပိုင်​ပေး​တော်မူ​သော​ပြည်​၌ ထာဝရဘုရား​သည် သင့်​ကို အမှန်ပင်​ကောင်းချီးပေး​တော်မူ​မည်​ဖြစ်၍ သင်​၌ နွမ်းပါး​သော​သူ ရှိ​မည်​မ​ဟုတ်​။

တ​ရား​ဟော 28:20

ထာဝရဘုရား​ကို​စွန့်ပယ်​ခြင်း​တည်းဟူသော ဆိုးညစ်မှု​ကို သင်​ပြု​သောကြောင့် သင်​သည် အလျင်အမြန်​ဖျက်ဆီး​ခြင်း​ခံရ​မည်​။ ပျက်စီး​ခြင်း​သို့​မ​ရောက်​မ​ချင်း ထာဝရဘုရား​သည် သင်​ပြုကျင့်​လုပ်ဆောင်​လေရာရာ​၌ ကျိန်ဆဲ​ခြင်း​၊ ထိတ်လန့်ချောက်ချား​ခြင်း​၊ ပြစ်တင်မောင်းမဲ​ခြင်း​တို့​ကို သင့်​အပေါ်​သို့ ကျရောက်​စေ​တော်မူ​မည်​။

တ​ရား​ဟော 28:7

ထာဝရဘုရား​သည် သင့်​ကို​ပုန်ကန်ထကြွ​သော​ရန်သူ​တို့​ကို သင့်​ရှေ့မှောက်​၌ ရှုံးနိမ့်​စေ​တော်မူ​မည်​။ သူ​တို့​သည် သင့်​ထံသို့ လမ်း​တစ်လမ်းတည်း​ဖြင့် လာ​ကြ​သော်လည်း သင့်​ထံမှ လမ်း​ခုနစ်​သွယ်​ဖြင့် ထွက်ပြေး​ကြ​ရ​လိမ့်မည်​။